كيكة البرتقال من مطبخيmonaahmedsaad غير مشاركتي لام شادي عصير وفواكه
كيكة البرتقال من مطبخي
monaahmedsaad غير
مشاركتي للغالية ام شادي
عصير وفواكه
السلام عليكم ورحمة الله وبركاته
ازيكم ياقمراتي كيفكم
انا اليومحبيت اجبلكم وصفة لذيذة جداااااااااااااااااااااا
للامانة انا معتمدة الوصفة من الشيف اسامة
بس بلمساتي وتعديل بعض المقادير والمكونات
و طلعت رووووووووووووووعة ماشاء الله
ومن يومها اعتدتها ولله الحمد
تعالو شوفو عملت ايه
المقادير
اقل من نص كوب زبد و معلقتين كبار زيت(كلهم اكتر من نص الكوب )
كوب سكر بودرة
2 بيضة
معلقتين كبارعصير برتقال طبيعي
كوب دقيق
1\4 ملعقة بكينج بودر
1\4 معلقة بشر برتقال
للشيرة او القطر
نص كوب عصير برتقال طبيعي مصفي
كوب سكر
نص كوب ماء
نص معلقة روح البرتقال
ممكن تزودي المقادير لو تحبيها بس انا مش بكتر منه
اولا طريقة الشربات
اضع المقادير واقلبهم جيدا ليذوب السكر علي نار متوسطة للغليان
وبعدها اهدي النار خمس دقايق كده لحد مايكون قوامه تقيل شوايه
ثم اضيف روح البرتقال واقلب واقفل علي طول
ثانيا طريقة الكيك
يخفق الزبد والسكر جيداا لتصبح كالكريمة
تضاف البيض بيضة بيصة مع الاستمرار بالخفق
ثم عصير البرتقال
البيض خلطه مع البيكنج بودر وبشر البرتقال ونخلتهم
ثم ضفت الدقيق وقلبت بالمعلقة عادي خفيف
بس انا النهردة كنت مستعجلة اوي عليها
ضربتها بالخلاط لحد الدقيق ماضفتهاو ضربتين وقفلت
وصبتها بصينيه مدهنة زبدة ومرشوش عليها دقيق
ودخلتها فرن محضراها من ربع ساعة 180 درجة
وسبتها لحد مانضجت كويس واختبرها بالخلة
واول ماخرجت سبتها بس دقيقتين كده ورشيت عليها
الشيرة الباردة وهي ساخنة وسبتها ربع ساعة للتتشرب
ونقلتها علي طبق التقديم
الواحد من الاستعجال لازم يحصل حاجة بالكيك
المهم زي ماانتم شايفين شكلها فتحت من قدام هسيبها كده
عندي شكولاتة فارماسيل ملونة رشيتها عليها وطبعا
عشان بيها شربات لصقت بسرعة وكانت خطيرة
بالذات في وجود اطفال كمان
وهنا شكلها مش بيها شربات كتير
وكانت كتير حلوة
ويارب تعجبكم طريقتي يارب
رد مع الاستدلال
الروابط المفضلة