اليوم مشاركتي لشخبوطه يعني ان شاء الله تعجبها لاني بصراحه زمااااااااااان ما عندي صغار ومدارس وساندويشات هههههههههههه
المهم انا اعملت هالخبزات وبدي اعملهم ساندويشات وبلشت افكر شو احط فيهم على طول اجت على بالي بنتي هسا عنده بنت ههههههههه
كانت ما ترضى توخذ سانديش الا زيت وزعتر طول المدارس غريبه صح هههههههههه
والادهى اغلب الايام تطلب لصاحباتها قال شو بقولو زعترنا زاكي هههههههههههه
الف صحه وعافيه لكل حد اكل منه يا رب
هسا العجينه هي مكنونه من
المقادير
1 كيلو طحين
50 غم زبده
3 ملعقه صغيره خميره
3 بيضات
3 ملاعق كبيره حليب ناشف
1 ملعقه كبيره سكر
رشة ملح
3 كاس ماء فاتر
الطريقه
نضع جميع المقادير الناشفه مع بعض ونبس العجين
ثم نضيف الماء بالتدريج حتى نحصل على عجينه ملساء
نترك العجينه حتى تتخمر
نقطعها الى 10 قطع
ونشكلها كما ترون
نتركها تتخمر مره اخرى ثم نخبز على 180 درجه حتى تتحمر
وهاى الصوره
انا مثل ما حكيت حشيتهم زيت وزعتر وبندوره
وكمان عملت لبنه مدوره مع خيار شو زاكي
الصراحه انا بعمل فيهم وبحكي مين هسا بدو يوكلهن هههههههه
ما كملت حكي الا ابني المتزوج جاي وما صبر علي لاصورهن اسم الله عليه اكلهن الف صحه وعافيه يا رب
الروابط المفضلة