بنوتة وام جوجو بصي انا خاااايبة جدا في الوصف بس اما جوزى يصحى هاساله بالزبط قبل ما اضيعكو هههههههه
اناا مرة خدته نشوف حضانة ولفيت بيه الكرة الارضية وفي الااااااااااخر لقيناها بس بعد ماقلبنا الدنيا لف وكلمت ماما واخواتى ولاااااااااحد عرف الاجابة الصح وطلبت الدليل سالته على الحضانة والاسم كان غلط ومعرفش يدينى النمرة يعنى في الضياااااع اصبرو شوية هاقوللكو ان شاء الله
بصو بئة المنيو انهاردة ايه
سمك عالطريقة الصينى ورز بردوووووووووووو صينى
السمك اغسليه كويس جدا جدا مرة او اتنين بالملح والمية ومرة تدعكيه كويس بالدقيق بس بعد ماتكونى نضفتيه من جوا وشيلتى الامعاء ونضف كويس
تجيبي توم مدقوق كويس ومعاه ملح وجنزبيل كتريه شوية ويفضل الطازج لو موجود بس تفرميه وتحطيه ماتكتريش اوى لانو بيكون حراق خصوصا الطازج
وزيت ملعقتين كده كبار
وصويا صوص طبعا
اانا باضيف من عندى شرايح جزر وبصل واحيانا باضيف لمون بس خفيف
طبعا التتبيلة كتريها عشان يبئا مزبوط وتبليه من جوه ولو السمك صحيح من شرايح يبئا تعملى خطوط رفيعة وتحشي بيها التتبيلة
وبعدين ركزو كويس اوى مع الموضوع دة( اولا السمك بياخد وقت سوا عالبخار كده حوالى8دقيايق وممكن توصل ل15دقيقة لو بشوكه)بس دقايق بالساعة مش دقايق مصرية مرحرحة
جيبي حلة البخار اللى هى بتسوى فيها الحاجة عن طريق حط مية تحت وبعدين فوق بيكون في مصفى وغطا
(قبل ما انسى لو نفرض انك معندكيش زى حالاتى كده تعملى ايه ؟ماتعمليش؟لا طبعا بصي بئة جيبي اى حلة تنفع تحطى معاها مصفة المكرونة او اى مصفة المهمم تلاقي غطا ملائم مع الاتنين وفرضا ان الغطا مش محكم من فوق كويس وفي سرسوب بخار ممكن يتسرب ؟يبئا تعملى عجينة الدقيق بالمية عبارة عن شوية دقيق اعجنيهم بمية بس تكون تخينة شوية وبعد ما تعملى الخطوة الجاية وتغطى وتولعى النار وحطى الغطا ويبدا المية تغلى تقومى ماشية على حرف الحلة بالعجينة بتاعتك على الغطا بحيث اى فراغ زغنن بين الغطا والحلة يختفي هاتلاقي بالبخار العجينة نشفت بئت حتة وحدة وهو دة المطلوب امشي عالحرف اى حتة بخار سديها كويس وبعدين وطى بئة النار وسيبيها)
المهم بئة هاتى فويل ورق المونيوم ورق قصدير زى مابتقولو عليه المهم وترصي السمك المتبل فيه ووتقفليه كانك بتعملى حواوشي ولفيتيه بس دة طبقة تحت وفوق وحدة وتقفلي وخلاص حطيها في المصفة وطبعا تكونى ملية بتاع تلت الحلة مية بس اهمممممم حاجة المية ماتوصلش للسمك هاتتسلق كده لا احنا عاوزينه عالبخار واقفلي باحكام وسيبيه زى ماقلت قبل كده حوالى 8دقايق لحم سمك صافي وتوصل ل15دقيقة لو بشوكه وممكن اكتر دقيقتين لو حاجة جلدها سميك زى القرش والحاجات دى
اول ما المية تغلى توطى وتسيبيها
فرضا انك عاوزة تبصي عليه تتاكدى ؟بعد ماتخلص الوقت تاخدى المصفاه برة المية وتشوفي السمك لان لو فتحتى ووقفتى تشوفي والمصفة ع المية تحرق ايدك فخلى بااااالك كويس
نيجى بئة للرز اعملى رز بسمتى ابيض سااادة خاالص على اد بصلاية في الزيت وعليها ملح وفلفل وعلى طول الرز يتقلب في الزيت تقليبة بجد مش يتشوح لالالا خالصهو بس ياخد من الزيت كده على طووول حطى المية وسيبيه يغلي واما يغليله دقيقتين كده توطى النار طبعا الرز البسمتى عامة بياخد بالزبط 20دقيقة سوا في حلة محكمة مابتطلعش سرسوب بخار نهاااااائي
في انواع رز بتحتاج تتعامل معاملة الارز المصري سايسيها واعمليها زى الرز المصري وخلى باالك من كمية المية مع الانواع الحساسة دى زى رز الضحى (وانا شخصيا ما بافضلوش نهاائي لانو مابيزبطش وبيعجن!!! وزى الرز التايلندى)حسن انواع الهندى والباكستانى وعلى فكرة رز 1 الابيض مش حلو بردو الدهبي هو اللى بيزبط بسرعة وتمام
المم على ما الرز يستوى تجيبي طاسة تيفال فيها ملعقة زيت وتشوحى فيها صنوبر ومشروم لو عندك الاتنين لو مش عندك خلاص ساعات ماكنش بيبئا عندى بس عااادى شغاال و بس سخنى الزيت الاول تدقي فص توم مع شوية جنزبيل وتقلبي لمدة دقيقة بالزبط
وتكونى مجهزة قبلها شرايح بصل وشرايح جزر قلبي والنار عالية لمدة دقيقة بردو عالسريع واطفى واما الرز يستوى تقلبيهم معاه
وخلاااااااص بالهنا والشفا
الروابط المفضلة