✿* حلى متميز*✿ كانت فأصبحت ........ مشاركتي في اسبوع التمر

[أروتي]

كان نفسي اشارك في اسبوع الشوفان بس للأسف عمري ما استخدمت الشوفان و لا اعرف طعمة اصلا و دا اكيد تقصير مني في حق مكون غني و رائع مثلة و علشان كدة قلت اعوض في اسبوع الباشا الكبير .... التمر
و كان عندي قدرا رب التمر و قلت اجرب طريقة الاخت الغالية زينب و هي كيكة رب التمر اللي في الرابط دة
http://www.lakii.com/vb/showthread.php?t=505571

و بالفعل عملتها و في الفرن ما شاء الله عليت و كانت روعة و قعدت امني نفسي قلت لما تطلع هأزينها و اعمل البدع و طفيت الفرن و عنيكوا ما تشوف الا النور هوب نزلت التلت و يمكن اكتر و العيب من عندي مش من الوصفة لان الفرن الانتيكة من يوم ما ركبوا الغاز بقت الكيكة اللي بتاخد 45 دقيقة بتاخد ساعة و اكتر و انا لاقيت الكيكة اخدت ساعة و نص قلت و طفيت عليها من غير ما اختبرها و اشوفها استوت و لا لأة و كانت غلطة اللي هيا......................... و لكن الحمد لله قلت مش هأرميها و ان شاء الله هأشارك برضة بيها
فقمت مقطعاها و نشفتها شوية في الفرن لأتأكد من سواها و طحنتها في الكبة و عملتها زي التشيز كيك
ودي الطريقة
الطبقة الأولي .............
الكيكة( وطبعا استخدمت نصها و حفظت الباقي في الفريزر) و ممكن تستخدموا الكمية كلها + اصبع زبدة
و فردتها في الصينية و دخلتها الثلاجة تبرد

الطبقة التانية ............
كيس كريم كراميل و عملتة زي المكتوب علي العلبة و بردتة في الثلاجة لغاية التماسك
2 كيس كريم شانتية و خفقتة مع شوية لبن ثم اضفت لة الكريم كراميل بعد ما جمد + 4 قطع جبن كيري او مثلثات
( انا استخدمت المثلثات ) و خفقتهم كلهم ثم صبتهم علي الطبقة التانية و ادخلتها الفريزر حتي تتماسك لمدة نص ساعة تقريبا
( و قبل ما اضيف الكراميل الي الكريمة اخذت منها حوالي 3 ملاعق كبار للتزيين فيما بعد )

التزيين .............
* استخدمت القليل من البسكوت المطحون كأرضية كأنها رمال
** و 3 ملاعق توفي (كاسة سكر علي النار حتي يبدأ يدوب ثم نضيف علبة قشطة تكون دافئة و ملعقة زبدة) و قلبت معهم ملعقتين حليب مركز لأسيلهم قليلا و عملت النخلة و بالكريمة اللي شلتها من الخلطة اضفت لها ملون اخضر و بقمع عملت شكل الاوراق
(( و معلشي شكلها داخل علي شكل الشجر اكتر من النخلة )
*** و جبت بلح و غسلتة و نشفتة و شلت منة النواة و حشيتة ببسكويت مطحون و مخلوط بحليب مركز لاستطيع تشكيلة

و دي الصور .....







و دي قبل ما اشيلها من الصينية و انا مهنديش صينية من اللي بتتفتح فجبت صينية عادية و جبت كرتونة و قصتها علي شكل دائرة مقاس الصينية و غلفتها بفويل و وضعت تحتها بلاستيك الشفاف طبقة اولي كبيرة حتي استطيع رفع مابالصينية بها ثم طبقتين ليكونوا علي الجناب و بعدين حطيت الدائرة و اشتغل عليها احط البسكوت و كدة و في الاخر ارفعها من الصينية و افك البلاستيك ...... معلشي الحاجة ام الاختراع



و دا الشكل النهائي





و دي بقة كان ابو الشباب معجبهوش الزرعتين الخضر اللي جنب النخلة و كان عاوز نجيلة فقلت ما أزعلهوشي و شلتهم و عملت شوية نجيلة بحليب مركز و لونتة ما كانشي عندي كريمة .. اعمل اية؟؟؟؟



و دي ايد بنتي الظاهرة مش ايدي ..... حبيت اوضح
و معلشي طولت عليكم و حكيت قصة حياتي بس معلشي استحملوني و يارب تكون عجبتكم و معلشي ما صورتهاش من جوة كانت لاهل جوزي .
و تذكروا قول الرسول الكريم علية أفضل الصلاة و السلام .....
(بيت ليس فيه تمر جياع أهله)