كبة جريش وحمص بطحينة وبابا غنوج وفتة الحمص واندومي والدجاج مشاركتي بأسبوع المقبلات
السلام عليكم جميعاً
واسعد الله اوقاتكم
اطباقي اليوم حلوة وبسيطة انشالله تعجبكم
وفي بعض منهم كانو عندي مصورين من قبل فترة واجى الوقت لينزلوا
وانشالله تعجبكم
اول شي كبة الجريش
المقادير
كوب جريش
طبعاً الجريش انعم من البرغل
واخشن من السميد
وهذه صورته
وممكن خلط كوب جريش مع كوب برغل
حسب مابتحبي
ملح وشوية قرفة
ماء يغطي الجريش
لحم معصج
طريقة العمل
نغسل الجريش
ونضع الملح والقرفة والماء بحيث نطبخه مثل الرز بس نتركه يستوي شوي ازود
بس من دون زيت
وهنا بعد ما استوى
نتركه يبرد شوي
ونعجنة لحتى نحصل على عجينة
نعمل حشوة اللحم زي العادة
نقلي البصل ونضيف اللحم حتى يستوي
بنضيف بهارات وملح
ونطفي
انا بحب اضيف كرفس مفروم
مع كشمش وجوز
ونخلطهم
ناخذ قطعة من العجين ونفتحها نص دائرة لحتى نحشيها
اسفة الصورة مو واضحة كثير
بس لاني كنت بشتغل وكنت مفتكرتها واضحة
نضع كمية كبيرة من الحشوة
ونكبكبها
حس مابتحبي اقراص او اصابع
نقليها بالزيت لحتى تحمر
وانا قدمتها مع شوية معكرونة
وحمص بطحينة
سوف اذكر طريقة عملها
بابا غنوج
باذنجان مشوي على النار
زيت زيتون
ثوم مدقوق ناعم
شوية حر
طحينة وعصير ليمون
ملح وبهارات حسب ماانتي بتحبي
بعد مانشوي الباذنجان بننزع القشرة الخارجية
ونتركه ينزل الماء منه لان فيه طعم المرارة
نضيف جميع المحتويات
ونخلطهم
تزين حسب الرغبة
انا حبيت ازينهم بالطماطم
والنعناع
حمص بطحينة
حمص مسلوق
مع ماء السلق
فصين ثوم
زيت زيتون
عصير ليمون
طحينة
ملح وشوية بهار
نضع الحمص في الخلاط
مع الثوم وشوية ماء الحمص المسلوق
والملح والطحينة و شوية زيت مع عصير الليمون
ونخلط بالخلاط
او ممكن تعمليه بخلاط العصير
وممكن نحتفظ بالباقي ببرطمان
وانا سبق وقدمته مع الكبة والبابا غنوج
فته حمص على طريقتي
حمص مسلوق
خبز مقلي
لبن (زبادي) مخلوط مع شوية عصير وثوم وشوية طحينة وملح
نضع شوية خبز في الصحن
ثم نضع الزبادي مع خلطته
مع شوية حمص
ثم نكرر الطبقات
نتركه يبرد في الثلاجة ويقدم بارداً
اخر طبق
هو الاندومي بالخضار والدجاج
نقلي بصلة لحتى تذبل
ثم نضيف لها خضار اي خضار
انا اضفت جزر وبازيلا وفاصوليا خضرة
وضليت اقلب لحتى شوي بينضجوا
كان عندي دجاج مسلوق بالثلاجة
قطعته ووضعته فوق الخضار وقليته معهم
وعلى جهة نكون سالقين الاندومي
ومن بعدها بنضيف الزيت والخلطة اللي تجيه معه
ونخلطهم مع الخضار
ويقدم
وبالف صحا وهنا
مدونتي مطبخ ام مرمر و ليلو
رد مع الاستدلال
[
الروابط المفضلة