حملة هأكون انسانة جديدة في عبادتي لربنا

[bero333]

حملة هأكون انسانة جديدة في عبادتي لربنا (الأسبوع الثاني)

بسم الله الرحمن الرحيم

اللهم ادخلني واياكم حبيباتي الفردوس الاعلي بلا حساب ولا سابقه عذاب

عاوزه تتغيري ومش قادره؟؟
نفسك تفرحي ربنا بيكي؟؟
نفسك تفرحي رسولنا الحبيب؟؟
خايفه من يوم القيامه؟؟
خايفه من سوء الخاتمه؟؟

نفسك في صحبه صالحه ومش لاقيه؟؟
نفسك حد يعينك علي العباده؟؟
نفسك تكوني انسانه تانيه صلاه وصوم وقرب من ربنا؟؟
خايفه من سكرات الموت

جاده
ولا داخله هنا فضول للخطه وخلاص؟؟
ولو جاده جدا سجلي اسمك
مش جاده بس نفسكوبتتمني
احفظي الموضوع عندك ممكن في يوم تحتاجيه
الخطه دي سهله جدا جدا...............تناسب اي واحده فينا مش عاوزاكي تلزمي نفسك بعبادات كتير وتسيبيها كلها مره واحده(ما اخذ جمله فقد جمله)
وكمان
(احب الاعمال الي الله ادومها وان قل)
المره دي
خطتي واحده واحده وباذن الله هنوصل للقمه خلال 12 اسبوع يعني 3 شهور ابتداءا من يوم السبت القادم
9/5/2009
الخطه

الاسبوع الاول...
الصلاه لوقتها وخصوصا صلاه الفجر
الاسبوع الثاني...
صفحه قران كريم(اللي عاوزه تزود تزود)المهم مش هنقل عن كده مع الحفاظ علي العباده السابقه
الاسبوع الثالث....
سنحافظ علي ركعه وتر مهما حدث لن نتركها ان شاء الله
الاسبوع الرابع...
ركعتين قيام


كده الشهر الاول انتهي والحمد لله مبارك عليكمالاسبوع الخامس...
سنه صلاه الفجر
الاسبوع السادس...
سنه صلاه الظهرالاسبوع السابع...
سنه صلاه المغربالاسبوع الثامن...
سنه صلاه العشاء
كده الشهر 2 انتهي والحمد لله
الاسبوع التاسع...
صلاه الضحيالاسبوع العاشر...
الصلاه علي الرسول 10 مرات صباحا ومساءاالاسبوع 11...ذكر متنوع يشمل(استغفار..تسبيح..تهليل.... .......)
ودي هشرحها بالتفصيل ايامها ان شاء اللهالاسبوع 12...
صيام يوم الاثنين والخميس لمن تستطيع وتعينها صحتها ويوافقها زوجها علي ذلك
انتهي الشهر 3...........مبروك
لقد ولدت من جديد

يا بنات الموضوع ده فكرته منقولة من منتدي تاني للأمانة
انا حاولت أدخل معاهم بس كانوا في السبوع الخامس
قلت أنقله هنا و أبدأ معاكم و نستفيد
بس انا عدلت فيه شوية في ترتيب الاسابيع
ربنا ينفعنا بيه و ينفع صاحبة فكرته
قالدال علي الخير كفاعله
انا كمان غيرت العنوان

[doaa hamdy]

ما شاء الله موضوع رائع
جزاكي الله خيرا يا بيرو
يشرفني اكون اول المشتركات معاكي

[أحلام طفلة]

وانا كمان ثانيهم ومعاكى بجد

[bero333]

يا بنات
كل اللي فات ده كان موضوع الأخت اللي انا نقلاه منها ماعدا التعديلات

هنا بقي كلامي انا ليكم

احنا كلنا نتمني نكون قريبين لربنا و نطيعه بس الحياة بتشغلنا و بنحتاج حد يشجعنا
انا فكرت أبدأ الموضوع ده هنا عشان نبدأ سوا
انا بعد الجواز و تشريف الأستاذ مؤمن قصرت اوي في عبادتي لربنا
و كنت عايزة مساندة
وفي نفس الوقت مش عايزة رجوع سريع و كتير مرة واحدة
عشان ما أرجعش أكسل او أزهق
فلازم كانت تيجي واحد واحدة
و كان لازم يكون فيه صحبة صالحة
نشجع بعض و ربنا يجمعنا في الجنة سويا ان شاء الله

في انتظار مشاركتكم و اشتراككم معايا في الموضوع ده
و هنا هنكتب يومياتنا علي قد ما نقدر بس بدون تقصير

[bero333]

الأسبوع الأول

هيبدأ يوم السبت
و ليه السبت؟

من النهاردة الثلاثاء 5/5/2009
و سيستمر الي يوم الجمعة الموافق 15/5/2009

عارفين ليه؟
عشان الأسبوع الأول ده الأساس
الحفاظ علي الصلاة في مواقيتها بدون تأخير أو جمع و طبعا أولها صلاة الفجر
وهذا ليس بالموضوع الهين
لذلك سأجعله 10 أيام
و أيضا حتي تنضم الينا الكثير من الأخوات
ياللا من بكرة
استعينوا بالله

[أطايب الجنة 2002]

معاك إن شاء الله جل وعز

ويارب يجعلة فى ميزان حسناتك ويارب يتقبل منا يارب

[bero333]

وانا كمان ثانيهم ومعاكى بجد

نورتيني يا أحلام طفلة و ربنا يجمعني معاكي يوم القيامة في الجنة

ما شاء الله موضوع رائع
جزاكي الله خيرا يا بيرو
يشرفني اكون اول المشتركات معاكي

دودو يا قمر
ربنا يخليكي يا رب و يجمعنا معا في ظله يوم لا ظل الا ظله

ياللا يا بنات اول صلاة في الحملة صلاة الفجر

و ان شاء الله يكون فجر جديد في علاقتنا بربنا

[ymk200380]

إن شاء الله أنا معاكم

أنا فى الفترة اللى فاتت دى كنت مقصرة فعلا

جزاكم الله خيرا على المبادرة الحلوة دى

والله العظيم أنا كنت من شوية بدعى ربنا إنه يعنى وأرجع زى الأول

بإذن الله نبتدى سوى

عجبنى أوى شعارك

و ان شاء الله يكون فجر جديد في علاقتنا بربنا

إن شاء الله يكون شعار الحملة

[bero333]

إن شاء الله أنا معاكم

أنا فى الفترة اللى فاتت دى كنت مقصرة فعلا

جزاكم الله خيرا على المبادرة الحلوة دى

والله العظيم أنا كنت من شوية بدعى ربنا إنه يعنى وأرجع زى الأول

بإذن الله نبتدى سوى

عجبنى أوى شعارك

و ان شاء الله يكون فجر جديد في علاقتنا بربنا

إن شاء الله يكون شعار الحملة

حبيبتي شرفتينا و الله بانضمامك لينا
و ان شاء الله يكون ده فجر جديد في علاقتنا بربنا
و فجر جديد في حياتنا
ياللا
ففروا الي الله

[ابنة الشهيدة]

موضوع رائع وأنا معك في هذه الحملة بإذن الله.

جزاك الله خيرا وجعله الله في ميزان حسناتك

[عاشقة البهارات]

جزاك الله كل خير و انا معكم بأذن الله
و انا كمان من فتره كنت انضمت مع الاخوات ببيت الصائمات في صيام الايام البيض
وربنا يتقبل من صالح الاعمال

[bero333]

جزاك الله كل خير و انا معكم بأذن الله
و انا كمان من فتره كنت انضمت مع الاخوات ببيت الصائمات في صيام الايام البيض
وربنا يتقبل من صالح الاعمال

موضوع رائع وأنا معك في هذه الحملة بإذن الله.

جزاك الله خيرا وجعله الله في ميزان حسناتك

نورتوا يا بنات
اللهم تقبل منا و اغفر لنا و ارحمنا
ياللا شدوا الهمة

[onenahla]

السلام عليكم ورحمه الله وبركاته
انا ان شاء الله هنضم ليكم وربنا يعينا كلنا على فعل الخير وفعلا اهم حاجه في الدنيا الصحبه الصالحه هي اللي هتعينا على مش بس طاعه ربنا ولكن على كل شيئ كويس
اللهم اعنا على ذكرك وشكرك وحسن عبادتك

[rania 9]

اختي العزيزة بيرو...
جزاكي الله خيرا ..بجد فكرة رائعة ...شكرا على نقلها و بحمد ربنا اني لحقتها من الاول ..يا ريت تقبلوني معاكم ...و مش حانسى اشكر صديقتي ام بيجاد لانها دلتني على الموضوع.

بس يا ريت و احنا بنصلي كل يوم ندعي لبعض بظهر الغيب ان ربنا يعيننا و يثبتنا كلنا ...ده مهم جدا ...لان و الله اعلم سمعت ان الشيطان لما بيلاقي حد يقرب من ربنا بيوسوسله اكتر علشان يبعده

[noana]

السلام عليكم انا ان شاء الله معاكم و الحمد لله انا مواظبه على صلاة الفجر من ساعه ما ربنا اكرمنى بالحج من 3 سنوات و ربنا يثبتنا جميعا وفيه حاجه انا بس حابه اضيفها لانى الان بنفذها انا و زوجى ان بناتتنا كمان لازم يقوموا لصلاة الفجر لانها مسئولياتنا و سوف نحاسب عليهم يوم الحساب باذن الله
و طالما الطفل واعى يستطيع ذلك ولو لمجلرد التعود على نظام حياتى بالنسبه له