احنا اتكلمنا قبل كدا عن اللبس ايه رايكم نكمل نهاردة كلام عن اللبس ؟؟؟
طبعا انا وانتم واى بنوتة نفسها تجيب كل اللبس فى الدنيا لما تتجوز وكل شوية تقولى انا مش حاجيب تانى وتلاقى نفسك حاجة عجبتك تجيبها وتكتسفى انك عندك مثلا من اللون الابيض اربع وخمس حاجات وتلاقى نفسك فيه حاجات انتى ناشيها اصلا كنتى جايبها وفى الاخر تلاقى انك ناقصلك حاجات وانك جايبة من عدد كبير من حاجات متكررة صح ؟؟؟
طيب الاول ايه رايكم طلعوا كل اللبس اللى جبتوه وكمان قيسي اللبس ده حاقولكم ليه ... لما حتطلعى كل اللبس حتبداى الاول تشوفى ايه الالوان المتكررة مثلا عندى 5 ابيض و 3 احمر بس معنديش ولا حاجة تراكوز يبقى انتى لما تيجى تشترى تانى حتركزى على التراكوز مش حتجيبى ولا ابيض ولا احمر ....
طيب الانواع حتلاقى عندم مثلا 5 ساتان و5 قصير بس مفيش حاجة طويلة يبقى وانتى بتجيبى ركزى فى الطويل وركزى تجيبى انواع غير الساتان
يبقى كدا انتى حترتبى اولوياتك وتشتغلى الفلوس اللى معاكى فى انك تجيبى حاجات اكتر تنفعك مش مكررة
طبيب ليه بقولك قيسى لبسك ؟؟؟
عشان احنا دايما بنجيب اللبس على مقاسنا وقت ما نشترى وننسى ساعات اننا ممكن نكون خاسين شوية وان جسمنا ممكن يزيد تيجى وقت الجواز تتفاجاى ان حاجات عندك ضيقة وتزعلى او تلاقى حاجات طويلة وعايزة تتظبط والعكس .. عشان كدا بقولك قيسى شوفى ايه المظبوط وايه محتاج تعديل وحاولى تجيبى كام حاجة مقاس اكبر مش لازم تلبسيهم اول الجوزا خليهم بعد شهر او شهرين عشان لو زدتى شوية تلاقى حاجة مناسبة لغاية ما ترجعى لجسمك الطبيعى ....تمام كدا ؟.؟؟
حاجة تانية
فيه لانجيرى بيبقى معه اندر بتاعه بس فيه انواع مش معاها عشان كدا لما تطلعى لانجيرى بتاعك شوفى ايه اللى ناقصه اندر وهاتى نفس الللون وشيليه عشان متلقيش فى الاخر حاجة ناقصة ...
من ضمن اللبس البيتى حاجات تنفع تستقبلى بيها \ الضيوف
وده اما حيبقى لبس الخروج بتاعك العادى او انك مثلا حتجيبى عبابات البيتى الشيك لو كنتى بتلبسى عبايات بس فى حالتين سواء حتلبسى لبس الخروج المعتاد بتاعك جيب او بنطلون او عباية او تونيك حاولى تخلى اللى حتلبسيهم للضيوف يكونا سهلين فى اللبس وتكونا كويهم ومجهزهم مع الطرحة بتاعتها عشان فى اول الجواز بيجى ضيوف كتير وتبقى مرتبكة وبتجهزى حاجات حلوة تقدميها مش حيبقى عندك وقت تفكرى البس ايه وايه الطرحة اللى حتليق وكدا ...
ريحى نفسك وجهزى مثلا 3 اطقم بالطرح والشوز بتاعهم تلبسيهم لما يجيلك ضيوف وزى ما قولنا خليهم حاجات مريحة عشان حتبقى قاعدة بيهم وقت طويل وحتقومى وتروحى تجيبى حاجات من المطبخ وهكذا
طيب ده بالنسبة للضيوف فيه طبعا ناس مش يعتبروا ضيوف زى مامتك واختك وحماتك واخوات زوجك وصاحابك حيبقى دمها تقيل تقعدى ادامهم رسمى بلبس الخروج وفى نفس الوقت مش حيبقى حلو انك تقعدى ادماهم لانجيرى وعليه روب مفروض حاجات دهي بتاعتك بينك وبين زوجك محدش يشوفها عشان تعتبر جزء من حياتكم الخاصة ..
طيب نلبس ايه ؟؟؟ هاتى بيجامات كيوت اللى بنتكور وبادى بتاعها او بنطلون جينز او برمودا وعليه باديهات شيك دلع حيبقى شكلك شيك وحلو ادامهم كمان مش حتبقى رسمى اوى وفى نفس الوقت حاجات ديه بتبقى على قطنيات وجيل يعنى مريحة فى اللبس
نكمل ان شاء الله سوا موضوع اللبس واللى عنده اى نصيحة فى اللبس او سؤال يالالا بقولنا
الروابط المفضلة