ورشة عمل دمى وألعاب ..

[mrmr1400]

واخيرا اختي شفافية عودتينا على طلاتك الحلوة
انا من المشاركين وان شاء الله انفذها واوريكي واكون من المشاركين
استني علينا بس معليش الويك اند غالب والناس راجعة ثانيييييييييي

[شفافية]

أختي أم علي : كلامك أثلج صدري ومن كتر فرحتي بيك قعدت أقراه لزوجي هههه

شغلك عال العال .. انت واصلة السطر السادس صح ؟؟ أنا كملت الشرح لين سطر 17 .. أتمنى يكون واضح ..

والظاهر انك ما طبقت طريقة الدائرة السحرية لانه في فراغ بسيط في أول الشغل .. بس مو مشكلة ان شاء الله ينسد بالحشوة ..

وبالنسبة للسلحفة والفيل أبشري .. جيهم الدور باذن الله اذا الله أحيانا وظروفنا سمحت ..

ليالي وروز : أسعدني المرور وبانتظار التطبيق .. مشكورين

مرمر : والله طلتك اللي أحلى .. فرحتيني انك حتشاركي .. ياللا خفي يدك ووريني .. مرررة مستعجلة أشوف ..

[أسيرة الأحزان]

ورشة اكثر من راااااااائعه انا عندي بقايا خيوط محتاره ايش اعمل فيهم واول دميه تجننن ان شاء الله ابداء بالتنفيذ واختي ارجو انك ماتسرعين في الدروس حتى نلحق معك لعبه لعبه

موفقه حبوبه

[al_mostabedah20]

كتير حلو انا ليا زمان عن الكروشية بس راجعاله تاني معاكم
و حبدا ان شاءالله في الشغل معاكم.

[شفافية]

أسيرة الأحزان .. فعلا أحسن استخدام لبقايا الخيوط هو الدمى .. ولا يهمك يا أسيرة .. راح أستنى .. وقت ما تبغوني انزل الدرس الجديد بلغوني .. وانت بس تبدأي الشغل حتلاقي انه ما ياخد وقت أبدا .. وبسرعة تخلصيه ان شاء الله ودي أحلى ميزة في صناعة الدمى ..

المستبدة : شي رائع انك ترجعي للكروشيه بسبب ورشتي .. هدا شرف ما كنت أطمع فيه .. ياللا مستنية طلتك انت وشغلك ..

[مهره الوادي]

تسلم اناملج حبيبتي موضووع مميز

[أسيرة الأحزان]

حبيبتي شفافية انا كملت الشغل حتى اخر سطر وقفتي عنده

وشكل البيضه بدا يتكون حلووو مررره

هذا تطبيقي



بانتظار الباقي

[لامار2008]

تسلم ايدك اختي الورشة جميييلة
بالتوفيق للجميع

[شفافية]

أسيرة الأحزان : تطبيقك ممتاز وما فيه أي فراغات .. ما شاء الله .. إن شاء الله أكمل الشرح بأقرب وقت .. انتظريني .. بس كيف لقيت الشغل سهل ولا أخد منك وقت ؟؟

مهرة الوادي ولامار : شكرا لمروركم .. وان شاء الله تتشجعوا وتعملوا منها لو حباية ..

[شفافية]

نتابع معا :

1- السطر 18 راح نبدأ بالتناقص عشان تنقفل البيضة .. أول غرزة وتاني غرزة تشتغليهم مع بعض غرزة تنقيص .. اللي هي تعملي غرزة حشو بس قبل لا تسحبي الخيط من الحلقتين اللي عالسنارة تدخليها في الغرزة الثانية وتشتغلي غرزة حشو .. فتصير عندك 3 حلقات على السنارة تسحبيها كلها مع بعض .. حتنقصي 6 مرات كل خمسة غرز مرة .. يعني الأولى والتانية تنقيص ثم 5 غرز عادية ثم تنقيص ثم 5 غرز عادي وهكذا لآخر السطر .. ويصير عندنا 36 غرزة ..

2- السطر 19 برضه حننقص 6 مرات نبدأ بغرزة تنقيص ثم 4 غرز عادي ثم تنقيص وهكذا حتى يصبح لدينا 30 غرزة في السطر ..

3- السطر 20 نفس الشي ننقص 6 مرات كل 3 غرز ويصير عدد الغرز 24

4- السطر 21 ننقص 6 مرات كل غرزتين ويصير عدد الغرز 18