✿* تطبيق متميز*✿ تطبيقي للتشيز الكيك الباردة والشهية للأخت طـــيف ،، عن جد خيااااال
السلام عليكم ورحمة الله وبركاته
قبل يومين طبقت التشيز كيك الباردة للأخت طـــيـــف ربي يسعدها دنيا وآخرة
وعن جد كان الطعم خياااااااااال روووووووووعة ماشاء الله تبارك الله كأني اشتريتها من برا
حتى ماما أخذت منها كم قطعة لصحباتها
وأختي جات بتاخذ قطعة كمان لصحبتها بس أختي الثانية مارضيت لأنها بتحطها في بطنها
وهذا تطبيقي لها
مع ملاحظة انه ماكان عندي كريمة حامضة Sour Cream
فاستبدلتها بخليط القشطة مع اللبنة .. وفيه ناس بيحطوا قشطة مع زبادي .. قرأت بالنت انها بتعطي نفس الطعم
التغيير الثاني انه بعد ماحطيت كوب الموية مع جلي الليمون
صارت الكريمة خفيفة شوي .. فـ ذوبت ملعقة جيلاتين وحطيتها فيها عشان تتماسك
التغيير الثالث اني أخذت الـ blueberry cherry الجاهزة وصبيتها من فوق بدل قطع الفراولة مع الجلي
التغيير الرابع .. طبقة البسكوت أنا دايما أحب أسويها ( علبتين بسكوت + اصباع زبدة + ملعقتين أكل قشطة ) تطلع لذيييذة
واحتجت أخليها في الثلاجة أكثر من ساعة حتى تصير متماسكة مضبوط
بس لاحظت عيب واحد فيها ..
انه بس تعمليها راح تدخلي كل شوية المطبخ تاكلي منها
وبالتالي حتصيري تمشي بالمستقبل وكرشتك تسبقك
جزاكِ الله الجنة ياطيف وأسأل الله أن يغفر لك ولوالديكِ ويحقق أمانيكِ يارب
وأنصحكم بنات جربوها ،، ترفع الراس قدام الضيوف
رد مع الاستدلال
[
الروابط المفضلة