طريقة جديدة لفقد الوزن و للمتعة ايضااا

[wezzza]

احب اقولكم تجربتى الاولى مع الريجيم لانها الحمد لله جابت نتيجة من اول اسبوع و خسرت 5 كيلو

اولا انا طولى 170 ووزنى كان 87 كيلو
الان صار 82 كيلو بعد اول اسبوع و الحمدلله
اولا:

انا مشيت على ريجيم الدكتور بهاء ناجى
و بحاول اتمشى كل يوم نص ساعة و علشان ماتحتاروش انا جوزى بيتوتى جدا و مش بيخرجنا الا مرة واحدة بس فى الاسبوع
انا حبيت اصرف نفسى بقيت كل يوم الصبح و العيال نايمة اروح امشى فى الكوليدور اللى فى العمارة عندنا بس اللى ساعدنى انة طويل جدا كل يوم امشى فية نص ساعة بخطوات سريعة و بلليل لما الوقت يكون فاضى و زوجى بيتفرج على التليفزيون اجرى فى الشقة زى المجنونة من الصالة للاوضة لمدة نص ساعة بردة لما اهلك علشان اخس علشان للاسف ماعنديش سير كهربائى فبحاول اصرف نفسى

ثانيا :
حولت اهتماماتى من هواية دخول المطبخ و الابداع فى الحلويات و الذى منى الى الاهتمام بنفسى و بجمالى

بمعنى

كل ما احس انى عاوزة ادخل المطبخ افتش عن اى حاجة اكولها اجرى جرى على اوضة النوم و اقفل عليا و اعمل ماسكات لوشى او اعمل ماكياج او البس هدوم و اغيرها و البس غيرها و ابص لنفسى فى المرايا و اقول الكرش دا لازم يختفى علشان ابقى اجمل فى اللبس

ثالثا:

كل ماحد يعزم عليا باى حلويات او اكل خارج الريجيم اجرى من وشة قبل ما افكر اصلا او اقولة يشيلة فورا علشان ما اضعفش

و على كدة طول الاسبوع و الحمد لله النتيجة بانت بالدايت و ببشرتى و بجمالى و مش هقولكم على كلمات الثناء من زوجى على اهتمامى بنفسى المتزايد و المكياج اللى بحطة اشكال و الوان كل يوم

و الله انا نفسى بقيت مش بحب الاكل زى الاول و بقيت احب المكياج و الحاجات دى اكتر

جربوا و ادعولى ياحلويييين

[louloua]

مشكورة و الله يوفقك

[سلسبيل المصريه]

ما شاء الله يارب تنقصى الوزن الباقى بصحه يارب

[simsim576]

ماشاء الله.. اليوم عملت تحميل لريجيم الدكتور بهاء ناجي وطبعته وععلقه على التلاجة وأبدأ معاه بكره إن شاء الله.. وانت هيك بتشجعيني..
بس مالقيتش غير الريجيم للأسبوع الخامس من الرابط .

http://www.lakii.com/vb/showthread.php?t=479333


. كيف ممكن أكمل بعد الأسبوع الخامس؟؟ والا أرجع أعيد الريجيم نفسه؟؟

[nada77]

شوفى يا قمر فيه مجموعه اسمها مجموعه السمبتيك والجسم الرشيق لدكتور بهاء واتشرف انى واحده منهم بنحط كل اسبوع نظام الدكتور بعد كل حلقه يو م الاثنين ادخلى على المجموعه وانتى تلاقى الريجيم

[wezzza]

ماشاء الله.. اليوم عملت تحميل لريجيم الدكتور بهاء ناجي وطبعته وععلقه على التلاجة وأبدأ معاه بكره إن شاء الله.. وانت هيك بتشجعيني..
بس مالقيتش غير الريجيم للأسبوع الخامس من الرابط .

http://www.lakii.com/vb/showthread.php?t=479333


. كيف ممكن أكمل بعد الأسبوع الخامس؟؟ والا أرجع أعيد الريجيم نفسه؟؟

و الله ياجميلة انا لسة بقول يا هادى و يادوب لسة بادئة من اسبوع واحد الله يعينا بس الاول على الخمس اسابيع دول و بعدين يحلها الحلال بس للعلم انا سمعت انة عبارة عن 8 اسابيع فقط و بعدين تعيدى بس لما اخلص الخمسة الاول ممكن اوقف و اثبت خصوصا انى و الحمد لله مش عاوزة اخس اكتر من 8 كيلو كمان علشان اناطويلة

[الامال الصاعدة]

شكرا على الموضوع

[beebo gshgsh]

الله يوفقك .. مرة اعجبتني فكرتك

[@honey@]

فكرة حلوة هاحاول اطبقها
جزاك الله خيرا

[يزاك على الله]

http://www.lebnights.net/vb/t83616.html