*تطبيق متقن*زبدة الأعشاب العطرية لأول مرة بالصور من مطبخ كريس

**chrysanthemum** · 13-02-2010, 10:25 PM

زبدة الأعشاب العطرية

السلام عليكم ورحمة الله وبركاته..

وبعد السلام هجيلكم فى الكلام عشان انتم وحشتونى جداً..أحياناً بشارك فى الردود لكن من وقت طويل جداً وأنا مش بشارك بأي مواضيع جديدة فى أي من منتديات لك لأن الpc بتاعى الله يعافى بيسيهاتكم ولابتباتكم جاله فيرس رهيييب أفقده الحياة واضطريت ان الهارد كله يتفرمت عشان كنت مستعجلة أوى..وكنت محضرة لكم أطباق حلوة لكن للأسف كله راح.... الصور والوثائق ...و ده لأنى بجهز مواضيعى على الword أولاً بعدين أنسخها كموضوع جديد وأضيف الصور..وكمان كان عندى ظرف شخصى آخد كل وقتى إلى الآن..بجانب سرقة بعض مواضيعى فى منتديات تانية و دى ظاهرة صايبانا كلنا بس بجد حسيت بإحباط لأن العضوة كانت للأسف مشرفة وكمان سارقة مواضيع أخوات هنا من غير ما تبرأ حتى ذمتها وتكتب منقول زيها زي أي حد بينقل مواضيع عجباه.. مع ان الصور لابتحمل اسمها ولا اسم منتداها..حسبي الله ونعم الوكيل.

المهم هدخل فى موضوعنا ومش هطول أكتر من كدة..من فترة كنت بعمل بحث عن خلطات توابل وفجأة لقيت وصفة زبدة الأعشاب العطرية فى احد المنتديات وذكر انها من دليل الطبخ العربى والوصفة موجودة فى منتديات كتير وقلت اجربها وصورتها وكمان جربتها وعجبتنى أوى ..فقلت بما إنها عجبتنى يبقى لازم أنزل تطبيقها فى لك ولأول مرة بالصور وكمان بنوع زبدة مختلف..ودلوقت هنسخ لكم النص من مصدره الأصلى بعدين أكمل موضوعى..

زبدة الأعشاب (نكهة رائعة حضريها بنفسك)
زبدة شهية تضفي على أطباقك نكهة رائعة بطريقة مبتكرة وغير تقليدية، الجميع سيطلب الوصفة منك جربيها واحكمي بنفسك.
ملاحظة: هذه الوصفة قد فازت بجائزة(ثانوية) في مسابقة ماجي لأفضل الوصفات
المقادير

ثلاث أصابع زبدة وسط غير مملحة (إصبع الزبدة وزنه 114 غرام)
مقدار أربع ملاعق كبيرة كزبرة خضراء مفرومة ناعما وكذلك البقدونس
ثلاث فصوص ثوم مفرومة ناعما
ثلاث ملاعق كبيرة من مسحوق البهارات مثل ( فلفل أسود , قرفة , قرنفل , كزبرة ناشفة , كمون , ليمون أسود، هيل)
ملح حسب الرغبة
ملعقة سمن
أربع ملاعق عصير ليمون
تنبيه: يتجنب الكركم وكل ما من شأنه أن يعطي لون غير مرغوب.
الطريقة
1. توضع الزبدة في مقلاة عميقة على النار ويضاف السمن حتى لا تحترق الزبدة.
2. عندما تذوب الزبدة، يضاف الثوم ويقلب حتى يذبل.
3. يضاف البقدونس وعصير الليمون ويقلب جيدا.
4. تضاف البهارات والملح.
5. تضاف الكزبرة ويقلب قليلا ثم يرفع عن النار.
6. يسكب الخليط في قوالب الثلج أو أي قوالب أخرى مناسبة.
7. تحفظ في الثلاجة في قسم التجميد لمدة ربع ساعة.
8. بعد أن تجمد تماما تخرج ثم تضرب من الخلف برفق حتى تنزلق مكعبات الزبدة.
9. تعبأ في أكياس بلاستيك ويحكم إغلاقها وتحفظ لحين الاستخدام.
10. ألآن تكون قد حصلت على زبدة من الأعشاب العطرية, تستخدم في ما يلي:
• مع الرز الأبيض
• يدهني بها وجه أطباق الجريش
• حشوة رائعة للحوم خصوصا المشوية
• يضاف لها عصير الطماطم وتقلب على النار لتصبح صوص سريع التحضير
• تتبيلة سريعة للحوم
• تذوب ويدهن بها وجه أي صينية قبل إدخالها للفرن
• صوص لذيذ عند سكبه فوق السمك المشوي
• يضاف لها الزعفران ويدهن بها اللحم المشوي لتعطيه لون ونكهة خاصة
• تصف في طبق عميق وتقدم مع السفرة كنوع دهان للخبز المحمص
• تستخدم لعدة شهور دون أن تفسد إذا حفظت بشكل جيد

هرجع لتطبيقى ...أولاً وبصراحة مش كان عندى زبدة بقرى او حتى نيوزلندى فاستخدمت الزبدة البيضاء وهى تستخرج من اللبن الجاموسى وليس البقرى..وتقريباً ده أحسن موسم ليها فى مصر(الشتاء) لأننا بنحولها لسمن ونخزنها للإستعمال اليومى وهسيبكم مع الصور ..
.................................................. ..................................................

· دى المكونات اللى استخدمتها بس أنا طحنت الملح مع التوابل وعلى فكرة أنا استخدمت مكونات تكفى لأصبع زبدة واحد على سبيل التجربة ..يعنى تلت الكمية.

...................................

· دوبت الزبدة مع قطعة سمن