هلا بنوتاتي الغاليات ..
ولله اني كتبت هالموضوع عشان افيد خواتي الي يعانون من حب الشباب وآثار حب الشباب المزعجه .. ولأني مريت بهالظروف بأيام المدارس الله لااا يعودها فحاسه فيكم ولله وحاسه بالأثر النفسي السيء الي يصيبكم ..
تفلسفت وايد
المهم ..
في كريم اسمه سودو وبالانجليزي Sudocrem
هذا يابنات رائع جدا يشيل الحبوب وآثارها بفتره حلوه .. ويبان العلاج بعد ايام معدوده ومو بس جيه هو ايضا يفتح لون البشره ويعطيها نداوه
الكريم ينفع حتى لأي بنت تعاني من الجفاف .. وايضا راح تلاحظين مكتوب عليه كريم مضاد لألتهاب الحفاضات الأطفال والحروق الشمسية وحب الشباب ولا يحتوي على الكورتيزون او مشتقاته .. يعني آآآمن جدا ولطيف .
وأنا شفت تأثيره على قريبتي لأنها عانت طوييلا من الحب والحين هيا عمرها 21 ولا راحت منها الا لما استخدمته ولله يابنات ماشالله ويها تغير وااايد وبشرتها صارت انظف ولونها افتح من قبل .. هي تستخدمها من شهر تقريبا أو اقل بشوي واحسها لو مضت عليه راح تتعالج بشرته منه تماما وتنظف ..
علبه الكريم رماديه وعليها شريط لاصق بالاحمر والابيض مكتوب فيه اسم الكريم واستخداماته .. أما سعره فهو ب 39 درهم فقط ..
أنا اشتريته من اسبوع واستخدمته للركب والوجه واليدين بصراحه نتيجته حلوه وايد ومرضيه وأحلى شي النعومه الي احس فيها اول ما اقوم من النوم
وهذي صورته
الروابط المفضلة