السلام عليكم ورحمة الله وبركاته
كيفكم يا صبايا ويا حلوات
مبارح كانت رفيقتي عندي صبحية (يعني صباحا )
فقلت يا بنت قومي اعمليلك شي لفة بالمطبخ
وحضريلها فطور تضل طعمتو تحت سنانها هههه
فعملتلها فتة حمص شوفو وقولو ما شاء الله
بس بين ما سمحتلها تمد ايدها كانت فرطت
لازم صور اولا
طبعا رح قدمها كمشاركة في حملة فلسطين نبض قلوبنا
منجي للطريقة والمقادير
فتة الحمص
المقادير
4 اكواب حمص مسلوق
ربع كيلو لبن
سنين ثوم كبار
ربع كوب طحينية
حمض ليمونة
ملح كمون فليفلة حمرا ناشفة
رغيفين خبز مقلي او محمر بالفرن
مكسرات
ملعقتين زيت زيتون او سمنة
الطريقة
في لخلاط الكهربائي تخفق المقادير التالية
اللبن والطحينية وحمض الليمون والملح والكمون و3 اكواب من الحمص والتوم
يقطع الخبز على شكل مربعات ويقلى او يحمر (اناافضل التحمير ) ويوضع في صينية
يوضع الخليط على النار حتى يسخن لا ان يغلي (مع التحريك المستمر )
يسكب الخليط على الخبز
ثم يوضع باقي الحمص والمكسرات بعد تحميرها على الوجه
يزين الوجه بالفليفلة الحمراء الناشفة والكمون
يحمى الزيت على النار ويرش على الوجه
وتقدم
بالف هنا وعافية
رد مع الاستدلال
الروابط المفضلة