✿* حلى متميز*✿ تورته جيلى تجنن من مطبخى بالصور

[nana.12]

ازيكوا يا احلى قمرات النهارده حنعمل تورته الجيلى
المقادير
5 بيضات
1 وربع كوب سكر
1ونص كوب دقيق
1 م بكينج بودر
1 م فانيليا
2 باكو جيلى فراوله
موز او اة فاكهه تحبيها

نضرب البيض والسكر والفانيليا

نضيف الدقيق والبيكنج بودر

لحد ما تبقى بالشكل ده

نكون مجهزين صينيه مدهونه بسمنه ودقيق ونصب فيها الكيكه

نكون مسخنين الفرن وندخلها ومنفتحش عليها قبل نص ساعه ونسيبها لحد ما تستوى
ودى بعد ما خرجت من الفرن

فى نفس الصينيه نقطع الموز او اى فاكهه

نحضر باكو جيلى ونصبه على الموز وندخلها التلاجه تجمد وده بعد ماجمد

نحط عليه الكيكه ونحضر باكو الجيلى التانى ونصبه عليها

وندخلها التلاجه تانى لتانى يوم

بعد كده نسخها على اقل شعله فى النار دقيقتين بس عشان نقلبها بس ناخد بالنا واحنا بنقلبها انا كانت حتقع من بس ربنا ستر

دى بعد ما قلبتها

وده لما قطعتها

مستنيه ارائكوا يا حلوين ولو عجبكوا الطبق ادعولى بالذريه الصالحه

[roza1]

تجنن يا نانا تسلم ايدك
ولو عملتي الكيكية اطخن شوية ممكن تحشيها كاستر ومعاه موز بيدي طعم حلو برضه مع الجيلي
او ممكن كريم شانتي
طيب يا نانا انت ساكنة فين , ابني عايزني اعمل واحدة وانا كسلانة , فقلت ابعته لك ايه رأيك

[you123]

تسلم ايدك شكلها جميل حنجربها ان شاء الله
واكيد حقولك على النتيجة

[you123]

بس فى علبة لبن فى الصورة الأولى والمقادير المكتوبة مفيهاش لبن فهل استخدمتية ولا لأ

[radiabelkder]

تسلم ايدك شكلها جميل

[جنة الطيور 2]

[nana.12]

تجنن يا نانا تسلم ايدك
ولو عملتي الكيكية اطخن شوية ممكن تحشيها كاستر ومعاه موز بيدي طعم حلو برضه مع الجيلي
او ممكن كريم شانتي
طيب يا نانا انت ساكنة فين , ابني عايزني اعمل واحدة وانا كسلانة , فقلت ابعته لك ايه رأيك

ميرسى يا قمر انا ساكنه عين شمس يالا مستنياكى انتى و ابنك تنوراااااااا

[nana.12]

بس فى علبة لبن فى الصورة الأولى والمقادير المكتوبة مفيهاش لبن فهل استخدمتية ولا لأ

لا مفيش لبن معلش طلعت فى الصوره غلط حستنى رايك يا جميل لما تجربيها

[omroro-4]

ما شاء الله رااااااائعه تسلم ايديك

[سواد العيون]

يسلمو ايديك بجد طرريقه روووعه
ووممتاازه