3انواع من مقبلات البدنجان بطرق سهله وسريعه

[om noorceen]

السلام عليكم

*اولا طبق معرفش اسمه بس كنت اكلته في مطعم وحاولت اعرف مكوناته وجربته وطلع حلو اوي

*الطريقه*
2حبه بتنجان من الكبير من غير بزر نسلقها في مايه ونقطعها شرايح(بالقشره الخارجيه)

التتبيله
(3قرن شطه حمرا مفرومه ناعمه+جزره ص مسلوقه ومبشوره
+توم مفروم+ملح+عصير لمون+نص م خل+م زيت)
ونطحنهم تاني مع بعض في المطحنه

في طبق عميق نرص شرايح البتنجان المسلوقه ونرش عليها التتبيلهوممكن تحطيها في علبه في التلاجه
انا عن نفسي عجبني اوي يارب يعجبكم انتم كمان

*الثاني*
طبق سريع جدا ولذيذ انا بعمله علطول

1حبة بتنجان كبيره نقطعها شرايح مدوره ونرش عليها ملح ونسيبها شويه
بعد كده نتبلها بشويه دقيق مخلوط ب م كمون ونقليها في الزيت
نعمل التتبيله(توم مفروم+عصير لمون+م ص خل+قرن فلفل حراق+1حبه طماطم مكعبات ص جدا+م زيت+كمون)
نخلطهم مع بعض ونوزعها فوق البتنجان
وبالهنااااااااااا

*الثالث*

*1حبة بتنجان نشويها في الفرن او علي النار
نحطها في كيس بلاستك شويه وبعد كده نقشرها

*نهرسها بالشوكه كويس ونضيف لها 1حبه طماطم مكعبات ص جدا+م طحينه+قرن فلفل مفروم+2فص توم مفروم+عصير نص لمونه+2م زيت+م كزبره مفرومه ناعمه جدا
نقلب كله مع بعضه ويقدممممممممم

وبالهنا والشفااااااااااااا

ان شاء الله تعجبكم

ارجو منكم الدعاء لامي بالشفاااااء

[light dreams]

تسلم ايدك حبيبتى على الوصفات الحلوة
والله يشفيلك الوالدة يارب وكل مرضى المسلمين ويرحم كل موتى المسلمين

[still_here]

حبيبتي الله يشفيلك أمك ويعافيها ياااارب ومشكوره علي وصفاتك اليوميه..ربي يعافي والدتك ويحفظهالك يارب

[تفاحاية]

تسلم ايدك رووووعة وجديدة عليا
بس ليه نقلى البدنجان بدقيق وكمون طعم جديد ولا فى فايدة تانية؟

[amal250]

الله يعطيكى العافية يارب

ومشكورة على الوصفات الجميلة الرائعة

والله يشفى امك يارب ويعافيها ويدوم عليها الصحة والعافية

تقبلى مرورى ياغاليتنا الغالية

[حنان(البحرين)]

سلمتي عزيزتي على الوصفات الطيبه والله يشفي لكِ لوالده ويحفظها من كل شر

[om noorceen]

*شكرا لكم يا حبايبي علي مروركم وردودكم الجميله المشجعه ومن بعض ما عندكم

*اختي امل شكرا علي مرورك الدائم وارائك وردودك الجميله يا عسوله دي حاجات علي قدي

[om noorceen]

اختي still_here شكرا لكي علي مرورك وردك الجميل والاجمل دعاءك لوالدتي ربنا يتقبل دعاءك ويشفيها يارب ويشفي كل مريض ويخلي كل امهاتنا يارب العالمين

[om noorceen]

اختي تفاحايه شكرا لمرورك وردك الجميل
بالنسبه للدقيق انا برش البدنجان بالدقيق وانفضه كويس وده مش بيخليه يشرب زيت كتير ويستوي اسرع
والكمون عشان يعطيه نكهه
اتمني تجربيهم وتقولي رايك وان شاء الله يعجبوكي

[om noorceen]

شكرا مشرفتنا الغاليه علي مرورك وردك علي موضوعي ده شرف لي