كتبت بواسطة
@مريوم@
السلام عليكم ورحمة الله وبركاته
جزاكم الله خيرا دكتورة...انا والله بدي افضفضلك...لان موضوع الرضاعة ارقني من فترة...انا بنتي قبل يومين دخلت الشهر الخامس ما شاء الله...بس الكل بحكي وزنها قليل..والكل بينصح اعطيها صناعي...بس انا رافض بشكل قوي بعد ما قرات موضوعك..ومصر على الرضاعة الطبيعية..وانا بلاحظ كيف تمسك الصدر...وبلاحظ انها بتشفط بقوة وبلاحظ الفك..كانو ما شاء الله بدر الحليب كثير...وبتركها على صدري كثير حتى اتاكد انها اكتفت...بس الكل بيقول حجمها صغير...يعني على الشهرين كان وزنها 4800..بس لهلاء ما وزنتها كمان مرة بس تقريبا في الدار صارت 5 وشوي...وانا راجعت جدول الاوزان واظن كان مناسب وزنها..
وامي حكتلي انها زيي وانا صغيرة...بس الكل بتهمني انو حليبي ضعيف..لانهم بيقارنوني في اختي..لانو ما شاء الله اولادها بيسمنو كثير على حليبها..تبارك الرحمن.
فشو رايك..انا ما راح اعطيها حليب صناعي..بس بدي اعرف رايك..
وهل شرب الكثير من الماء بيقلل من كثافة الحليب؟؟وهل وزنها قليل ولا فكرك صعفها وراثة..علما انها نشيطة ما شاء الله وحركاتها حلوة وما في كسل او ضعف
الروابط المفضلة