تعويد الاطفال علي دخول الحمام

[maiuoya]

السلام عليكم
كيفكم جميعا

انا النهارده عاوزه اسالكم انا بنتي بدأت القلعها البامبرز عشان تتعود دخول الحمام لوحدها هيه عندها سنتين ونص بقالي دلوقتي اسبوع ويومين المهم هيه تقريبا كل نص ساعه اول ساعه تحتاج الحمام انا دلوقتي مش عارفه باليل اتصرف معاها ازاي عشان تقلعه وفي الخروج خايفه اخرج معاها وهيه مش لابسه بامبرزز مش عارفه لو عازت حمام هيه مش بتقول انها عاوز حمام الا نادرا ساعات تروح لوحدها وساعات انا اوديها انا اعيش بالشارقه عاوزه اللي عندو خبره في الموضوع دا يفيدني


ملحوظه انا بلبسها البامبرز باليل والصبح بيكون مليان جدا مش عارفه اظبط الموضوع ازاي واسفه للاطاله

[ام تامر عمر]

لازم تكوني صبوره وطولي بالك عليها وبعد ما تنظف بالنهار مزبوط رح تنظف بالليل لوحدها

[wbaby]

حبيبتي بالنسبه للخروج لسه بدري لغاية متنضف بالبيت بالنهاروبعدين تبداي تعوديها بره وهتلاقيها من نفسها مابتعملها بالبامبرز وبرضه بالليل نفس الموضوع لماتنضف بالنهار ولو صحيت بالليل اعرضي عليها ولو رفضت ماتغصبي عليها وطولي بالك معها وحاولي تشجعيها بمكافأت وكلام حلو منك وربنا معك

[أم حبيبة الرحمن]

ممكن تعرفينى الخطوات اللى عملتيها؟

[●•°BaSmA°•●]

أختي طفلتك ستتعود يوم ورا يوم على الحمام وإن شاء الله لما تنضف بالنهار ممكن تنضف باليل كمان
أهم نقطة هي تخفيف السوائل قبل النوم قبل 4 ساعات
واعرضي عليها الحمام قبل النوم مباشرة ولو قدرتي بعد ساعتين تصحيها و تدخليها الحمام لا تقصري
وشوي شوي بتتعود وبتصير الامور طبيعية
موفقة يا رب

[beba2207]

انا نفس المشكلة بنتي عندها سنة وثمان اشهر ولغاية دلوقتي مش عارفه ازاي اعودها كنت بقولها تقول لما تكون عاوزه تعمل ببي بس بقيت تقول بع ما بتعمل وانا مش عارفه اعمل ايه لغاية دلوقتي وربنا معانا جميعا

[ام الحلوين]

يا اختي ادخليها الحمام كل عشره دقائق مره ثم كل نصف ساعه ثم ساعه وهكذا وانصحك برفع المفارش التي لا تحتاجينها حتى يتعود ثم ارجعيها حتى يسهل عليك تنظيف البيت كلما عملهااااااا

[maiuoya]

جزاكم الله خير علي الردود

الحمد لله بنتي استجابت وبدأت تتعود علي دخول الحمام انا حاليا في الاسبوع التالت وبدأت اقلعها البامبرز وهيه نايمه امبارح بس صحتها 3 مرات باليل والحمد لله اليوم عدي ربنا يسهل في باقي الايام وبالنسبه للخروج لسه مخرجناش خروجه طويله عشان اجرب انها تقلع البامبرز واحنا خارجين ربنا يسهل دعواتكم