الله يخلي ألي تساعدني في مشكلتي !!!!

[:: ريان ::]

السلام عليكم

يا بنات أنا بقيت منكم حل .......
و هو أن أنا عملت رجييم قاااااسي مرررررره , و مشكلتي أن الدوره الشهريه ( الطمث )أنقطعت عني من رمضان ألي فات و صدري ذاااب أختفى صرت كأني رجل و وجهي صاااار لونه أصصصصصصصفر .....
فأنا أسئلكم إذا تكتبولي الأطعمه المفيدة ألي لازم أكلها علشان الدوره الشهرية ترجع لي , و وجهي يرد يحلى يصير أحمر و متبتب و صدري شوي يكبر , بس المشكله الحقيقية أني ما أريد وزني يزيد واااايد لأني تعبت على الرجيم وااايد و أخيرا" و صلت المستوى ألي بقيته...... فبشنو تنصحوني ؟؟

[دندوشه1]

سلام مشكلتك عويصه الله يعينك انا ماعرف ليه

[ضبي الهدا]

موضوعك غريب وبصراحه انا حاسه حاسه انك ولد مو بنت لانه مفي شي اسمه صدر يذوب صح

[:: ريان ::]

أختي دندوشه1
مشكورة على مرورك و عسى الله يستجيب دعائك و يحل مشكلتي


أختي ضبي الهدا
أنا مو شايفة بصراحه أن موضوعي غريب و أنا طرحته لأني بقيت مساعدة عاجلة
و أهم شيء أقولك الله يسامحك لأنك ضلمتيني و حسبتيني ولد لأنه تعبير ( صدري ذاب ) تعبير خيالي أو مثل , من كثرة تغلصه

و يريت المساعدة من أخواتي العزيزات

[رند بغداد]

عيني ريان احسن شي تروحين لطبيبة نسائية لان يمكن هورموناتك متلخبطة وانقطاع الدورة صار نتيجةحرمان نفسك من الاكل

[:: ريان ::]

مشكوورة أختي و إنشاء الله راح أرووح طبيبة النساء

[ادوم]

ريان احسن شي عصير الاناناس لانه ينضم الدوره وينحف ويقوي المبايض

[مريم_قطر]

اختي ريان الله يكون في عونك بس انصحك بمغلي الحلبه في حليب قليل او منزوع الدسم ... ومغلي المرميه مع الماء ولاتحطي سكر عشان مايزيد وزنك ... وسمعت معلومة ان حليب الصويا يفيد ويكبر الصدر ويزيد من هرمونات الانوثة ..... وماتشوفي شر

[ضبي الهدا]

لاا تزعلي اذاكنتي بنت لانه حتى اسمك ريان مثل اسم ولد اختي

[ضبي الهدا]

ريانه اذاتبغي نصيحتى طبعا بعد ماتروحي للدكتورة وهذا شي ضروري انصحك بستخدام الجوز لانة يساعد على نزول الدورة بس المهم تروحي للدكتور وسامحيني