اخيرا اتغلبت على اخطاء طفلى..(تم دمج الموضوعات )التي تخص الموضوع

[ورده مصريه]

بسم الله الرحمن الرحيم

يا ترى قدرتى تتغلبى ازاى على مشاكل ابنك ..؟

ممكن نستفيد من بعض يا امهات فى ازاى عرفتوا تتغلبوا على مشاكل اطفالنا

تيجى نشوف مع بعض ,,, يلا تعالوا ,,,

[تاجرة من امريكا]

ماعندي اطفال بس حبيت استفيد

[ورده مصريه]

ماعندي اطفال بس حبيت استفيد

الف شكر يا تاجره لسه شويه اول ما الأخوات يبتدوا يدخلوا ان شاء الله هتستفيدى انتى منوره الموضوع

[ندى.]

ازيك يا قطه موضوعك جميل يا ورده مصريه
انا عن نفسي ابني عنيد جدا وكل ماي صمم على حاجه بعملهالو
بس بعد كدا بقيت بصمم معملش كل اللي عاوزو لانو عنيد جدا بس من غير ما اتخانق معاه بقولو نو دا غلط سيب دي وبفضل مصممه ولو زعل بعمل نفسي مش واخده بالي وفي الاخر بيسمع الكلام
كان بيعمل كدا مع الموبايل بتاع باباه كان يحب يمسك موبايل باباه وميسبهوش غير لما ينام
فبطلتلو الموضوع دا
وبقى كل ما يشوفو يقول موبايل بابا ويسيبو وبيضحك بشقاوه بس مش بيمسكو ههههههههههه

[ندى.]

على فكره يا ورده الموضوع متميز ومهم لانو حيشمل مواقف كتير حتقولها كل ام من خلال تجربتها الفعليه مع طفلها
وكمان النص منسق جدا والصور ظريفه عجبني البيبي اللي لابس طرطور والتاتينا في بقه ههههههه
مرسي ليكي يا جميل

[ورده مصريه]

الله يخليكى يا ندى متشكره على كلامك الحلو ...

[ورده مصريه]

انا هقول على بنتى اللى عندها سنه و 9 شهور هى دايما تحب تمسك زجاجات البرفانات بتاعتى ومكياجى وعاوزة تستخدمهم فهمتها بالراحه ومره على مره ابتدت تفهم وتشاور على الحاجه تقولى ماما ماما ,, يعنى بتفهمنى انها بتاعتى .. بالصبر والهدوء بتقدرى تحلى المشاكل اللى زى دى ..

[عاشقة الحلويات]

لا يوجد أخطاء عند الطفل

بل هو حب المعرفة والاستكشاف

وأهم شيء لمعالجة ما يبدر عن أولادنا هو الصبر والحكمة

وتربيتهم على الدين والأخلاق

[ورده مصريه]

شكرا لكى يا عاشقه الحلويات لمرورك

[لؤلؤة مصر 13]

احلى وردة و احلى ام جومانا انا بس كنت معدية قلت اجى اسلم حاشارك بس عندى ظروف؛تعدى و حاشترك علىطول

[ورده مصريه]

يا اهلا يا لولى ازيك؟ انتى نورتى الموضوع يا جميل وتيجى فى اى وقت ..

[sefo2]

أم جوجو موضوع جميل يا وردة
انا بس لقيت موضوع ليكى قلت اسلم واجى بكرة احكى اصلى عندى حكاوى يااااااااااااة كتييييير على مغامراتى انا وسيفو
بوسيلى جوجو

[ورده مصريه]

اهلا سيفو منوره الموضوع والله اهلا بيكى فى اى وقت ..
ههههههههههه ما انا عارفه حكاوى اطفالنا

[ورده مصريه]

انا بقى مشكلتى مع بنتى ومش عارفه احلها هى استعمال الحمام ليها بتعمل لغايه دلوقت البيبيه على نفسها انا هتجنن خلاص .. مش عاوزه تدخل الحمام وبتعيط اول ما اخدها من اديها للحمام اعمل ايه؟ ياترى فيه حد يساعدنى فى المشكله دى ,,,.؟؟؟؟؟؟

[نسائم حائره]

موضوعك جميل يا وردة

بس ياريت تصبري شوية عليها
شهر او اتنين كمان بس كل فترة خدية بالراحة الحمام و شجعيها
انتي عارفة الكلمات اللي بنقولها

يعني يلا نشوف جوجو شطورة حتعمل بيبي
و متعصبيش عليها
علشان متحسش بالتوتر و انها في اختبار بالراحة
و يوم بيفرق في الحاجات دية

بس مبدائيا ممكن تحاولي تشيلي البامبرز بالليل و تخليها الحمام اكتر من مرة

انشاء الله خير