●•°حلى متميز°•● البطاطا الحلوه بالباشميل...من مطبخي.. بالصور

[yehia2007]

*بسم الله الرحمن الرحيم*

النهارده حقدملكم البطاطا الحلوه بالباشميل

المقادير

2 بطاطا
_سكر حسب الرغبه
_3 معالق دقيق
_3 معالق زبده
_كوب ونص لبن
_فانيليا
_قرفه
_مكسرات وزبيب وجوز هند

*الطريقه*

سلقت البطاطا تلات ارباع سلق
_قطعت البطاطا مكعبات وحطيتها فى ميه بسكر وقرفه طبعا القرفه اختيارى بس انا بحبها فى الحلويات وسبتها فى الميه حوالى ساعه ممكن اقل
_صفيتها من الميه وخليتها على جمب
_وضعت الزبده على النار لما ساحت وضعت الدقيق وقلبت وبعدين اللبن ومية البطاطا بالسكر والقرفه وزودت سكر حسب الرغبه
__وضعت طبقه من الباشميل فى القالب
_اضفت طبقه من البطاطا والمكسرات وزبيب ورشة قرفه
_بعدين ضفت طبقة باشميل ثم طبقة بطاطا ورشة قرفه ورشه مكسرات وزبيب وجوز هند
_اخر طبقه كانت الباشميل
_دخلتها الفرن فى الوسط حوالى ربع ساعه او تلت ساعه وبعدين شغلت الشوايه من فوق حمرت الوش
يلا تعالو شوفو الصور

هنا البطاطا بتتسلق

هنا قطعت البطاطا مكعبات ونقعتها فى ميه بسكر وقرفه

هنا بعد ما صفيت البطاطا من الميه

هنا الزبده مع الدقيق على النار

هنا بعد ما ضفت الحليب ومية السكر والقرفه وزودت سكر حسب الرغبه
انا عملت الباشميل وسط لا تقيل ولا خفيف

هنا طبقة الاشميل الاولى

وهنا بعد ما وضعت طبقة بطاطا ومكسرات وجوز هند وزبيب ورشة قرفه وطبقة تانيه من الباشميل وطبقه من البطاطا تانى مع المكسرات وجوز الهند والزبيب ورشة قرفه

وهنا اخر طبقه من الباشميل

هنا بعد ما طلعت من الفرن

ودى صوره تانيه

ودى بعد التقطيع

ودى صوره تانيه
يارب تعجبكم جربوها بجد طعمها رائع جدا والاهم من ده انها عجبت نور وطبعا ابو نور

[chahira]

جميلة اوى يا ام نور الطلعة الجاية هعملها للولاد لأنى عمرى ما عملتها بس طعمها عامل ايه؟

[chahira]

شكلها تحفة و هى طالعة من الفرن !!! بس البطاطا المعوقة اللى على اليمين دى ايه ظروفها لييييه العوجان يعنى ؟الدنيا مش مستاهلة !!!

[yehia2007]

هههههههههههههههههههههههههه دى تنقية ايديا وحياة عينيا
بس بجد طعمها خرافه وبعدين خفيفه اوى مش دسمه اعمليها وجربيها حتعجبك اوى
بس سبيها تسقع بتبقى احلى

[chahira]

طبعا سى السيد راضى عنك كل الرضا

[yehia2007]

على فكره انا بعمل القرع العسلى بنفس الطريقه برده

[yehia2007]

ههههههههههههههههههههههه طبعا وهو من اللى بيقولو عليهم توصلى لقلب الرجل عن طريق معدته

[chahira]

اصلى انا شفت بطاطا فى السوق و بعدين قلت انا هشوى بطاطا فى الحر ده ؟ مش ناقصة و مخطرشى على بالى انى ممكن اعملها صينية رغم انى دقتها قبل كده و كانت حلوة لما اخلص الحاجة اللى عندى هعملها العيال بيحبوا البطاطا

[chahira]

كل الرجالة كده بيحبوا الست اللى بتطبخ كويس لأن ده معناه انها بتحبه و بتحب انها تخدمه و تقدم ليه احلى ما عندها

[yehia2007]

جربيها وان شاء الله حتعجبك تعرفى انا عملت قالب صغير لان ببانا مش بياكلها غير بالطريقه العاديه بس لما عملتها عجبته اوى قلتله مش قلتلك هههههههههههه

[ندى.]

تخيلي عجبتني جدا والله
ايه المواهب دي استمري يا سمسمه
عايزه وصفه تانيه ساهله ومتخودش وقت زي دي وجديده زي دي
تسلم ايدك حعملها بكره بجد

[ghada3]

اية يا ستى ؟؟؟؟؟؟ حبة حبة علينا ... اية الحاجات الحلوة دى ؟؟؟ يسلموا ايديكى , شكلها قوى جدا.

[yehia2007]

اهلا يا غاده ازيك نورتينى فينك من بدرى
تسلميلى يا قمر

[ghada3]

كنت فى النادي يا ستى , بنرجع الساعة 12 بعدىن لازم نتفرج علي مسلسل نور بعدين علي النت .... بس طبعا الكلام دة فى مصر بس اجازة يعنى (:

[شخبط شخبيط]

ما شاء يا ام نور شكلها جميل جدااااا
تسسسلم الايادى
لما يكون عندنا بصاطا اجربها ان شاء الله
وااالف صحه وهنا لنور وابو نور