فخفخينا روووعة بتطفي الشوب وبتبرد عالقلب
بسم الله الرحمن الرحيم
مرحبا أخواتي الغاليات صبايا وستات لكِ
حبيت شارك معكم بوصفتي الرائعة واللي بتمنى تجربوها وتدعولي
أسهل شي بوقت الصيف وضيافة رائعة لكل ضيوفك
خلينا بالموضوع
المقادير
نصف كيلو مانجا مثلجة محلاة
نصف ليتر حليب
ملعقة كبيرة قشطة
التزيين
فواكه حسب الرغبة (موز,تفاح,أناناس ,مانجا ,خوخ ,كرز,......)
زبيب أشقر بيعطيها طعمة خطيرة كتير
صوص الفراولة (المفضل لدينا )أو الشوكولا
بوظة أو كريما أو قشطة, وفستق حلبي ولوز مبشور للوجه
الطريقة
نخلط المانجا والحليب والقشطة بشكل جيد وطبيعة الخليط بتكون ثلجية ناعمة (كتير منعشة )يعني لانطول عليها بالخفق حتى ما تصير كوكتيل عادي المهم الخفق بسرعة
نجهز الاكواب نضع الصوص بأسفل الكوب ثم نصب القليل من الخليط ثم نضع الفواكه مع الكشمش أو الزبيب الاشقر ثم نضع النصف الاخر ونتر مجال للكريم أو البوظة وغيرها
هون زينتها بشرائح التفاح الأحمر مع البوظة المخلوطة بالفستق الحلبي مممم شغلة رووعة وصوص الفراولة أكيد
هون صفيت عالجوانب كيوي وخوخ وعالوش بوظة مع شريحة خوخ(دراق)ورشة فستق حلبي
وهون حطيت فيمتو بقلب الكاسة ودورتها على حيطان الكاسة لتاخد شكل رخامي (إن شالله تكون وصلت الفكرة)وكريما عالوش
هون زينتها بقطع المانجا بالوسط وبشرائح التفاح والصوص
وهون شرائح الكيوي والفراولة عالجوانب مع القشطة والفستق والصوص عالوش
أتمنى يكون موضوعي عجبكم
وأتمنى تجربوها
من زمان انا وعم جمع بهالصور ههههههههه
حلوة كضيافة بتبيض الوش وطعمتها خيال
بانتظار ردودكم الحلوة
رد مع الاستدلال
الروابط المفضلة