ملف لعمليات التلقيح الصناعى و الحقن المجهرى ...تجارب وخبرات الجـ 4ـزء

[fushia]

اهلا فيكي حبيبتي الماسه بينا

[نووودى]

السلام عليكم و رحمة الله
اختى الغاليه ملك
ربنا يبارك فيكى و يتملك حملك على خير و افرح بالنونو بتاعك و يقولى يا خالتو كمان اجبارى
على قد محبتى ليكى فى الله و ربنا عالم حتى من غير ما اعرفك
تسلمى و انا هكتب ردى لليديا ولو مشافتوش بقى يبقى معلش تعرفيها بس لما تفضى لحد ما نحل مشكلة عدد المشاركات دى
ما تكلموا الاداره تخفض المشاركات دى شويه
ليديا
شكرا ليكى و ربنا يجازيكى خير
انا اتصلت النهارده فعلا بالعياده
واخدت ميعاد يوم الاحد الموافق 22\6
الساعه 1 الضهر
على ما ييجى زوجى اجازته ان شاء الله
وربنا يستر بقى و منتأخرش كتير لاننا على سفر
المفروض انا حاجزه قبلها باسبوعين يدخلونى اول واحده

و الممرضات فعلا كويسين و ردوا عليا بطريقه كويسه

بس هل تنصحينى اتصل تانى و احاول اكلم الدكتور بنفسه قبل ما اروح
ولا استنى ميعاد الكشف بقى و خلاص؟؟
وياريت تقوليلى هو ممكن يحددلى ميعاد العمليه بعد اد ايه؟؟
وممكن انا اختار الشهر اللى اعملها فيه
ولا هو اللى بيحدد؟

[lidia_mo]

نوددى ... لأ طالما انهم حددوا لك موعد وهو يعتبر قريب مفيش داعى تكلمى الطبيب انتى لما تروحى له ممكن تظبطى معاه امورك وهو عامة اذا ابتدى معاكى من يوم ما تروحى له يعنى ممكن العلاج ياخد بالكتير شهر وان شاء الله تعملى العمليه هو العلاج بياخداقل من كدة يعنى بالضبط لو البريود عندك منتظمة الدكتور بيبدأ الأبر وكورس العلاج لما تأتى لك البريود او بيعطيكى ابر تنزل البريود ويبدأ معك الكورس ويقيس الهرمونات كل كام يوم علشان يعرف مدى استجابة الجسم ولما البويضات تكون حجمها مناسب للسحب بيسحبها وبعدها بيوم او اتنين بيرجعهم مخصبين بأذن الله . اما بالنسبة لزوجك بصراحة معرفش لو كان عنده مشكلة وعندك تقارير او فحوصات خديها معاكى علشان توفرى الوقت لأن القعدة فى العيادة او المركز تعب . واهريه اسأله كل اللى انتى عايزة تسألى عنه اعملى زيى كنت اكتب كل اللى عايزة اسأل عنه علشان ما انسى لأنى لو عايزة اسأله عن شئ بدوخ على ما اعرف اكلمه دائما مشغول جدا جدا . و طمنينى عنك دائما .... انا متفائلة لك خير ان شاء الله .... وجهى حلو ههههه حتى اسألى د.لولا و ملك المالكى ...ههههه ..... عارفة انا من الصبح وانا عمالة ارد على مواضيع علشان مشاركاتى يكملوا 300 واعرف ابعت لك رسالة خاصةلأنى لقيت انك ما دخلتى هنا بس لما لقيت مشاركتك فى موضوع د. لولا قلت ادخل هنا يمكن يكونى دخلتى والحمد لله لقيت مشاركتك ... دلوقتى اقدر انام وبكرة ان شاء الله اكمل مشاركاتى لحد ما توصل 300 .... رغيت كتير معلش اعذرينى .

[نووودى]

معلش يا بنات عايزه اسالكم عن حاجتين

اولا هل تعرفوا ايه الحد الأدنى للعد الحيوانات و نسبة حركتها اللى ينفع معاه يتعمل محاولات تلقيح صناعى قبل الحقن؟

ثانيا...هل فى حد عنده اى فكره عن مركز كويس او معروف للحقن المجهرى فى الصعيد؟؟؟
لان فى اخت ليا كانت بتسال على الموضوع دا

[نووودى]

ليديا
ربنا يبارك فيكى...و طبعا وشك حلو و باذن الله تكونى بشرة خير ليا
و اتبسطت انك شفتى مشاركاتى و معلش لو تعبتك انا كمان بحاول فى انى ازق مشاركاتى شويه

طيب انا كمان هجهز ورقه و اكتب فيها فعلا اللى عايزاه.,..وهاخد معايا تحاليل زوجى و تحاليلى انا كمان الل عملتها قبل كدا..بس من كام شهر فاتو و يمكن يطلب تحاليل جديده

انا لما هروحله هكون وقتها تقريبا فى ايام التبويض
وانا كنت بفكر اصلا انى اعمل العمليه بعد رمضان...يعنى ابتدى الابر التحضيريه و العلاج فى رمضان و اعملها بعديه عشان مكونش تعبانه فى رمضان و عشان كمان زوجى وقتها هيكون اتنقل و موجود معايا مش فى محافظه تانيه

بس انا حابه انى استشيره من دلوقتى عشان ارتاح و استعد نفسيا
ومعلش لما يبقى عندك وقت تبقى تعرفينى عنوان العياده بالظبط
لحسن انا زى الشاطره نسيت اسألهم اصلا النهارده

انا بس عرفت انه فى بوكلا تقريبا

[الماسة البحر]

اهلا فيكي حبيبتي الماسه بينا

هلا حبيبتي الله يسلمك من طيب اخلاقك


وان شاء الله تحملين باحلى توااااام

[meroo2006]

السلام عليكم يا ميروو يا حبيبتي وحمدا لله علي سلامتك وربنا يتمملك علي خير ان شاء الله
أولا شكرا علي ردك عليا بخصوص موضوع د/أسامة شوقي
انا كنت هحجز عنده علشان أكشف عموما علي سبب تأخر الحمل لأني مش عارفة المشكلة ايه بالظبط عندي والناس قالتلي أنه كويس
انتي رأيك مين كويس ارحلو اعمل كشف عنده انا وزوجي في مصر
وعايزة اسألك انتي عملتي الحقن المجهري فين ؟؟؟

وفي النهاية اني ادو الله أن يثبت حملك ويرزقك الذرية الصالحة ان شاء الله

بيبى لوف

اهلا حبيبتى.........لا شكر على واجب...........
شوفى لو انتى عايزة تروحى عند دكتور تعرفى منه سبب تاخر الحمل بصفة عامة و لو حالتك لا تحتاج لحقن مجهرى........... فى الحالة دى انصحك بالدكتور سامح زكى و ده دكتور كبير ومشهور و عيادته فى حى المنيل و هو شاطر جدا و منظم جدا فى تفكيره و لكن اعملى حسابك تحجزى قبلها ب3 شهور لان هو ده النظام عنده.........

اما لو انتى حالتك هتحتاج لحقن مجهرى............ فى الحالة دى انصحك بمركز جنين على كورنيش المعادى تحت ادارة دكتور حسام زكى و هو برضه شاطر اوى فى موضوع الحقن المجهرى و هو ده المركز اللى انا باتعامل معاه حاليا وانا عملت معاه محاولتين .........الاولى حصل حمل ولكن لم يستمر و الثانية حصل حمل والحمد لله ودعواتك ان ربنا يتمه على خير.............

[babylove]

بيبى لوف

اهلا حبيبتى.........لا شكر على واجب...........
شوفى لو انتى عايزة تروحى عند دكتور تعرفى منه سبب تاخر الحمل بصفة عامة و لو حالتك لا تحتاج لحقن مجهرى........... فى الحالة دى انصحك بالدكتور سامح زكى و ده دكتور كبير ومشهور و عيادته فى حى المنيل و هو شاطر جدا و منظم جدا فى تفكيره و لكن اعملى حسابك تحجزى قبلها ب3 شهور لان هو ده النظام عنده.........

اما لو انتى حالتك هتحتاج لحقن مجهرى............ فى الحالة دى انصحك بمركز جنين على كورنيش المعادى تحت ادارة دكتور حسام زكى و هو برضه شاطر اوى فى موضوع الحقن المجهرى و هو ده المركز اللى انا باتعامل معاه حاليا وانا عملت معاه محاولتين .........الاولى حصل حمل ولكن لم يستمر و الثانية حصل حمل والحمد لله ودعواتك ان ربنا يتمه على خير.............

أهلا حبيبتي
شكرا جزيلا علي الافادة وربنا يتمم بألف خير يا رب وتشوفي أبنك أو بنتك أدام عينيكي بخير ان شاء الله