ممكن تساعدوا اختى فى مشكلتها

[rodana]

السلام عليكم ورحمة الله وبركاته

طبعا كلنا اخوات هنا و دا اللى شجعنى انى اكتب مشلة اختى عسى نجد حلا
المهم اختى مخطوبة وزفافها ان شاء الله بعد 3 شهور هى خطيبها بيحبوا بعض
جدا جدا طبعا دلوقتى هما بيجهزوا شقتهم و كلكم اكيد عارفين الغلاء اللى مجتاح
العالم وخاصة مصر فخطيبها ظروفه المادية ضعيفة فلما راح يختار الفرش (الموبيليا )
اختار على قده هنا بقى المشكلة اختى لما راحت تشوفه مافيش ولا حاجة عجبتها ولا
شكل ولا خامة وهى متقدرش تختار حاجة تانية لان هتكون اغلى وهى راضية وساكتة
بس الكل ضاغط عليها واولهم ماما وهى مش قادرة تقوله ان الفرش وحش لان هى
عارفة ظروفه هى بقى عاوزة تعرف تعمل اية تسكت وترضى ولا تتكلم معاه مع العلم
ان الموبيليا 4 غرف ولا واحدة عجباها بصراحة وحشين جدا جدا بس

ياريت يا بنات تفيدونا لان هى نفسيتها وحشة جدا

[سحر66]

رودانا حبيبتى
طلب منا الرسول الكريم ان نزوج من رضينا دينه و الا فلتكن فتنه فى الارض
اليس كذك ؟؟؟
حبيبتى
قولى لاختك الكريمة ان الزواج اكبر بكثير جدا من الاثاث و العفش
وانه لو زوجها باذن الله طلع نسان محترم شهم كريم
فسوف تندم طول العمر على كل لحظه ضيعتها بعيدا عنه فى انتظار استكمال العفش وغيره
والموبليا مش حتطير
ومهما اشترت من موبليا فخمه فهناك الافخم منها بكتير جدا جدا جدا
قولى لها ان اللحظه التى تقضيها الزوجه بجانب زوجها يشربان كوبين من الشاى و يتبادلان حديث عادى جدا هى اغلىو اثمن من ملايين الدنيا
قولى لها ان النظره فى عينين وليدها باذن الله فى المستقبل ستعرفها تفاهة الحديث عن العفش و الفرح و فستان الفرح و غيرها مما ينغص على الفتيات حياتهن
قولى لها ايهما الكريم
من معه 10 الاف جنيه و اشترى موبليا ب 10 الاف جنيه اى بكل ما يملك
ام من معه مليونا من الجنيهات و اشترى موبليا ب 100 الف جنيه
من فى نظرها الاكرم ؟؟؟؟؟؟؟؟؟؟؟؟
وربنا يتمم بخير ان شاء الله

[bichebicha1]

اختي رودانا

كنت اظن أن لدى اختك مشكلة و لما قرأت
ما في مشكل اختي
لأن ما تحدثث عنه شكليات
سأقول لك كيف
أختك من حقها ان تزعل و تكون بنفسية غير جيدة
لو كان هذا الزوج ميسور الحال و يريد أن يحرمها من الاختيار...
و لكن هي تعرف ظروفه و عليها أن تقدرها مادامت وافقت عليه
فالأثاث و الفرش.... ليسوا اهم شيء في العلاقة الزوجية
أهم شيء هي راحتها هي معه
هل هي موافقة عليه هل موافقة على ظروفه المادية
هل تراه زوجا صالحا زوجا طيبا متخلقا
إذا كان نعم فقولي لها تقول هذا يكفيني والحمد لله و الشكر
و قولي لها لا نعرف الأيام ما تخفيه لنا
من منا اختارت العفش....الذي تريد
أنا شخصيا اخترت ذلك على حسب قدراته المادية
و في نفس الوقت أقول ربنا يعدلها
و سأغير كل شيء و أشتري.....و أشتري....
يعني أرفع من معنوياتي
و كانت والدتي دائما تقول لي أنظري
أنا بدأت حياتي الزوجية بأشياء قليلة و لم أكن أهتم للناس
و لا لكلامهم.......
و ها هو ربي رزقني و سويت كل شيء
و كلامها عين العقل
و فعلا ربي رزقني أنا أيضا و باذن الله سأغير ....
و على أختك أن تعلم أن أي زوجين مبتدئين
يبتدئون علي حسب قدراتهم المادية
و مع مرور الوقت تتحسن الظروف
و يحسسنون شكل بيتهم......
لا داعي لأن تضغطوا عليها
فهي من عليها أن تتفهم هذا و تتقبله بصدر رحب

[yehia2007]

بما ان المشكله ماديه فقط وهو اخلاقه كويسه والحمدلله كان ممكن بباكى جاب اوضتين على ذوقها وهو الاوضتينن التاتنين جابهم ووفر بدل الاربعه وحشين جاب اتنين كويسين عشان نفسيتها فى البيت تكون مرتاحه ناس كتير بتساعد بعضها المهم الانسان نفسه واخلاقه

[lolo habeby]

صدقينى حبيبتى فهمى اختك يا ما بيوت وفيلل فاخمة ومليانة تحف وعفش فخم جدا بس مفيهاش حب بجد انتى باين عليكى صغيرة وهى كمان لازم تعرف ان الجواز غير كدة خالص اهم حاجة الحب وهو هيحبها لما يلاقيها وقفت جامبة لما ربنا يدية هيعملها كل حاجة
مثال ناس انا شفتهم حقيقين بجد بجد لو اقولك الشقة والعفش اقل اقل من البسيط تخيلى غرفتين ورسبشن لا يزيدوا عن 50 متر تقريبا تخيلى ان الغرفة مش بتاخد غرفة من الاثاث كاملة بس ماشاء اللة لما تدخلى بيتهم تحسى الحب والفرحة والود وفى نفس اللحظة شوفت واحدة صحبتى ساكنة فى فيلا بس مش سعيدة مع جوزها خالصصصصصص لكى ان تتخيلى بقى انهى احسن فهامى اختك الكلام دة وربنا يوفقها لما يحبة ويرضا

[rodana]

شكرا لكم اخواتى على الرد
انا قولتلها الكلام دا وانا اختها اقرب مثاللها
اتجوزت فى شقة ايجار بس الحمد لله دلوقتى
بس هى كل اللى تاعبها ان كل اللى من حولها بيضغطوا عليها
وبيقولوا كلام سخيف مفيش حد قالها مبروك
كل كلامهم بيحرق الدم
انما هى بتحب خطيبها وبتحترمه جدا وهو كمان

[OMO BILAL]

قولي لاختك ان لا تصغي للاخرين ل ترضى ما قسمة الله تعالى اما ادا كانت زعلانة علشان مدش قالها مبروك فانا يوم فرحي محدئ حضر فرحي من العيلة الا جدتي و بعض الجيران لانو كان كان وليمة اسلامية وهما عوزين فرح خمس نجوم يعني موسيقى و هيصة اما عن العفش انا لما رحت لبيتي كنا بنجلس على الارض وفيوم الدخلة نمت على الارض لكن انا الحمد لله سعيدة جدا جدا جدا جدا و زوجي عمرو ما زعلني واي شيء اطلبو الا ويقول حاضر ولما ربنا اكرمنا فرشتا البيت وحتى المال انا اللي بتصرف بيه وهو لو عاوز حاجة بيطلب مني مع انوهو اللي بيشتغل وانا نايمة في العسل

[نانى صلاح]

والله لو هى نفسيتها تعبانه ومش عاجبها الفرش تستحمل وكفايه تجيب حجرتين حلوين
بدال الأربعه وياما ناس دخلوا بحجرة نوم بس ودلوقتى قاعده فى قصور
المهم ما يكنش كلام الناس هو الدافع اللى حيخليها تعمل كده لأن لو عريسها حس ان كلامهم بيأثر عليها
صورتها هتهتز امامه
اما لو هى متقبله العفش عادى وكلامهم بس اللى تاعبها تبقى غلطانه ما فيش حد بيهدى على طيب
وياما شفنا من كده كتير المهم هى عايزه ايه وبالرضى والمحبه حتعمل اللى عايزاه وخدوهم فقرا يغنيكم الله

[ام سنفور]

اختى الحبيبه لازم تقفى جنب اختك وتشجعيها لان كلام الناس وانتقدهم له تاثير فظيع عالانسان وقوليلها ان كل حاجه هتيجى بعدان المهم انهم هى وخطيبها يكونوا مع بعض وخصوصا انه بيحبها وعلى فكره هى لما تر ضى بالموبيليا الهو جابها حسب ظروفه الماديه حتى لو كانت متواضعه هو مش هينسلها الموقف ديه وهيقدرها اكتر على وقوفها جنبه واحساسها بطروفه وهشيلها جوه عينه خصوصا لو كان انسان اصيل فهميها ان الناس مبيعجبهاش حاجه وانها لازم تقف جنبه ولك تحياتى

[mm msh]

بصى يا اختى فى الله كلام البنات ما شاء الله يغنى عن اى كلمه ممكن اقولها ولاكن انا بس هضيف مثال حى ومش حد غريب لا انا
اول ما جيت اجهز شقتى كانت ظروف زوجى الحمد لله مرتاحه جداااااااااا
واختارت كل شئ انا نفسى فيه ولاكن حصل مشكله فى الشغل ومقدرش يجيب غير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

غرفتين تخيلى مش 4 وكمان مش قوى لغيت السفره والصالون والاطفال وانا شقتى كبيره
بس اهم حاجه مضغطش عليه
المهم انا وهو نكون مبسوطين
وبس يا ستى علشان مطولش عليكى دلوقتى انا فرشت الشقه كلها على مزاجى والاحسن منن كدده ان زوجى قدر ان انا فضلته عن العفش

انا طولت عليكى جداااااااااا سامحينى
واف مبروك للعروسه