₪طبق متميز₪ خطوة خطوة نحو ورق عنب بزيت الزيتون ..... ولا أطيب
السلام عليكم ورحمة الله وبركاته
أنا مشاركاتي قليلة بهذا الركن بس بحب أشارككم باللي بعرفو وبتمنى يعجبكم
اليوم طبختنا ورق عنب بالزيت أو اليلنجي
طبعا الطعم خطير وما في حدا ما بيحب
هالطبخة وهادا موسم ورق العنب في فلسطين
ما بتلاقي بيت بيخلى من شجرة ورق العنب
عشان هيك حبيت أشارككم بطريقتي في عمله من شجرة البيت
نبدأ باسم الله
في البداية لازم نكون جايبين ورق العنب وشايلين العرق الصغير اللي ع الورقة ونكون سالقينو مجرد إنو يوضع في ماء مغلي حتى يتغير لونة ونشيلو بسرعة
ونحضر الحشوة والطنجرة إللي رح نصف فيها ورق العنب
الحشوة عبارة عن (رز مصري منقوع بماء ساخن لمدة 5 دقائق وضع عليه
بندورة مفرومة مكعبات صغيرة+بقدونس مفروم+نعنع مفروم+بصلة مفرومة ناعم
مكعب ماجي +ملح + بهار+ قرفة+فلفل أسود+شوية زيت زيتون)
مقاديرهم على حسب كمية الرز وكمية ورق العنب
أما الطنجرة اللي رح نصف فيها نضع في القاع
حلقات بطاطا+حلقات بندورة+حلقات بصل+شوي من البهارات مو كتير
ملح+فلفل أسود+قرفة +بهار+زيت عادي
والآن نبدأ بلف الورق
نفرد الورقة
ثم تابعو الخطوات وأتمنى أن تكون الصور واضحة
أتمنى أن تكون الصور السابقة واضحة
ونكمل اللف ونرتب مباشرة في الطنجرة
والآن بعد ما وجعنا ضهرنا من اللف ههههههههههه ومش قادرين نتحرك
نكمل
وهنا نرش ملح مش كتتير لأنو حطينا تحت في القاع
عند البطاطا والبندورة
نبشر مكعب ماجي على والوجه
والآن نضع الماء
انتبهو منيح رح نحط الماء بعدين رح نعمل خطوة مهمة إنو رح نضغط
الماء اللي حطينا بواسطة صحن لحتى يغطي وهذا اللي رح يحدد كمية الماء الذي
يجب أن يكون
وبعدين نرفعو ع النار لحتى يغلي ثم نشيل الصحن شوي شوي ونغطيه
ونتركو ع نار وااااااااااااااااطيه لحتى يستوي ع مهلو
وبعد ما تحسي إنو استوى وتقريبا الماي اللي عليه خف نضع عصير الليمون
وآخر مرحلة نرش زيت الزيتون ونسكر ع النار
طبعاً قبل التقديم بربع ساعة نقلبه
آسفة طولت عليكم وفي النهاية
يقدم بالهناء والشفاء
أتمنى إنو يعجبكم وتكون الصور واضحة
وأي استفسار أنا في الخدمة
دعواتكم الحلوة
رد مع الاستدلال
كتبت بواسطة دلــع1
الروابط المفضلة