|
للبحث في شبكة لكِ النسائية:
|
عضو
نصيحة ...لوجه الله لاتنخدعوا بمظاهر المدارس ...انا لما دخلت بنتي المدرسة فيKG1...كنت عايزة مدرسة فيها حمام سباحة و ملاعب و جاردن و حاجات من دي .... و في مدرسة طيبة، الحمام السباحة بنتي ما شفتهوش غير مرة واحدة ( يعني نزلت فيه مرة واحدة) و لا فيactivities ولا هباب ... علشان كدة.. حرمت من ساعتها ... فقررت اني عايزة مدرسة تكون كويسة تعليميا ً و تربويا ...ً اما موضوع الترفية ..فممكن يحصل في النادي ...احسن و اكثر تخصص.
عضو
sadina plz
انتي متأكدة ان اقارب جوزك في رويال بيراميدز ؟؟؟ الي في هضبة الاهرام (عند بوابة مينا) من فضلك تأكدي ..لحسن كنت مكررة اني اقدم فيها يوم الاحد القادم ...
انا سمعت انها كويسة و بنت ابن خالي في سنة اولي اعدادي و بتقول انها كويسة والمدرسين كويسين ... و بتفهم منهم هى بالنسبة لمصاريف سنة رابعة ابتدائي 5500 و الباص 1200 ( و أية داخل هضبة الاهرام)
النجم البرونزي
ام مريم انا اتصلت بنفسي وسألتهم قالولي اتهم في مدرسة ييراميدز ومش رويال بيراميدز بس اسألي لحسن يكونوا زي بعض واسفة لو لخبطتك.لكن على العموم اتأكدي من المستوى قبل ما تروحي ولو عرفت حاجة حقولك.
النجم البرونزي
ميرهان انت عملت ايه؟
عضو
مرسي جدا على اهتمامك ..... اانا عارفة ان مدرسة Pyramids مش كويسة و كتبت كدة من قبل ... هي بتعمل بروباجندا لنفسها جامدة لكن التعليم فيها فاشل ... و دة عرفته من جارة عندنا في العمارة ...بسالها مرة خريجة مدرسة اية ؟؟؟ لقيتها بتقول Byramids (طبعا النطق مختلف ...ففهمت ان التدريس فيها تعبان جداً و دية نصيحة بقدمها للامهات لا تنخدعوا باعلانات المدارس البراقة و الكلام الفارغ دة ( عندنا حمام سباحة و خيل و و مش عارف اية ) كله ضحك على الذقون ... المهم بجد التدريس يكون كويس و مدرسين اللغات يكون نطقهم سليم ...
مرة تانية الف شكر يا Sadina لاهتمامك .... وربنا يباركلك
للي بيسالوا عن مدارس التجمع ... كل الي اعرفة ان المصرية ( مع انها مدرسة قديمة و مبانيها قديمة ...بس هي تعتبر من احسن المدارس في التجمع الخامس ....) لي اقارب كثير فيها و بيقولوا انها مدرسة كويسة و مستمرين فيها
مدرسة اخناتون ..مش كويسة ..و لي فيها اقارب حينقلوا منها السنة دية ....
مصر 2000 ( مستواها نصف نصف ) المصرية تعتبر احسن منها.
دة الي اعرفة عن مدارس التجمع ....و ربنا يهدينا للي فيه الخير.... لحسن انا حموت من التفكير ...عايزة استقر على مدرسة واحدة واخلص ( مش معقول حفضل انقل البنت كل شوية)
النجم البرونزي
المصرية للغات قريبة من بيتي بس مرة شفت واحدة قدام المدرسة ولادها فيها وكانت متضايقة قوي وسألتها اي رأيك في المدرسة قالتلي اهي زي اي مدرسة بيتكلوا على البيت دي مدرسة ولا حلوة ولا حاجة.ردها خوفني وصرفت نظر عنها.يا ريت لو تعرفيلي عن مدرسة جرين هايتس في التجمع الاول.انا رحتها وهي ادارتها ناس ترتاحي لهم وناس كتير شكرت فيها.يا ريت مل واحد يعرف عنها حاجة يقولي.وشكرا
عضو نشيط
ولا حاجة زى مانا لاخطوة قدام ولا ورا
عضو
لاسف انا من سكان الهرم ...علشان كدة معرفش كل المدارس الي في الضفة الثانية.... قصدي يعني التجمع او مدينة نصر او مصر الجديدة ... بس ليا اقارب سكان المناطق دية و بسمع منهم عن المدارس ... معظمهم اتفق على المصرية (بس عيبهم الوحيد انها قديمة مش روشة زي المدارس الجديدة ) بالنسبة لجرين هايتس للاسف معرفش حد فيها ... بس انا دخلت على الsite بتاعهم شكلة كويس ..و ربنا يقدملك و يقدملي الي فيه الخير....
الواحد زمان بصراحة اتعلم ببلاش و هم كام مدرسة لغات الي كانت موجودة و خلاص و كلهم نفس المستوي ...انا دلوقتي العروض بقت كثير و اشي national , international , british ...etc لما الواحد خلاص مش عارف يقرر ...المشكلة ان معظم المدارس بتفتح امريكان ( و دة افشل نظام في التعليم ) هو الحقيقة لا يقال عليه نظام من اصلة ...عيال فشلة و تربية هباب ...بس بياخدوا المدرسين الكويسين من اللغات علشان يحطوهم في القسم الامريكان...
لذا بدور على مدرسة ميكنش فيها امريكان اصلاً
عضو
ميريهان ...انتي من سكان اني ضفة ( الهرم .....و لا ناحية التجمع ) ؟؟؟
عضو
مريهان ....عرفت انك تقريبا من سكان التجمع .....
خدي نصيحة و ودي بنتك المصرية على طول .... كويسة و نتائجها كويسة ,,, اولاد خالي مدخلين اولادهم فيها و بيشكروا فيها .... منهم الي في ابتدائى و منهم الي في اعدادي...يا ريت كانت قريبة مني ..كنت دخلت بنتي فيها ...
لسكان المعادي : انصح بمدرستين اما البشاير و اما New Horizon ( العيال فيه بيتكلموا fluent English )
و اعتقد الفيوتشر الي في العادي برضة كويسة ....بس معرفش فيها حد
أعضاء قرؤوا هذا الموضوع: 0
الروابط المفضلة