مدارس مدارس مدارس......البحث عن مدرسة

[bent masr]

يا مريهان,وصلتى لحاجه ولا لسة؟؟؟؟
أنا بس حبيت أقولك انى سمعت من ناس كتير ان مدرسة نرمين اسماعيل مش حلوة خالص و أنا صرفت نظر عنها فحبيت بس أبلغك.
انتى خلاص قررتى تنقلى ولا لسه؟؟؟ رسيتى على حاجة؟؟؟
منارة الفاروق ممتازة طبعا بس بياخدوا سن كبير أوى

[bodamody]

bodamody اعتقد ممكن تكونى سالتى فى القسم الamerican لأن صاحبتى ابنها فى القسم اللغات و مبسوطة من مستوى المدرسة و المصاريف زى ما قلتلك حوالى 5500.

فعلا قسم الامريكان بس مفيش فيها ملاعب مش عارفه والله اختار بس هقدم فيها وفي نولدج وبيبي هوم وربنا يقدم اللي فيه الخير وهصلي استخاره قبل كل واحده والله المستعان وشكرا شكرا شكرا اهتمامك بجد انت روعه

[soly]

[QUOTE=bodamody;5988764]ما تزعليش اكيد مفيش حد عنده معلومه تفيدك والله الكل حاسس ببعضه لاننا بنتكلم عن اغلي ما عندنا بس استني لحد ما ييجي رد والله المستعان الحقيقه ما حدش بيتاخر (علي فكره انا مثلا ما عرفش الاثنين ومحتاره جدا ) بس صلي استخاره ورتنا يدلك للي فيه الخير

جزاك الله خيرا ان شاء الله باصلى استخارة

[soly]

Soly حبيبتى ماتزعليش اليومين دول امتحانات فبعرف بليل ادخل اكتب بعد ما يناموا الاولاد

بالنسبه لسؤالك بيراميدز اقوى تعليميا من علوى بس شغلهم كتير لو ده مش مشكله بالنسبه ليكى بس ياسسوا كويس يعنى شيتات كتير و شغل كتير فى البيت

انا كان ليا واحده صاحبتى كانوا اولادها فى علوى و حولت مدرسه جديده بيشكروا فيها اسمها Diamond علشان علوى قالتلى غاليه على الفاضى عموما لو عايزانى اسالهالك بالتفصيل انا تحت امرك

جزاك الله خيرا يا قمر

فين diamond دى ؟و هى احسن من بيراميدز و علوى ؟ياريت تسالى لى
انا عارفه انه بيراميدز قوية بس هى ابعد بالنسبه لك كثيررررر عن علوى 3 اضعاف المسافة تقريبا و انا و بباه اللى هنوديه و نرجعه لانه لسه صغير اخاف عليه من الباص

[soly]

حبيت بس اشركوا معايا اول امبارح عملت استخاره (زى ما نصحتك يا فشاره) بخصوص مدرسه Brilliance انهارده عرفت انهم غلوا المصاريف 20% فطبعا كده كتير اوى بالنسبه لمدرسه ناشيونال اول سنه ادفع حوالى 15000 !!!! فانا دلوقتى رجعت لنقطه الصفر مره اخرى الحمد لله على كل شىء ما حدش عارف الخير فين انا حروح ازور Knowledge Valley على الاقل هيا انترناشيونال و انشاء الله اقولكم ايه الاخبار ادعولى

طيب ليه عاوزة تدخليه من دلوقتى مدرسة ناشيونال ممكن تدخليه لغات عادى و فى ثانوى يدخل الناشيونال
انا سمعت من ناظرة بيراميدز نفسها انه الامريكاان مثلا خفيف قوى و اابنها دخل هندسة و حول تجارة بسبب كده يعنى ما بيكونش اللى متخرج منها قوى

[bent masr]

فعلا قسم الامريكان بس مفيش فيها ملاعب مش عارفه والله اختار بس هقدم فيها وفي نولدج وبيبي هوم وربنا يقدم اللي فيه الخير وهصلي استخاره قبل كل واحده والله المستعان وشكرا شكرا شكرا اهتمامك بجد انت روعه

على ايه بس يا bodamody ؟؟؟؟؟؟اللى يقدر يفيد الباقيين بأى حاجه ربنا يجازيه خير.
فعلا المبنى بتاع الدقى مافيهوش ملاعب ولا مكان لأى حاجه-و ده حال معظم المدارس القديمة- لكن فرع 6 أكتوبر بيقوللوا حلو أوى....اللغات و ال international .

[merehan]

عزيزتى بنت مصر ممكن تفيدينى اكتر وتقوليلى قالولك وحشة فى اية بالظبط لو ممكن عشان انتى كدة قلقتنى ورجعتينى لنقطة الصفر وشكرا

[ايمو]

Soly حبيبتى انا ماكنتش بفكر فى الانترناشيونال دلوقتى خالص بس و كمان لما قدمت فى مدرسه Brillianceكان فى اللغات الناشونال العادى بس لما سمعت عن Knowledge Valley لقيت انها International British و سعرها كمان اقل من مدارس كتير ناشونال عادى و اللى علافته انهم بهتموا اوى بالمقابله خصوصا الاهل علشان كده اتكلت على الله و معادى الجمعه القادم ادعولى و انا انشاء الله حزور المدرسه الاول فى خلال الاسبوع ده و حبقى اقولكم .

بالنسبه لمدرسه Diamond هى فى فيصل و انا ليه اتنين اصدقائى فيها انشاء الله اسالك على تليفونهم و عنوانهم هيا مدرسه جديده بس بيشكروا فيها

[ايمو]

ميرهان حبيبتى انا قلتلك من الاول ابعدى عن نرمين اسماعيل بس عايزه اقلك حاجه لان ممكن تكونى متلخبطه فى MSE Modern School of Egypt دى كويسه بس مافيهاش تحويلات هى نرمين كانت شريكه فيها بس سابتهم و فتحت مدرسه تانيه سمتها على اسمها مدارس نرمين اسماعيل 2000 دى تبعدى عنها لان سواء نرمين اسماعيل او دينا اسماعيل اداريا فاشلين هما سياستهم انهم فى مرحله KG يقدموا مستوى هايل بعد كده بقى عينك ما تشوف الا النور و ده اللى حصلى و ماكنتش مصدقه الناس لما قالولى .
ميرهان المصريه للغات بصراحه كل الناس بيشكروا فيها اوى تعليميا هى المدرسه تحسيها قديمه بس هما هايلين .
فى كمان مدرسه Modern Educational School دى رائعه بس للاسف مافيش مكان فيه بس اسالى جايز و ربنا معاكى و طمنينى عليكى

[merehan]

شكرا ايمو انا بصراحة مش عارفة اعمل حاجة على العموم حشوف المصرية وربنا يسهل