بنات ساعدوني محتارة

[سارة0001]

السلام عليكم
بنات كيفكم
وشخباركم

واللة ترددت كثيرفي كتابة موضوعي لكن قلت مالي الابنات منتدىلك^^^^^^طولت عليكم وكثرت كلام
ادخل في موضوعي بنات واللة محتارة تدرون ان هذة اخر سنة لي والى الان مااخترت تخصصي وكل زميلاتي اختارو تخصصاتهم ماعدا انا بس فكرت باادارة اعمال وماادري شنو رايكم فية

[سارة0001]

بنات وينكم واللة محتاجتلكم

[سارة0001]

7 دخلو ولا وحدة ردت

[سنـــــديان]

ولا حيردوووا صدقيني جربتهم بمثل بموضوعك
سبحان الله استخر وشاور بس ياترى أشاور مين قلت مافي غير هالمنتدى لكن برضه ماطلعت بفايده محد رد الا وحده جزاها الله خير يكفي انها عبرتني حتى لو ماتدري
على العموم أختي استخيري اولاً
ثانياً أنا أنصحك بإدارة أعمال ياريتني كملت دراستي الجامعيه كنت إخترتها
لكن يقولوا نظم معلومات مطلوووب
هذا على حسب علمي
تحيــــاتي

[شيختهم]

اخت ساره اولا هالشي محدد يقدر يحدده غيرك انتي
لان ولا وحده من بنات المنتدى تدري بميولك .. ومستواك الدراسي .. و وش هي المواد اللي تحبينها .. و وش هو المكان اللي تشوفين نفسك فيه ...
عموما تخصص اداره الاعمال تخصص حلو ومطلوب في سوق العمل ولكن في السنوات الاخيره كثر عدد الطلاب اللي تخرجو من هذا التخصص .. بس مايمنع انك تفكرين فيه
تخصص نظم المعلومات تخصص حلو ولكن صعب شوي ومواده تحتاج تركيز ومذاكره و دراسه دايمه ومتابعه ومواده كل وحده مرتبطه بالثانيه فاذا مافهمتي الاولى ماراح تفهمين الثانيه ... بس مستقبله حلو مطلوب
في كثير من التخصصات اللي انطرحت خلال السنوات القليله اللي مضت مثل نظم المعلومات الاداريه و اداره المال بالطريقه الاسلاميه ( اسلامك فايننس ) و اداره الموارد البشريه و الدراسات الاقتصاديه الدوليه ....الخ
نظم المعلومات الاداريه تخصص يجمع بين تخصصين اداره الاعمال و نظم المعلومات ... وتخصص حلو ومطلوب بحكم ان يجمع بين شيين وتخصص جديد والدفعات المتخرجه منه قليله ...
اداره المال بالطريقه الاسلاميه ( اسلامك فايننس ) تخصص جديد وحلو مش موجود بكل الجامعات ... وجدا جدا جدا مطلوب في سوق العمل بحكم انه جديد وحلو
اداره الموارد البشريه هو بعد تخصص تابع لكليه البزنس وحلو وجديد و مطلوب في سوق العمل بحكم انه جديد ومافي ولا شركه ولا وزاره ولا مكتب ولا بنك ولا اداره ...الخ لاتحتوي على قسم المواد البشريه ...
الدراسات الاقتصاديه الدوليه تخصص جديد ومش موجود في كل الجامعات و يهتم بالاقتصاد العالمي و بعد تخصص حلو ومطلوب ...

وفي كثير من التخصصات الجديده والمطلوبه ... بس انتي شوفي نفسك اي تخصص يناسبك ؟ وش هي المواد اللي تحبينها ؟ وين المكان اللي تقدرين تبدعين فيه ... وش هي طموحاتك المستقبليه .. وين تبغين توصلين بالعمل والدراسه ... الخ
وبعدها حدددي التخصص اللي تبغينه

[فجر55]

ماشاء الله الأخت شيختهم ماقصرت
عطتك المختصر المفيد وأنا معاها في انك انت الوحيده
اللي تقدري تحددي تخصصك وهذا بعدة خطوات منها
انك تعرفي ميولك وأهدافك وامكانياتك وبعدها
تشوفي العمل اللي ممكن تتوظفي فيه بعد التخرج وهل هو يناسبك
أم لا أو انك مجرد تبغي تتعلمي وبس ولا حاجه لك بالعمل
المهم كل الموضوع هو انت اتمنى اني أكون أفدتك ولو بشي
بسيط تقبلي تحياتي

[..الغدير..]

وعليكم السلام وحمة الله وبركاته

حياكِ الله أختي..

كيف أنتِ في آخر سنة ولم تختاري تخصصك لحتى الآن!
عموماً, أتمنى أن تفيدك الروابط التالية..

كيف تختارين تخصصك الدراسي ؟؟؟؟؟؟؟؟ *وسام أحسنتِ الاختيار*
حتى تختار تخصصك في الجامعة دون تردد او حيرة !!!!!

معلومات عن تخصص إدارة الأعمال:
http://www.lakii.com/vb/showpost.php?p=4965616&postcount=3

وأيضاً بإمكانك الاطلاع على الموضوعات المطروحة في الركن من قِبل الأعضاء والتي يتحدثون فيها عن تخصصاتهم المختلفة فلعلها تساعدك في الاختيار..

موفقة ..

[سنـــــديان]

ماشاء الله اللهم لا حسد هههههههه
حلوه الردود وجزاكم الله ألف خيـــــر

[..الغدير..]

وإياكِ أختي سنديان..
أرجو أن تلتمسوا العذر لأخواتكم , بالنهاية نحن بشر وتحكمنا ظروف كثيرة قد تجعلنا نقصّر في الرد على بعض المواضيع ولكن هذا لا يعني أننا نهملها عمداً وأحياناُ لا يكون لدينا إجابة شافية فنفضّل الصمت وانتظار أهل الخبرة..

نسأل الله أن يعيننا على خدمة أخواتنا دائماً وأن يجعل عملنا خالصاً لوجهه..