●•°حلى متميز°•● الكيكه الاسفنجيه المغلفه بالجلي من ام شهد وحلا
مرحبا يا صبايا يا حلوييييييين
كيفكن
جبتلكن اليوم كيكه اما شو كيكه مممممممممممممم
هادي الكيكه اتعلمتها من بنت عمي (اخت زوجي ) ام الكابتن وانا مخطوبه الله يجزاها كل الخير
لكن ما طبقتها الا لما اتزوجت
واجا على بالي اعملها
لانها كتير طيبه
وخصوصا لانها بالجيلي
وخفيفه مش دسمه
ويا صبايا الجلي ما بسمن كتير خفيف وما احلاه يكون تحلايه للصبايا يلي بعملو رجييييم احم احم متلي
المقادير
كاسة طحين
4 ببيضات
كوب سكر
ملعقه صغيره فانيلا
ملعقه صغيره خل
بيكينج باودر ملعقه كبيره
3 باكيتات جيلي توت او فراوله
او اي نكهه انتي بتفضليها
علبة اناناس مقطعه دوائر او قطع صغيره
او علبه فواكه امشكله متل ما بتفضلي
الطريقه
نضع كوب السكر مع البيض والفانيلا والخل
نخلطو بالخلاط على سرعه عاليه دون توقف حتى يصبح المزيج كالكريمه
متل ما هوي موضح بالصوره
نأتي بالطحين المنخول مرتين مع البيكنج باودر
ونضعه على خليط البيض بالتناوب
مع 7 ملاعق ماء او حليب سائل
مع مراعات تحريك الملعقه على شكل دائره بعدين خط بنص الدائره
حتى يدخل الهواء داخل الخليط
الى ان تنتهي كميه الطحين والماء او الحليب
يوضع الخليط في صينيه مدهونه
وتوضع في الفرن
الان بعد نضوج الكيكه نتركها تبرد مدة ساعه اوساعتين
الان نغسل الصينيه الي عملنا فيها الكيكه حتى نحضر فيها الجيلي
الجيلي
كاس ماء مغلي
نضع في داخله مغلف ونص من الجيلي حتى يذوب
نأتي بكاس ماء بارد ونضع على الجيلي ونحرك
نصف قطع الاناناس في قاع الصينيه
ونصب الجيلي ونضعه في التلاجه حتى يتماسك
بعد ان تماسك الجيلي نأتي بالكيكه
نحضر لها مغلف ونص من الجيلي متل ما عملنا سابقا
ونسقي الكيكه
انا هون ما سقيتها كتير لانو زوجي بحبها ناشفه
بس الاطيب انها اتكون امشربه بالجيلي
نضع الكيكه على الجيلي المتماسك
يعني الجهه الي شربتها بالجلي اتكون ملاصقه للجلي المتماسك
افهمتو علي
وفيكم كمان اتشربوها وهي داخل الصينيه حسب الرغبه
ضعيها في التلاجه مده ساعه ساعتين او يوم كامل
لانو كل ما طولت في التلاجه كل ما كانت اطيب
الان وقت قلب الكيكه
نخرجها من التلاجه
نمررها على النار على السريع حتى يذوب الجيلي قليلا
ليسهل علينا قلبها
الان يا حبيباتي قلبتها
وهاد شكلهااااااا
كتيييييييييييييييييير طيبه وشكلها بجننننننننننننننننننننننننننننننننننننننن
يارب تعجبكم يا صبايا
دعواتكم الي ولزوجي
اختكم ام الشهد والحلا
رد مع الاستدلال
كتبت بواسطة نور هدى 7
الروابط المفضلة