السلام عليكم و رحمة الله و بركاته:
مرحبا أخواتي الغاليات، عم نحتار شو نعمل بهالبرد و بشو نتدفى و لذلك حبيت اعملكن هالشوربة اللذيذة و المفيدة كتيييير ظريفة بالشتا....
المقادير:
ضمة سلق، نص كوب عدس مسلوق ، بصلة متوسطة الحجم ، حبة بطاطا صغيرة ، سن توم ، ملح ، فلفل ، ملعقة كزبرة يابسة( حسب الرغبة) ، ملعقتين زيت زيتون **
الطريقة:
* نفرم البصلة فرم ناعم و نقلبها بالزيت.
* نفرم البطاطا قطع صغيرة و نضيفها للبصلة ، و نضيف الملح و الفلفل و كوبان ماء و نغطيهم حتى يستووا على نار هادئة .
*بس يقتربوا من الاستواء نضيف السلق بعد ما نضفناه و فرمناه ( السلق بيستوي بسرعة ) شي 10 دقائق.
* نضيف العدس المسلوق و نتركهم 10 دقائق أخرى.
* نضيف التوم المدقوق و الكزبرة اليابسة و نتركهم يغلوا مرة فقط و بعدين نقدمها ، مع ألف صحة و هنا ، ولابقى تقولوا بردانين...
هالشوربة غنية جدا" بالحديد (السلق... العدس...البصل..) لذلك كتييير مفيدة****
بالهنا والشفا**
الروابط المفضلة