أسهل وأحلى بسبوسة بالقشطة .. لما أسويها تصير حرب بالبيت

**mais** · 12-10-2002, 12:29 PM

بسبوسة القشطة اللذيذة .. نقلتها من أحد المنتديات من زمان ولا أعرف من أين بالتحديد .. وطبقتها على طول لسهولتها .. وأضفت بعض الاضافات من عندي مثل الكاكاو والمكسرات .. وانا ما استخدم البيض ولا الشيرة لاني ما أحب السكر كثيير .. وممكن تسونها بدون كاكاو ومكسرات .. وممكن تضيفوا البيض والشيرة حسب الطريقة الاصلية اللي نقلتها من المنتدى ..

مقادير البسبوسة :
1كوب سميد +1كوب جوز الهند +1كوب سكر+1ملعقة كبيرة بكنج بودر
2بيض (حسب الرغبة) +نصف كوب زبدة +1ونصف علبة روب انا استخدم في بعض الاحيان علبة أو علبة وربع + مكسرات مطحونة(فستق ولوز) +ملعقة صغيرة بودرة كاكاو(حسب الرغبة)

الحشوه :
(1 علبة قيمر(قشطه)+1ونصف كوب حليب سائل أنا استخدم المراعي +3ملعقة كبيرة نشاء ) تخلط مع بعض ثم على النار حتى تكون شبه ثقيله. (نأخذ ملعقتان كبيرتان منه ونضيف إليها ملعقة صغيرة من بودرة الكاكاو مخلوط مع قليل من الحليب )

الطريقة :
نحضر جميع مقادير البسبوسه ونخلطها مع بعض ثم نصب نصفه في صينيه مدهونه
بالزبدة وبعدين نحط الحشوه ثم خليط الكاكاو (ممكن تستغني عنه ) ثم باقي البسبوسه و نرش عليها المكسرات المطحونة ثم في الفرن وتترك حى تستوي وتحمر من فوق وترش بالشيره وتكون شيره مضبوطه معه شوي نقاط ليمون .

ما أكذب عليكم .. لما أعملها تصير ضرابة بالبيت وكل واحد يريد يزيد مرتين منها .. وسويتها لأهل زوجي وعجبتهم وما صدقوا اني عملتها ( لاني خايبة بالطبيخ) .. ولما انعزم عند اهلي بدل ان بنتظروني اجدهم ينتظروا البسبوسة .. سوووووووها ما راح تندموا ... كل حد بيحبها ..
وممكن تزيدوا كمية الحشو حسب رغبتكم ..

**Uqabi** · 12-10-2002, 01:32 PM

تسلم إيديك اختي وبار ك الله بك

**][^نسايم نجد^][** · 12-10-2002, 04:09 PM

تسلمين اختي على هالبسبوسة اللي واضح انها لذيذة وبجربها ان شاء الله تزبط

**السلفية** · 12-10-2002, 06:11 PM

اممممممممممممممممممممممممممم .. باين عليها لذيذة .. تسلم إيدك .. وإن شاء الله أجربها وأقولك النتيجة ..

**مزن** · 12-10-2002, 07:46 PM

مممممممممم
لذيييييييذة تسلميييييين ياالغالية
بجربها ان شاء الله قريب

**ام وديمه** · 13-10-2002, 05:56 PM

اكيد بتصير ضرابه في البيت .....
لأن طريقتها ممممم روووووووعه تسلم ايديك اختي .....

**الجوري 80** · 18-10-2002, 12:12 AM

البسبوسة وايد حلوة يا mais ... جربتها أمس وعجبت الأهل جميعاً .. وألف ألف شكراً

**mais** · 18-10-2002, 06:37 AM

عزيزاتي الغاليات ...Uqabi و ][^نسايم نجد^][ و السلفية و مزن و ام وديمه أحمد ربي كثيرا لان البسبوسة قد نالت على اعجابكم وبدوري أشكر صاحبة الوصفة الأصلية ولو إنها جاءت متأخرة ... وأرجو أنكن تجربوها و بتعجبكم النتائج ...

الجوري 80 .. الحمدلله إنها ضبطت معاكي وعجبت الأهل .. صدقيني مع الايام إلا وبتضيفي إلها أشياء من ذوقك غير اللي أنا ضفتها ..

ومشكوووووووووورين

**الثمال** · 18-10-2002, 07:24 AM

يعطيك العافية

**ام نسيم** · 19-10-2002, 04:55 AM

السلام عليكم ورحمه الله وبركاته
عيوني الك
انشاء الله اجربها وضلي استني في حتي احكيلك كيف طلعت
مشكوره

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: أسهل وأحلى بسبوسة بالقشطة .. لما أسويها تصير حرب بالبيت

أدوات الموضوع

العرض