السلام عليكم جميعا
كيفكم وكيف احوالكم ، انا اسفة اتأخرت عليكم بس للاسف هلأ قدرت ادخل واطمنكم
انا بخير الحمدلله والله رزقني باحلى بنوتة ربي يحميلي اياها ويرزق كل مشتهية يارب وسميتها زهراء
وبالنسبة لولادتي انا ما بدي اخوف اي وحدة حامل او مقدمة على الولادة بس رح اكون صريحة واقولكم ان ولادتي كانت من اعسر الولادات واتعذبت كتيييييييييييييييييييييييييييييييييير ربي يهون ويسهل على الجميع
رح ابدأ بقصة ولادتي :
انا خلصت الشهر التاسع وكان اخر يوم 23-6 ورحت تاني يوم عالمستشفى وخبرتهم اني خلصت التاسع وما ولدت والدكتور قالي ان رح يعطيني 10 ايام زيادة وخلالهم رح اسوي يوم بعد يوم تخطيط عشان اتطمن على صحة البيبي وفعلا صرت اروح يوم بعد يوم اسوي تخطيط وثالث مرة سويت فيها ظهر عندي ان في طلق خفيف فاضطر الدكتور يفحصني عشان يشوف الرحم وبعد الفحص طلع عندي الرحم مفتوح 2 سم فانا انبسطت والدكتور طلب مني امشي كتير واعمل تخطيط كل يوم وفعلا صار التخطيط كل يوم وللاسف ضليت على نفس الوضع مافي اي تطور ورحت يوم 3-7 الصبح على المستشفى وقلتلهم ان خلصت موعدي و10 ايام زيادة ومافي اي تطورات او بوادر ولادة ولما فحصتني الدكتورة لقت الوضع متل ما هو الرحم فاتح بس 2 سم فالدكتورة عملتلي ورقة دخول للولادة بالطلق الصناعي وطبعا انا هون حسيت ان الموضوع عنجد وصرت ابكي خخخخخخ
المهم سلمت على اهلي وزوجي ودخلت الولادة وكانت الساعة 1 الضهر يوم الخميس واعطوني الحقنة الشرجية وانتظرت مرور الدكتور وقالوا ان في طلق خفيف خلونا نشوف اذا في اي تطورات قبل الطلق الصناعي وبعد ساعة لقوا الوضع متل ما هو فاعطوني الطلق الصناعي وبدأو معي جرعة جرعة والرحم للاسف متل ما هو مافي اي استجابة وضليت على هالحالة كتيييييييييييييييييير الرحم فقط 2 سم والطلق عمبيزيد وانا صرت اتعب من قوة الطلق الصناعي والدكتورة اصرت تعطيني ابرة الضهر لانهم رح يزيدو الطلق الصناعي وانا تعبت فاخدتها واستمريت بهالحالة لليل وانا كل شوي يكون التطور خفيف ومو كتير وحصل معي شي غريب للاسف اول مرة اسمع عنه وحتى الدكتور استغرب ان الرحم يفتح ويوصل 7 سم وبعد شوي يرجع يسكر ويصير 5 سم وطبعا اتعذبت كتير وبسبب هالشي كانو 3 مرات حيودوني على غرفة العمليات عشان اولد قيصري لاني تعبت كتير وجسمي ماعاد فيه طاقة وطبعا يرجعو يرفضو لان لسه البيبي وضعه منيح ويقولو خلينا نعطيها فرصة عشان تولد طبيعي وفعلا ما ودوني وضليت عمبعاني ووصلت للفجر وصرت اصرخ من التعب وقوة الطلق الصناعي وبردت كتير وصر استفرغ وطبعا ضيقة النفس اثرت علي واختنقت وحطولي اكسجين المهم صرت اصرخ بدي الدكتور ولما اجي صرت اصرخ وابكي واقوله ريحني الله يخليك بأي طريقة انا يولدني ويخلصني او يحولني عملية وطبعا فحصني ولقاني 9 سم وقالي انتظري قربتي وطبعا انا ابدا كنت فاقدة الوعي وصرت اصرخ واقوله ما رح انطر ابدا هلأ بدي اولد وفعلا شاف حالتي وخاف هللشي يأثر عالبيبي وطلب منهم يجهزو السرير للولادة عشان هو يولدني وفعلا صار هو يضغط على بطني ويشد لتحت حتى طلعها وانا بهالوقت كنت حاسة حالي روحي عمتطلع ولما نزلت البنت ارتخى جسمي وحسيت اني كنت ميته وصحيت وطبعا مافيني طاااااااااااااااقة ابدا حتى اني احرك ايدي وكانو اذا بدهم ينقلوني او يحركوني يحملوني الممرضات والحمدلله البنت طلعت الساعة 8 الصبح يوم الجمعه 4-7 بعد معاناة وتعب
هدي ولادتي باختصار شديد وانا كتبتها عشان اخبركم اللي صار معي لانكم عزيزين علي كتير وما بدي اي وحدة تخاف او تتلبك من ولادتها لان بدي اقول شغلة مهمة كتير
ان لا تفكري الولادة بالمكان او الاشخاص سبحان الله الولادة تساهيل وتياسير من ربنا لان بالوقت اللي انا دخلت فيه لغاية ما خلصت في 3 نسوان ولدو جنبي وسبحان الله ربنا ييسرلهم وانا كانت معسرة معي
بس بدي انصحكم خلي الدعاء والقرأن معاكي بكل وقت وكل دقيقة وطبعا ما نسيت حدا منكم ودعيت للجميع
قصة ولادتي ..................
قصة ولادتي ...وقدوم وحبيبي فاروق**
تعالو أقرأو قصة ولادتي ببنتي حبيبتي زهراء
صارت حكاية
( حمودي)
خفت كتيييييييييير ونصحني اني انام علي ظهري وما اتحرك بس بيني وبينكم انا كنت بقوم وبتحرك عشان ما كنت مجهزة شيء كنت فاكرة لسى فاضل شهر المهم فضلت الافرازات كل مرة تزورني والوجع بيجي ويروح بس خفيف وانا الي كنت فاكراه هو وجع الولادة المهم كل مرة اقول لزوجي اليوم اولد ....وما اولد لحتى اجا اليوم المعلوم تعشيت عشاء خفيف ونمت وصحيت 6 الصبح اروح للحمام اعزكم الله واكتشفت ان ماء الراس كله نزل مني ورحت المستشفى واخدت معي الشنطة عاملة حساب الولادة وكمان اخدت معي وصفة كنت شفتها قبل بالمنتدى بتسهل الولادة فيها الينسون والقرفة والكمون والحلبة و....اول ما شافتني المولدة قالتلي حتولدي بالمساء او بالليل عشان الرحم مفتوحة سنتيم واحد بس واداتني حقنة وراحت وبقيت مع الستات وعينكم ما تشوف الا النور شو هالصراخ شربت الوصفة وقعدت شوي وبدا الالم وانا الي كنت فاكراه حاجة بسيطة بس وبعد نص ساعة اجت تاني تراقب الرحم لقاتها عندي 3 س ما شاء الله واخدتني لصالة الولادة وكمان شوي قالتلي ان الرحم مفتوحة 5س بس انا ما كنت بصرخ كل وقت الوجع كنت بدعي اقرا القران واحاول ارخي عضلاتي للالم ما اقاومه حتى اجى وقت الولادة اكيد كان صعب بس اول ما شفت ابني براء نسيت كل شيء والحمد لله كلها 3 ساعات وخلصت الحكاية ورجعت بابني حبيبي براء الله يطولي في عمره ويحفظهولي والحين انا بعتني بنفسي جيدا عشان الخياطة وحاسة بنفسي كويسة عشان امبارح كان السبوع وانا بتمشى وبجلس عادي جدا والحمد لله الحين رايحة ارضع قرة العين ولي عودة ان شاء الله
الروابط المفضلة