السلام عليكم ورحمة الله وبركاته
حياكم اخواتي بعد طول غياب ...واتمنى من العلي القدير تكونوا بألف خير وعافيه ...
والله المكان له وحشه ...
بحمد الله ولدت بالسلامه وجبت احلى شعول (مشعل)
وتو ما صار لي وقت ونفس احكي عن ولادتي وتعبي فيها وكله اجر من رب العالمين ...
في يوم 4/4/2008 الجمعه ظهراً تمت الولاده بألف خير
/
\
/
يوم الأربعاء رحت للموعد بشكل عادي لمتابعة الحمل وطبعاً كمنت مطوفه من موعد الولاده المفترض 3 ايام والعلم عند الله طبعاً..والدكتور هناك عمل لي مع الفحص توسعه وكانت بصراحه بشعه ...لشدة اللآلام الي جاتني بعدها ...المهم طلعت من الموعد وعندي 2 سم توسع للرحم ...فرحت كثير واستبشرت الخير اني راح اولد ان اشاء الله في نفس اليوم بما انه صار 2 سم قلت في نفسي ما يجي آخر الليل الا والولاده يحين وقتها انش اء الله ...
اتاري الافكار هذي خاطئه جداً ..
المهم طلب مني الدكتور اعمل تخطيط وعملنا التخطيط وشافه قام كتب لي على دخول اجباري للولاده لكن ويا للأسف كان بتاريخ 8 ...يعني صدمه لي مابعدها صدمه ...لأني كمان راح اتنيل على عيني وانتظر كمان اسبوع ...حسيت ان البيبي صار مخلل خيار في بطني
المهم
قالوا لي قبل لا اطلع من المستشفى بالموعد انو لو نزل دم او مويات اروح للطوارئ...
ويـــــــــــاه اخواتي ايش الالم الي مسكني بعد الفحص والتوسعه هذيك ...خلاص ..كنت راح اموت من الالم وبصراحه بكيت بكى من التعب ...وياحرام بنت اخوي الصغيره عمرها 3 سنوات شافتني ابكي وصارت تحب ايدي وتوريني ضرسها الي عملوا له حشو انو فيها وجع هي كمان ههههههههههه
المهم ...الدم كان كل ما له ويزيد...وظل ينزل بشكل متواصل ..خفت رحت بالليل للمستشفى عملوا فحص ثـــــــــــــــــاني اعوذ بالله..وقالت لي الدكتوره ..( لا ماما مافي ولاده ..هذا الرحم يتوسع ولسا 2سم) آه يا قلبي من الصبح لحد اللحين 2 سم فقط ..رحت البيت وظليت على هالحاله لحد اليوم الثاني
وكنت اروح واجي واعمل الغدا وعند امي ببيت اهلي والآلام تشتد ..وجا العصر ومافي اي حس ولا خبر لأي ولاده ..قالت امي يالله على السوق..
وظلت تلفلف فيني لحد ما اشتد عليا وجع وانا مروحه ..كانت امي تسألني ...هاه ولاده ؟؟؟ قلت لها وش عرفني اول بيبي ليا يا امي
وصلت البيت ولالآم بزياده تشتد ..رحت الحمام اكرمكم الله ...الا وماي ينزل عليا وفيه دم ...وياسعدي ويا هناي ( ولاده ولاده ) <<فرحانه مو عارفه وش راح يصير..
رحنا للمستشفى .. دخلت وفحصوني وطولوا بالتخطيط ..والله كنت مرعوبه ..بعد هالفحوصات واللألم يقولوا ارجعي البيت وتعالي بكره لسا بدري يا هنانا ... لكن الحمدلله دخلت الولاده وربي جاب لي ممرضه عربيه الله يسامحها ولا اهتمت فيني بالخالص لدرجة انو تركتني 3 ساعات من غير قسطرة بول ...يعني ازمه الله يسامحها وانتوا عارفين انو اذا كانت المثانه مليانه تعيق حركة البيبي في الولاده ويصعب الدفع وتوسع الرحم...بس ربنا انجدني وجاب لي استشاريه رائعه جات بوقتها ..على الساعه 2 ونص الفجر كان لسا الرحم 2سم وشويه وزعلت على الممرضه انو ما اهتمت وفحصتني يجزاها خير وفتحت كيس الماي لأنو الكيس انفتح شوي بس يعني شق بسيط جداُ وهي كملت الله يوفقها ..
بعدها ظل الرحم يفتح ببطئ شديد يعني على الساعه 7 وكان لسا 4 سم ونفسيتي تسوئ واللآلام تشتد والممرضه هذيك مش فالحه الا تقنعني بإبرة الظهر وانا رافضه وامي رافضه وهكذا
جات الساعه 8 ولسا الامر زي ما هوا 4 سم فقط ..
مروا عليا كل شفتات الدكاتره ههههههههههه وانا لسا مبلطه عندهم ..اجا الدكتور الاخير وقال لأمي ..يا والده بنتك تتعذب والرحم بطيئ جداً بعد الساعه 9 اذا ما ما حصل تطور راح نعمل لها ابرة الظهر ولومر الوقت ما فادت راح ندخلها على القيصري مافي مجال ...
انا كنت اتألم كثير واشفط هذاك الاكسجين لحد ما اطلع روحه وروحي تطلع معاه ..عشان يخف الالم ..
كنت خلاص محبطه ...ولو جابوا لي اوقع على عمليتين وقتها مش عمليه وحده كنت راح اوقع ..تعبت من الالم خلاص..
اجت الساعه 9 واجت الدكتوره تفحص ..خلصت وصارت تقولي كم تتوقعي صار الرحم؟؟؟؟ قلت لها مش وقت التوقعات يا دكتوره ...قولي كـــــــــــــــــــــــم؟ قالت 7 سم ...
بعدها ارتحت الحمدلله ..ونسيت اقولكم ..بعد دوام الممرضه هذيك ..جات ممرضه هنديه لكن الشهاده لله طيبه واخلاق ...كنت لما ابكي تقول لي ..لا تبكي ...قولي ياللــــــــــــــه..
وبنا فرجها يا اخواتي ولدت على الساعه 11 ونص..الف حمد وشكر ...
واعذورني على الإطاله وعقبال كل الاخوات وعقبال كل الحوامل ياااااااااااارب يولدوا بالسلامه ان شاء الله..
واخص بالشكر الاخت رحيق الورد ..ما قصرت بالتواصل الله يجزاها خير ويخلي لها الصغيرون والف الحمدلله على سلامتها...
وافر احترامي لكم يا اخوات
الروابط المفضلة