السلام عليكم يا اغلى صبايا
عادة انا بحب اعمل يوم مقالي مو بس بطاطا .. كوسا .. بيتنجان .. قلاية بندوره
يعني هيك شي .. وزوجي دائما دائما بيااااكل كتييير .. وبالاخير بيكرهني هههه
فعشان هيك انا قللتها كتيير .. بس اليوم أجا على بالي فعملت مقالي قليله كلهم في طبق واحد
معلش انا طولت عليكم .. بس حبيت اشركم معي لاني زمااان ما اكلت مقالي ههه
الخضره اللي كانت موجوده عندي
باذنجان
كوسا
فليفله خضرا
فليفله حمرا
لوازم المقالي عندي
لبن .. ثوم .. نعنع مفروم
لدقة الفلفل
فلفل حااااااار
عصير ليمونتين
ثوم مهروس
الطريقه
عادة أنا بقلي الكوسا والبيتنجان
بس المره هاي .. شوحتها شوي بشوية زيت مو كتيير
(طيوووف ولولو مو هون صح ؟؟ هههه)
شويت كل الخضره
هرست سنين ثوم .. وفرمت شوية نعنع وخلطتهم مع اللبن + ملح
في زبديه .. (فخارأطيب)
هرست 3 سنان ثومه + قرنين فلفل حااااااااار
(دقيتهم مع بعض شوي)
وأضفت عليهم عصير الليمون
وهاي المنظر النهائي يا قمرات
ان شاء الله تعجبكم يا صبايا
دمتم بود يا غاليات
الروابط المفضلة