شعار₪طبق متميز₪ ستيــك بصلصــة المشــروم .. لكـن باضافات من عندي
السلام عليكم يا اغلى صبايا
مبارح عملت .. ستيك لحمه .. بصلصة المشرووم .. وحطيت شغلات كتيييره كمان
لان الالهام بيجي وقت الطبيخ هههه
ما راح اكتب المقادير .. لكن راح احكيها في خلال الموضوع
بسم الله
اولا .. قطعتين ستيك .. الكميه لشخصين
غسلتهم .. بماء وخل .. وتبلتهم .. بــ
ملح .. فلف اسود مجرووش .. ملعقتين صويا صوص .. ملعقتين ماسترد
ثوم مطحون .. بصل اذا بدك
هلا اوقات بتبلوها اللحامين .. بس الفلفل على جناب الستيك
وانا ظبطت معي مره .. لاني حطيت الستيك في الثلاجه قبل بيوم بس المره هاي ما ظبطت
لاني الصراحه نسيت اتبلها قبل بيوم ههههه
المفرووض يتبل قبل بوقت منيح ..بس انا حطيته في الثلاجه لمدة 2 ساعتين بس
خضره مقطعه لشرائح
جزر .. كوسا .. كرفس .. بصل .. فليفله
في قدر على النار نحط ملعقة زيت
نحميها ونحط الخضره ... تتقلب لمدة 5 دقائق فقط
عشان تحافظ على الفيتامينات اللي فيها .. والوانها ماتروح
نرفعها على جنب .. ما ننسى الملح والبهار
بنفس القدر .. نحط معلقتين زبده .. او اذا حبيتو زيت
(بس في تنتين بفئسووا البنات هون هههه)
ههه انا حطيت زبده .. نقلب فيها كوب مشروم .. بعدين نضيفلها ملعقتين طحين
نقلبهم مع بعض .. وبعدين نرفعهم عن النار
في نفس القدر (لاخر مره ههههه) نحط زيت او زبده اللي بدكم اياه
انا حطيت ملعقتين زبده (اطيب يا لولو ههه وطيووف ما بدنا فئس هون هههه)
وحطيت معهم الستيك قلبتهم شوي لحد ما اختلف لونهم شوي
اضفت المشرووم مع الطحين .. وقلبتهم مع بعض
(ممكن صوص المشروم تنعمل لحالها وتنحط على جنب الطبق .. لكني بآخر لحظه قرر احطها مع الستيك)
ضفت ملعقتين ماسترد .. لانها بتعطي طعمه حادقه شوي وطييبه
اضفت نصف كوب ماء .. وربع كوب حليب او كريمه .. وقلبتهم منيح مع بعض
وسكرت عليهم .. وخليتهم على نار هاديه .. لمدة نصف ساعه .. لحد ما اشعر ان الستيك استوت
مع التحريك كل فتره وفتره
عملت بطاطا بيوريه .. سلقت حبة بطاطا كبيره ..
وهرستها مع ملعقة زبده .. ملح .. ربع كوب حليب .. ثوم مطحوونه سن واحد بكفي
ولاني بحب طعمة الروزماري .. حطيت ملعقة صغيره كمان
لما استوت الستيك .. نقلتها الى طبق التقديم .. مع صلصة المشرووم فوقها
والخضره المشكله.. والبطاطا البيوريه
أنا حطيت البطاطا في كيس الحلواني .. وشكلته زي موج البحر على الطبق
وطلعت رااااااااااااااائعه .. ههه رنددد انا يمكن ما بآآكل اللحمه .. لكن جوزي حكالي
انها طالعه بتجنن .. والريحه كانت فايحه في البيت
انا اكلت الخضره مع البطاطا .. وحطيت عليهم صلصة مشروم هههههه
وهاي اكتر من صحن .. لاحلى الردود يا قمراااااااااااااااات
ان شاء الله يعجبكم يا صبايا
والسلام عليكم ورحمة الله وبركاته
ما تنسووني من الدعاء
اعذروني لغيابي 
*
*
رد مع الاستدلال
الروابط المفضلة