يخنة الملفوف بطريقة غير...طبق يميمي..من مطبخي و((بالصورة))
السلام عليكم يا بنات..
طبق اليوم هو بصراحة طبق رئيسي في تشيكيا وبولندا
ولكن بالنسبة للمطبخ و((الكرش)) العربي فهو طبق جانبي..
ممكن لو جنبه رز يصير طبق رئيسي بس أنا بحب الأكل على أصوله وهم بياكلوه جبنه خبز افرنجي محمر... ولا نقدرأن نسميه شوربه لأن...هلق بتشوفوا لحالكم وبتعرفوا ..
المقادير
ملفوفة (الافضل يلي لونها مايل على خضار..يعني الجديدة قبل ما تصير بيضاء)
رزمة شبت مفروم
3 فص ثوم مقطع
صلصة رب البندورة (طماطم)
م ك سكر (لا ترتعبوا..هذا سر النكهة )
رزمة بصل أخضر مقطع دوائر (مع العرق الأخضر)
3 م ك خل أبيض
قطعة دجاج مدخنة..وتقدري تستعملي اي لحم مدخن لننا نريد أن نعطي الطبق نكهة المدخن..ممكن تحطي شرائح الديك الرومي المدخنة أيضاً- تجدينها نفس المكان يلي يبيعوا فيه المرتديلا- أو حتى النقانق المدخنة
2 م ك طحين
ملح
بهار اسود
الطريقة
نقطع الملفوفة بكاملها بعرض شوي اقل من عرض الإصبع، نضعها في الطنجرة ونضع ماء مغلي إلى نصفها..حتلاحظي ان الملفوف بيذبل وبيصير أقل بكتير بعد ما يبدأ بالغليان بوقت قليل..
نضع فوقه كل المقادير ما عدا الخل ونتركهم يغلوا مدة نصف ساعة على نار هادئة..
نضيف الخل ثم نذوب الطحين بنصف كوب ماء ونضيفهم فوق الطبخة ونتركهم 5 دقائق..
ملاحظة: الطعم لازم يكون شوي حامض وهم يضعوا بهار أسود كتير..
وهذه صورة الطبق
تؤكل مع الخبز الإفرنجي او الفرنسي المحمر بالفرن
عوافي على قلوبكم ..
ولا تنسوا تدعولي!!!
رد مع الاستدلال
كتبت بواسطة أم نورBH
الروابط المفضلة