وصفة جدتي اللي زي القشطه
سلام ياحلوين
جدتي الله يرحمها ويغمد روحها في الجنه بيضا زي القشطه
وماشالله مخلفه 11 وبطنها ما فيه خدشه
لما شافت بطني بعد ماولدت اول بنوته لي انصدمت كلف وتشققات بشعه
وقالت لي ان هذا نتيجة الكريمات الكيماويه وطبيعة التغذيه و و و و---------
فنصحتني بالتالي
الاستحمام يكون بصابون الغار المبشور+2ملعقه سدر مطحون
تاخذين كميه تكفي حمامك تخلطينهم مع بعض زين وتفركين فيهم بليفه خشنه بعدين تغسلينهم وترجعين تفركين مره ثانيه
تقريبا مثل طريقة الحمام المغربي
بعدها تدهنين جسمك بأي زيت(لوز حلو او مر او سمسم اوزيت زيتون او اي مرطب)
الوصفه الثانيه
وهي 2ملعقه ليمون+2ملعقه زيت سمسم+2ملعقه فازلين
تخلطينهم وتوضع فترة النوم او اهم شي ما تقل عن ساعتين
والله يابنات انها لما كانت متنومه بالمستشفى (الله يرحمها)الممرضات منهبلين عليها وانا جلست ادور العلامه الفارقه بين الفخذ والساق(الركبه)ما لقيتها كلها قطعه وحده
ادعولها بالرحمه هي شمعتنا ونورنا الله يرحما ويسكنها فسيح جناته
رد مع الاستدلال
الروابط المفضلة