شعار ♥موضوع متميز♥ كيك ,بسكويت ,مهلبيه بمناسبه الشعار الرائع و كله بالصور

[سائله الرحمن]

السلام عليكم

بمناسبه انى اتشرفت و حصلت على شعار رائع جديد من قسم الامومه و الطفوله فاسمحولى انى اقدم حاجات بسيطه

بالمناسبه دى و خصوصا لاخواتى المشرفات لما يبذلونه من جهد

و للانسه ايمى بنتى اللى هى السبب فى حصولى على الشعار الجميل

نشوف الصور الاول

[سائله الرحمن]

هانبدا بالاول شوفوا دى الحاجه اللى بتتعبنى ليه بقى اقولكم

صحيح انا مش خبيره فى الحلويات لكن الحمد لله يمشى حالى الحاجه اللى مش بتيجى معايه كويس هى كيكه

الشكولاته مع انى بعمل براونيز شكولاته روعه لكن الاكيكه ابدا مش بتعجبنى المهم الكيكه دى عملتها قلت يمكن

تيجى المره دى صحيح طلعت حلوه و هشه و طعمها رائع لكن مفروله يعنى بتفك قلت اعملبيها ايه نعمل كوى

شكولاته بعد ما قسمتها و اخدت الجزء اللى فوق فرولته كمان بيدى و حطيت عليه 3 م\ك عسل نحل + ربع كوب

صوص كراميل و ممكن الاستغناء عنه بس تحطر مربى علشان الكور تمسك فى بعض و نفركه باطراف اليد و

نكوره لكن مانطغطش عليه قوى يعنى ما نكبسهوش علشان مايبقاش تقيل فى اكله و بعدين كمان لما نحطه فى

التلاجه هايمسك اكتر و بعدين نصب على الكور شكولاته سايله قصدى احنا سيحناها و ممكن نزينها بالبندق

المجروش و نحطها فى التلاجه

الجزء التانى اللى تحت قطعته بقطاعات ا حشيت منه بالكريمه و زينته بقلب بنفس القطاعه بالشكولاته الامتسيحه

و حطيتها على ورق زبده لغايه ما قربت تمسك قوى قطعتها و زينتها كده

مقادير الكيكه على فكره تنفع فى قوالب صغيره

3\4 كوب زبده طريه +كوب و نصف سكر +2كوب و نص دقيق منخول +كوب ماء بارد من التلاجه + 3 بيضات

مفصول و البياض مضروب كويس + نص كوب كاكاو بودره +كيس فانيليا او مدص _ 3م\ص بكنج بودر

نخلط الزبده الطريه مع الاكاكاو كويس و بعدين نضيف السكر و بالمضرب الكهربائى نخلط لغايه ما يصبح هش و

زى الكريمه و نضيف الفانيليا ثم الصفار 3 بيضات و نضرب ثم نضع شويه دقيق المخلوط بالبكنج بودر و نخفق

وشويه الميه البارده نحطهم بالتناوب لغايه مانخلصهم و نقلب كويس بالمعلقه و نضيف البياض و نقلب بهدوء و

بعدين نحطهم فى صنيه مدهونه و مبطنه بالدقيق و ندخلها فرن حار لمده 45 دقيقه

[سائله الرحمن]

[سائله الرحمن]

الحلو التانى السويسرول عباره عن 4 بيض مفصول الصفار عن البياض و البياض مضروب معاه نقطتين خل

و 3\4 كوب سكر مع الصفار و 2م\ك ميه و مضربين مع بعض و نضيف عليهم كوب الا م\ك دقيق بالتناوب مع

البياض لغايه ما نخلطهم كويس مع بعض و نحطهم فى صنيه الفرن اللى عليها ورق زبده و ندخله فرن ساخن 200

درجه 10 دقايق او لما تلاقيه استوى و بعد ما نخرجه و يبرد نحشيه مربو فراوله اوتوت و نقسمه علشان يبقى

عندنا 2 اسطوانه سويسرول و بعدين نجى للحشو

كوب عصير فراوله مركز يعنى نجيب الفراوله و نعملها فى الخلاط + كوب زبادى نص كوب سكر +م\ك جيلاتين مدوب فى ميه انا استخدمت الورق نص واحده دوبتها شويه وبعدين على النار لغايه ما ساحت +ربع كوب عصير برتقال +كوب قشطه سايله +م\ص عصير ليمون

نخلطهم كلهم مع بعض وادى الصور

[سائله الرحمن]

[سائله الرحمن]

التالت كيكه الفراوله

كوب زبده + كوب سكر نخلطهم مع بعض ثم نضيف 4 بيض + كيس فانيليا و نخلط بالمضرب الكهربائى

ثم كوب عصير فراوله و نخلط ثم نص كوب قشطه سايله + 2 كوب دقيقمنخول و مخلوط معاه 2 م\ص بكنج بودر +

م\ك نشا و نقلب كويس و ندخلها فرن حار لغايه ما تستوى لما تطلع و تبرد نضيف الصوص ده و هوا بارد نص

كوب عصير فراوله + نص كوب قشطه + 3م\ك جبنه فيلادلفيا اوكيرى و بس

[سائله الرحمن]

البسكويت مقاديره

300 جرام دقيق+ 200 جرام زبده جامده و متقطعه +م\ك بش برتقال +صفار بيضه +كيس فانيليا +140

جرام سكر +

نضع السكر مع الزبده و بشر البرتقال و الفانيليا و ندعك و نحط الصفار و بعدين الدقيق و ندعك و نلفه فى ورق شفاف و نحطها فى التلاجه ساعتين و بعدين على الطاولهنرش دقيق و نفرد العجينه بالنشابه و نقطعهاباى شكل عايزينه و ندخله فرن 160 درجه بارد يعنى واحنا بنحط البسكويت علشان نخبزه نشغل ساعتها الفرن علشان البسكويت ما ينفش ماشى لمده 20: 25 دقيقه

و لما نطلعه و يبرد ممكن فى النص نحط شكولاته و او اى تزيين

[سائله الرحمن]

المهلبيه كنت نزلتها هنا قبل كده و كمان محشيه بالبسكويت و كمان بالنسكافيه

بس المره دى عملت طبقه بيضا و بسكويت و طبقه بالنسكافيه و بسكويت و طبقه بيضا و هكذا

وادى الرابط

http://www.lakii.com/vb/showthread.php?t=229576

[om zoome]

ماشالله ماشالله الله يعطيك الف عافيه اختي وانشالله راح نجربهم

[ام صائب]

قمة في الروعة سائلة الرحمن
مميزة ما شاء الله
حلى بيشهي
وأكثر شي اعجبني السويس رول فعلا مميزة

وتسلم ايدك على جميع الأطباق الرائعة