هدرزة ليبية حقانية الشاهي باللوز والكاكاوية

**بنت_بلادي** · 22-04-2007, 03:03 AM

السلام عليكم ورحمة الله وبركاته

بالله تعالو هدرزو

**بنت_بلادي** · 22-04-2007, 03:20 AM

السلام عليكم

خمسة اسئلة انشطو وجاوبوها

شرط في الاجابة انها تكون للاسئلة الخمسة
وتكون الاجابة كاملة بالله

يعنى زي ماهو مطلوب مش كلمة وقص

كم من السنين مكث أهل الكهف نياما؟مع ذكر دليل قرآني ؟

ما اسم المرأة التى لم تولد كبقية النساء؟مع الدليل؟

ما رقم اطول اية فى القرآن الكريم وما اسم سورتها ؟ أذكريها ؟

من هو اول من هاجر الى الحبشة من المسلمين؟ ااكتبي نبذة تعريفية ة عنه؟

من هى المرأة التى تزوجت بأربعة من اصحاب النبى وماتوا شهداء؟ اكتبي نبذة عنها ؟

وكانكم معدلتوش تعرفو شن بندير

بنحط لكم اسئلة ثانية

**بنت_بلادي** · 22-04-2007, 03:26 AM

واليوم انخليكم في أمان الله

السلام عليكم

**جنان 92** · 22-04-2007, 04:49 AM

وعليكم السلام ورحمة الله وبركاته
الله يعمر بيتك بالخير
تسلمي حبوبه علي هالدويره ولالالالالالالالالالالالالالالالالالالالالازم نبوها عامره بذكر الله خلي الملائكه تحف هالجمعه
انت المسئوله ياصاحبة الدار الله يوفقك لكل خير قولي امييييييييييييين

**المنـ أم ــذر** · 22-04-2007, 06:21 AM

بارك الله فيك يابنت بلادي على الدويرة
وان شاء الله ديما عامرة
امبكري خشيت خاطري بنهدرز سمعت بسلف رواد
تغششت ...ربي يصبرهم يارب

**فريحة** · 22-04-2007, 10:54 AM

السلام عليكم وصبح الله تعالى يومكم بالخير سوسو الهدية ادللى هلى تبيها من عيونى وبلاش غضب وبشوية على جهازك راه راسك يوجهك هههههههه ام المنذر ربى يخليهم لكى وحلوة فيك عجبتنى من السنفورة نحب البنوتة الشقية . سروركيف حالك .رواد ربى يفرج كربك ولاباس عليه . جنان هلا ومرحب كيف حالك .بنت بلادى كيف حالك ومبروك عليك الدويرة الجديدة وجبت معى حلوى تفضلوا [IMG]http://www.banaat.com/image/710032.JPG[/IMG
وتوا نجاوب على اسئلتك بس نعمل جولة فى القوقل غش عينى عينك ههههههه. والحمل الحمد لله امس كنت عند الدكتور زيادة فى الوزن وانا رشيقة من قبل وشوفى الزيادة 2كيلو مع انى فترة شهرين لم ازد غرام واحد والدكتور استغرب والحمدلله الضغط تعدل امس ولكن حدث مالم اكن اتوقعه وهو ان المشيمة نازلة وانا فى اواخر السادس وقالت لى اختى تسبب فى ولادة مبكرة او عملية قيصرية المهم اوصنى بالراحة التامة وربى يستر توا قاعدة فى بيت اهلى وننزل على مس ليبيا تقديم خدمات اه ندلعوا شوية هبله ولقت سبله مش هكى يقولوا ههههههه. والحمد لله على كل حال

**اشجان الحياة** · 22-04-2007, 03:22 PM

السلام عليكم
مبروك الدويرة الجديدة وسلمها بنت بلادى الفالحة يلا عاد انشطو وهدرزوا
ام المنذر وجنان شن حالكم ياجماعة كندا
فريحة صحيتى وان شاء الله لا باس عليك ينى مس ليبيا اختك

تحياتى

**بنت_بلادي** · 22-04-2007, 03:52 PM

السلام عليكم

كيفكم اليوم يا بنات كلكم

ان شاء الله بخير

رواد والله وجعنى سلفك
الله يتقبله برحمته

إن لله ما أخذ وله ماأعطى وكل شيء عنده بأجل مسمى فلتصبري ولتحتسبي

أعظم الله أجرك وأحسن عزاءك وغفر لميتك

**بنت_بلادي** · 22-04-2007, 04:06 PM

يا بنات

شفت هالموضوع قلت خلي نكتب لكم منه

احيانا بالليل الوحدة مننا مايجيهاش النوم
وتقعد تتقلب مرة يمين ومرة يسار

واحيانا من النوم اتفيقي وتقعدى تتململي

ويكون عندك نية تبي ترقدى لكن مافيش كيف

القيت لكم الحل وساهل وماياخدش منكم وقتت

لما تتقلبي في الليل من جنب لجنب قولي يا حبيبا
(( لا إله إلا الله الواحد القهار
رب السموات والأرض ومابينهما العزيز الغفار ))

ومرات اتفيقي من النوم مفزوعة وخايفة
وقلبك بيطلع من ضلوعك
ومش قادرة تلمي روحك
قولي يا للة
((أعوذ بكلمات الله التامات
من غضبه وعقابه وشر عباده
ومن همزات الشياطين وأن يحضرون ))

ومرات والعياذ بالله اتشوفي احلام اعوذ بالله منها
وتقولي الحمد لله انها حلم الحمد لله
في حاجات ساهلة اديريها

اولا انفثي عن يسارك ثلاثا

ثانيا استعيذي بالله من الشيطان ومن شر ما رأيتى

ثالثا لا تحدثي بها احد

رابعا تحولي عن جنبك الذي كنتى عليه

خامسا قومى وصلي ان اردت ذلك

**اشجان الحياة** · 22-04-2007, 04:12 PM

بنت بلادى شن حالك
بارك الله فيك على الموضوع الجميل
تحياتى

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: هدرزة ليبية حقانية الشاهي باللوز والكاكاوية

أدوات الموضوع

العرض