ღ♥ღ ترتيب وتزيين جهاز او دبش عروسه لك ِ2007 ღ♥ღ

[Rana363]

[]

[/

ترتيب وتزيين جهاز عروسه لكِ2007

كل عروسه شايلة هم ..ترتيب(( الذهبة أو الجهاز أو الدّبش )) في عش الزوجية

تعالي معاي ..وبشويه أفكاااااااااار ونرتب أغراضك مع بعض ..

طبعا الأغراض تروح لبيت العروس قبل الزواج بأيام قليلة يعني من خمسة إلى ثلاثة أياااااااام عادة ..

وفي بعض العائلات يسووونها كإحتفال يجتمع اخوات العروسه وخالاتها وعماتها وينقلوا الجهاز لبيت الزوجيه ويستقبلهم هناك اهل العريس لذا لازم كل شئ يكون مميز لان كل شئ بيكون تحت الانظار ...

وبعضهم يمشونها عادي ..

المهم .. حبيت أساعد الأخوات ..وأعطيهم بعض الأفكااااااااااار في ترتيب الجهاز

نبدأ بسم الله ..

اولا

نروح محل الخياطةنشتري شوية ورود وشرايط وأكياس الأورجنزا الجاهزة بعدة أحجااااااام

+ محلات ابوريالين نشتري منها ..شموع وعلب وسلال ..وورود مجففة

+ مكتبة(بطاقات وأشرطة وجلاد بنوعين الفاخر والعادي )...

ولا ترمين أي شيء من العلب اللي تشترين أغراضك فيهاااا

نبدأ

سجاجيد الصلاه

نشتري سجادة صلاة وشرشفها أو شيلة الصلاة ..بلونين متناسقين 00 او تشتري اطقم سجاده الصلاه وشرشفها

بالنسبه للشرشف الي تستخدميه جمعه مع السجاده وممكن كتاب الأذكار مع المسواك .ونجمعهم كلهم في علبة ..ونغلف العلبة بالجلاد الفاخر لأنه بيستخدم لفترة طويلة بإذن الله ..مثل الصورة التالية ..

بالنسبه لسجاجيد وشراشف الضيوف

بامكانك وضعها في مثل هذه الصناديق

]

[Rana363]

الملابس

ثاني شيء ..نروح للمحلات اللي فيها أدوات التخزين والعلاقات والعلب الخاصة بالدوليب

ونشتري طقم كامل من الأدوات ..مثل ..

ونبددأ نعلق الملابس بأنواعها ..

وطبعاا حلو لو نستخدم مثل هاذي العلاقات ..

ممكن نعلقها وومكن نطبقهااو نغلفها بأكياس شفافة علشان نحتفظ بترتيبها وريحتها المعطرة ..
وهاذي بأكياس الأورجنزا

وهاذي بدون كيس ممكن تربطيها بشريطه فقط

للملابس الداخلية

طبعا بيكون عندنا نوعين ..

النوع الفخم والأطقم ...والنوع العادي اليومي

النوع الفخم حطيه بأكياس أورجنزااا ...أو أكياس خاصة يبيعونها في محلات الملابس الداخلية ..

وشوفي معااااااااااااي

واشتري للنوع العادي من الملابس الداخلية هذي العلب ..

وشوفي الأفكاااااااار

[center]

قمصان النوم

طبعا حلو تغليفهااا للإبتعاد عن أعين الفضوليييين ..

ممكن نغلفها بكراتينها وممكن بأكياس أورجنزا وممكن بأكياس خاصة نخيطها

وبامكانك غسلها بداخل الكيس علشان تحافظي على قمصان النوم رقيقه وماتتشابك مع الغسيل

[Rana363]

العباءات
من نفس الأكياس السابقة ..نشتري كم كيس أسود متوسط الحجم تراه متوفر في محلات الخياطة ..وممكن نزينها بالورود والكلف او أي شيء تحبينه ..

ونحفظ فيها العبايات ..ونحطها كلها في صندوق ونزين

الصندوق إذا حبيتوا

والحين نوزع أكياس الورود المجففة في كل مكااااااااان

يعني في ادراج الملابس الداخلية ..وأدراج التسريحة والحمااااااااام أعزكم الله ..وخذوا الأنواع اللي تتعلق وعلقوها في علاقات الملابس وشوفوا هالأفكار من الأكياس ..

[Rana363]

أفكار وعلب لحفظ المجوهرات

المكياااااااااج

طبعا أنا من النوع الي احب يكون المكياااااااج في شنط صغيرة مثل المقلمة ..وسهلة النقل من الغرفة للحمام أو شنطة السفر حتى ..

[/center]

العطور
العطور العربية خذي لها الزجاجات اللي مثل الكريستال ..على فكرة هي رخيصة جداا في حدود الريالين أو ثلاث ..وفي منها كريستال عند محلات العطور

ولا تنسين المبخره ..

وممكن تلبسيها بالدانتيل

شوفي بعض الأفكاااار لسلال وصواني للعطوووور ..أو أي شيء ثاني تبغينه ..

[Rana363]

أفكااااااااااار لتنسيق الأحذية كرمكم الله

شوفوا معااااااااااي الأفكااااااااااااااااااااار...

لو تحصلون مثل هذي العلب ..يكون عز الطلب ..

أو ممكن اكياس خاصة

أو ممكن نغلف علب الأحذية بدون الحاجة لشراء علب خاصة

[/

ترتيب الشباصات ( البكل وربطات الشعر والأكسسوارات )

وممكن تجمعينهم جميعا في علب متشابهة ..وتنسقينها بهذا الشكل ..على شكل طبقات ..

وطبعا يا عرايس ..خلو العلب قابلة للفتح ..يعني تغلفين العلبة بروحها والغطاء بروحة ..علشان تستخدمينه دايما وتكون الأغراض مرتبة ..على طول ..مو أول شهر وخلاص ..

[Rana363]

المناشف

شوفواالصور بطرق بسيطة وبألوان هادية صار راقية ..وشوية تطريز وشرايط صارت روعة ..

وشوفوا الحركات هذي ..مناشف على شكل كيكات ..مع طقم الإستحماام

ادوات الحمام

والحين كيف تنسقين أدوات الإستحمااااااااااااااام في الحمااااااااااااااااام أكرمكم الله ..

طبعا االصابون والشامبو وجل الإستحمام والرغوة .و و و و وو إلخ ..

والحين نروح للأدوات الإستحمااااااام ولو ما تبغين تحطينها في سلة او صندوق مثل ما سبق ..

شوفي الأفكاااااااار هاذي ..

هذا ملح الجسم ..ممكن بشوية شرايط تزينه وممكن تكتبين على البطاقات كلمات حلوة ..

مثلا حمام الهنا ..

حركات لتغليف الصابون ..

طبعا حاولي تكون مغلفة بكيس شفاف أو نايلون اللي نغطي فيه الأكل ..علشان الريحة ما تروح ..

كرات الصابون ..

[Rana363]

مفارش السرير

ممكن ترتيبها بهذا الشكل وتربطيها بشريطه كبيره وبعدين ترتيبها بالدلاوب

أو تضيعها بكيس قماش كبير ..

وبما ان اغلب اطقم المفارش تأتي بشنط خشب كبيره اتركيها فيها وزينى الشنطه من الخارج

لاتنسين تاخذين لك تلبيسة للمحارم الورقية وتلبسية للزبالة أعزكم الله ويكون مناسب للغرفة ....وإذا لقيتوا شيء جاهز خير وبركة ..

التسريحه

[/center]

[center]

وممكن تحطين على التسريحة شموع

ولو كانت كبيرة أحلى وأحسن ..

او صندوق خشبي مناسب للتسريحة ..وامليها باللبان ومعطرات الفم

[center]

وهذه لترتيب درج التسريحه من الداخل

وهذه للوازم الخياطه

[Rana363]

الان بعد ما رتبتى اغراضك وزينتيها جهزيها لتذهب لبيت الزوجيه

الصناديق والاغراض الكبيره اتركيها لوحدها وجمعي ملابسك وضعيها في حقائبك

وباقي اغراضك اشترى صناديق باحجام مختلفه ويفضل ان يكون لونها مناسب للشنط

الان زينى الحقائب والصناديق كلها بالشرائط والورد او الفراشات او بالتل زي ماتحبيى

هذه الصوره قد توضح لك الفكره [/ce

nter]

[center]بامكانك عمل باقات صغيره من الورد وتركيبها على اغراضك وبعدين استفيدي منها في تزين منزلك

وهكذا يذهب جهازك باحلى حله مستقبلينه اهل العريس بالذغاريد

شكرا لحن القمر

[خزامى المدينة]

احلى شيء اني اول وحدة رديت عليك
الله على الحركات يارنو اشياء تجننننننننننننننننننننننننن
ان شاء الله باعملها ..
بس لوازم الخياطة صندوقها مررررررة حلو من وين لقيتيه؟؟؟؟؟؟؟؟؟؟؟؟؟؟؟؟؟؟؟؟؟؟؟

[ba7r_elshagn]

تحفة تحفة تحفة
بجد سانفض الكثير منها عند الزواج
جزاكى الله خيراا

[hmama]

ربي يخليك لينا على هذا المجهود الكبير و الذوق الرفيع .........

[Rana363]

شكرا لكم خواتي على المرور الرائع وعقبال كل البنات

[nanavvvv]

مشكوره اختى على هذه الافكار التى سوف استفيد منها لاختى العروس وجزاكى الله خيرا .

[دانة جدة]

حركات رااااااااااااااائعة رنو

مجهود راائع راائع راائع

جزاك الله كل خير وسعادة

الله يسعدك يارب

[Rana363]

مشكوره اختى على هذه الافكار التى سوف استفيد منها لاختى العروس وجزاكى الله خيرا .

الف مبروك حبيبتى فرح اختك واهلا بك معانا

حركات رااااااااااااااائعة رنو

مجهود راائع راائع راائع

جزاك الله كل خير وسعادة

الله يسعدك يارب

اهلين دندون منوره ياعسل شفتى الحركات عقبال ما اسويها في فرح اختى يارب