تويت
* متميز* مخلل ليمون عيون بيتاكل على طول --بالصور--
مسى الفل
هسه ما تقولوا البنت خلصت من حمله التسمين لا هذه هيك استراحه خفيفه ههههههههه لانه في بالي اشياء وحلويات واطباق كثيره بس بدها تطبيق هههههههه
هسه نيجي لمخلل اليوم
وهو مخلل ليمون عيون لانه في مخلل ليمون اجنحه ههههه يعني علي الاسامي
بس هذا اطيب وما بصير طري لا طعمه طيب لانه لو قطعناه جوانح يعني قطعنا الليمون الى ارباع رح يطرى بسرعه
ورح يعجب ابو الشباب على لاخر
نيجي للمقادير
ليمون قد ما بدك بس يكون هيك كبير حجم عائلي ومغسول مليح
ملح
ماء
وثوم -- حسب الرغبه ويمكن الاستغناء عنه -- انا مرات بحطه ومرات لا
وبرطمان
هسه قطعي الليمون الى عيون حلقات وكلهن بنفس الحجم يعني اما الكل رقيق او الكل تخين علشان يستوي كله مع بعضه
نقطع طرف الليمونه من فوق وتحت هيك
ويرص بشكل مرتب في برطمان حطي الحلقات على الطرف
هيك بيكون شكلهن وممن تضيفي الثوم بس حبتين
وبعدها نعبيها ماء لكل كوب ماء ملعقه كبيره ملح ونحركي الملح مليح ويصب في البرطمان
ويترك اسبوع وذوقيه وشوفي الطعمممممممم -- انا مش متذكره بالزبط قعده اسوبع الى 9 ايام
وهي الشكل النهائي
وصحتين وعافيه على قلوبكم انتوا وعائلتكم
منتظرين منك طبق للاطباق الرئيسيه 
تعليق