تعالو نتخلص من شعر الجسم وللابد

[رنا3]

جايبالكم وصفه جناااااااااان تقلل نمو شعر الجسم ومرتين وتلاقيه اختفى نهائيا
هاحكيلكم الحكايه برضه
طبعا كلنا بنضايق من الشعر اللى فى الجسم وطبعا انا ماسكتش فضلت اسأل لغاية مالحمد لله لاقيت الحل واحده كوافيره قالتلى عنها وجربتها لكذا عروسه ولنفسها كمان
و علشان خاطر عيونكم هاكتب الوصفه :-
طبعا هى طريقة الحلاوه التقليديه بس عليها شوية اضافات (دى بقى اللى بتقلل الشعر وتمنع ظهوره )
كوب ماء
كوب سكر
من العطار تجيبى حاجه اسمها فسوخ بمقدار حبة البندق
مستكه مطحونه بمقدار ربع ملعقة شاى
3 معالق شابه مطحونه+ نصف ليمونه
كل المقادير دى حطيها على النار وافضلى قللبى قللبى قللبى زى مابتتعمل الحلاوه بالظبط
وبس شيلى الشعر عادى وهاتشوفى ازاى الشعر قل من اول مره واذا لاقيتى طلع مره تانيه بعد فتره قصيره اعمليه تانى بنفس الوصفه
انا عن نفسى عملته اول مره وبعد شهر ونصف طلع تانى ده لأنى مشعره جدا فعملت الوصفه تانى وشيلت الشعر ودلوقتى بقاله تقريبا 6 شهور مش شايفاله اى أثر رحت للكوافيره قالتلى هو بيغيب اوى لمايبدأ يطلع وممكن يقعد سنه مايظهرش خالص وأذا ظهربعد السنه اعمليه تانى وهايقعد سنه وهكذا وفى مره مش هتلاقيه خالص
خلص موضوعى اى استفسار او سؤال انا موجوده

[*مسلمه*]

مشكوره على تعبك فى نقله مع انه مكرر للمره المش عارفه كام

[shosho271]

وصفه هايله تسلم ايديك انا سمعت عنها كتير ونفسي اجربها بس عايزة اعرف هي ممكن اعملها بعسل اسود بدل السكر؟ ياريت تجاوبيني

[Lojain]

مشكورة اختي على الطريقة و لو انها مطروحة من قبل
بانتظار جديدك

[walaa1]

وصفه جميله وسهله انشاء الله هجربها الله يعطيك العافيه

[Wasola]

machkora ya 9amar

[totafinearts]

والله سمعت عنها اكتر من مره
شكرا ليكي

[توت ورمان]

شكراً لك.....

[مشتاقة لبلادي]

ايه هو الفسوخ يا جماعه
ولو حد يعرف اسمه بالانجليزي يا ريت يقولي
وجزاكي الله كل خير انا اول مره اسمع عنها

[mayoya2828]

أنا لقيت الفسوخ ده عند العطار
بس قاللى ده بتاع البخور يا ترى هو هوا ولا حاجة تانية
ارجو الرد