شعار ♥موضوع متميز♥ الحل لمشكلة هبوط وسط الكيكة الإسفنجية
الحل لمشكلة هبوط وسط الكيكة الإسفنجية
السلام عليكمكنت دايماً أعمل الكيكة الإسفنجية (كنت أستخدم طريقة الأخت دردشة)بالرغم من اتباعى للوصفة تمااااااااااام الا انها كانت تهبط من النص وتصبح مقعرة بالرغم من انها كانت تنتفش لتتعدى حواف الصينية بحوالى 2ونصف سم (طبعاً الحواف كانت مبطنة بورق الزبدة) لكن هبوطها من النص كان مضايقنى بالرغم من انى استطيع تقسيمها لثلاث طبقات كويسة لكن كنت بزعل جداًلما تهبط خصوصاً الشكل المقعر
المهم اخر مرة عملتها جربت فكرة وطلعت تماااااااااام ولا هبطت ولا فتفوتة
الطريقة:أول ماتطلعيها من الفرن اقلبيها على فوطة مندية(مش مبلولة طرية بس)واتركيها ربع ساعة واقلبيهاههتفاجئى انها ماهبطتش ولا ملللى ان شاء الله
بس لازم فى هذه الحالة ان الكيكة متكونشى متعدية الحواف يعنى اما تستخدمى صينية حوافها عالية او تعملى البيض دون فصل لأن الفصل طبعأ بيدى انتفاش اكتربس والله بدون فصل أريح وتطلع نتيجة مقاربة جداً
المقادير
كوب دقيق عادى (ولو دقيق كيك استخدمى كوب وتلت واستغنى عن النشا)
تلت كوب نشا
كوب سكر بودرة
6بيض كبير
فانليا (انا استخدمت 4 اكياس من اللى انتو شايفينها الكيس واحد جم بس هى مش خام يعنى مخلوطة بسكر لو خام استخدمى اقل او حسب خبرتك بحيث ماتبين زفارة البيض)
الطريقة
اضربى البيض مه السكر والفانيليا لمدة 10 الى 15 دقيقة (الصورة الأولى فى المشاركة 19اثناء ال5 دقائق الأولى من الضرب والثانية بعد 10 دقائق والثالثة بعد 15 دقيقة)
الدقيق لازم تنخليه مرتين قبل استعماله ثم تنخليه مرة ثالثة عند اضافته الى العجينه ولكنننننننننننننننننننننن
تنبيه هاااااااااااااام جداااااااااااااااااااااااااا
لماتضيفى الدقيق للعجينة ضيفى معلقة معلقة الصورة الأولى فى المشاركة 20 وتضيفيها فوق العجينة بالمنخل او مصفاية الشاى وتحاولى توزعيها على سطح العجينة كله لأن العجينة تقيلة واذا أضفتى كمية كبيرة من الدقيق ستتكون عندك كتل صغيرة من القيق داخل العجينة لكن اذا حسيتى انها عملت كده او لزيادة الإطمئنان بعد ماتخلصى اضافة الدقيق كله اديها ضربة بالمضرب الطهربى بس كام ثانية لتتأكدى من تداخل كل أجزاء الخليط الصورة التانية بعد ماخلصت
تصبيها فى صينية(انا دهنت جوانب الصينية بالسمن ورشيته دقيق والقاع دهنته سمن وثبت عليه دائرة من ورق الزبدة)
المهممممممممممم
قبل ماتبتدى خطوات العمل تكونى مشغلة الفرن على 140 لأن الشغل لن يتعدى 20 دقيقة 15 البض والسكر و5 اضافة الدقيق وطبعا الصينية تكون مجهزة قبل الكلللل وبالنسبة لمقاسها 22أي ان قطر الصينية 22 سم=9 بوصة
المهم تصبى الخليط فى الصينية وتدخليها الفرن الغاز وليس الكهرباء وتضعيها فى الرف الأوسط وتعلى الحرارة الى 175 درجة مئوية(بالنسبة للفرن الكهرباءبامكانك النظر فى كتيب الدليل لأنى لا أستعمله فلا أعرف عنه الكثير)
تسبيها حوالى 40الى50 دقيقة لحد اما تلا قى ان وجهها أصبح بنفس اللون في الصوره
وعلطول تغطى وجهها بفوطة وتقلبينها رأساً على عقب وتتركيها حوالى 10 الى 15 دقيقة وتعدليها ستجديها ان شاء الله كما فى الصور لو تلاحظوا السطح مستوى تمااااااااااااما
تمرروا اى سكينة رفيعة بين الحافة والكيكة لتنفصل ثم تقلبيها
ننزع ورق الزبد من على الوجه
الطريقة بالخطوات المصوره
ده الصورة النهائية لفيها بكليننج فيل وشلتها فى التلاجة
والباااااااااااااااااااااااااا اااااااااااااقى عليكم
طريقة التزيين على الرابط
بعد ماعالجنا الهبوط إليكم تزيين الكيكة الإسفنجية
اي سؤاااااااااااااااااااااااال أنا معاكم لحد ماتضبط مع الكل ان شاء الله00000
رد مع الاستدلال
مكرر
الروابط المفضلة