السلام عليكم ورحمه الله وبركاته
صباحك ومسائك
إنشالله كله خير اختي
بنسبه للملحق وفكرت انه يكون لشباب
اشجعك عليها بكل معنى الكلمه لانها تحسسهم بأستقلاليتهم اولاً
غير انه مثل كذا راح تلاقين عيالك عندك اقل مشاكل واريح للقلب لانهم
حولك وتعرفين من يخاون من زين ولا شين
يعني تحت متابعه الاهل << شباب الله يصلحهم وعيال الشر كثير الله يكفينا الشر بالهيومين
طبعا من الناحيه النفسيه والتربويه
اما المضمون والشكل
_الافضل يكون مدخل خارجي حتى يحسون براحتهم
_عزك الله حمام من ضمنه لخدمه الملحق
_ واهم شي بوفيه بكونتر صغير عشان يسون الشاهي ولوازمه << لازم يعتمدون على نفسهم جد والله
طبعا انا سويت ملحق بس على الضيق وحسب الامكانيات وفكره ناجحه من جميع النواحي
مافى خسراه على عيالك بشى << عطيتي عمرك منتي خسرانه بملحق على شغل زين
اهم شي خذيها قاعده بحياتك كلها
اذا اشتغلتى اشتغلي شغل مضبوط ولا من الاساس لاتشتغلين
مثال على ذالك
انا ابي تلفزيون 30 بوصه وقيمته 1800ريال
ومعاي مبلغ 750ريال << ما اقول لنفسى اشتري تلفزوين 25 بوصه امشى حالى فيه لين الله يسهلي
كذا هدر للماده اولاً
وهدر طاقه منك ومعنويات
لان تلفزوين 25 بوصه بعد مايمشي حالك ويتوفر المبلغ يكون ابو 30 بوصه
صار مو شي وموديل قديم مامنه فايده
فإبدئي صح من الاول
_وحددي اهدافك<< شنو فى راسك واحلامك هنا تكون اهدافك
_ وتابعي تحقيقها<< لاتشتتين افكارك بعد تحديد الهدف لان هذا يضيع الفكره
_ وإنجاز المهمه << لان الله يحب اذا عمل احدكم عملاً فاليتقنه
ملحقي اشتغلت فيه فوق الست شهور
طبعا فى الاساس كان كراج لسياره
وحولته ملحق
مجهودات شخصيه من المسمار الي اكبر شي متواجد فيه
شغل يدي << ماشالله علي ههههههههه
طبعا اول شي بديت بدايه بسيطه فيه رغم تحديد كل نقطه مسبقاً فيه
حتى مكان التلفزيون والكاونتر والجلسه والاكسسوارات
بدايتي فيه وربي تضحك جدا جدا وماكنت متصور إنى بوصل الي هذا المستوى
بس زي ماقولك الافكار والاهداف موجوده مسبقا
صبغت الجدران الكبار لون اصفر غامق متقابلين ولون الجدران الصغار اصفر فاتح
خدعه انه المكان كبير وهو اصلا 4 فى 3 محد يصدق من لون وطريقه تركيبه تحسين انه كبير
وحطيت سرميك
بعدين جبت خشب من المحرقه <<< وربي مكذب لاحد يضحك فيكم هههههههههههههه
طبعا يجي مقاس العرض للمربوعه الخشب 4x4 ركبت 3 قطع فوق بعض وصارت بشكل الي تشوفينه عريض
فوق السقف
وكل الخشب من المحرقه لاتستغربين من كورنيش وفريم مكيف والشباك
بس اخذت فى السنفره والتنعيم والقطع والتلوين مده 4 شهور فى الخشب بس طلع على مزاجي انا
مو مزاج النجار لان انا الي مسويه
طبعا فريم المكيف فكره جديده يمكن ماشفتيها قبل كذا حبيت ابتكر شكل مختلف وغير
والشباك طبعا فوقه رف بسطحه يمكن مو واضح بصوره لانه تصوير فى ليل وتصوير جوال على السريع المعذره منك
وهذا ياطويله العمر مكان جهازي والجلسه مقابل الباب والتلفزيون والكاونتر
على اليمين مجسم لعود وتحته جيتار كهرباء وتحته غيتار عادي بس مو واضح عدل
وفى النص مجسم اوجه افريقيه من نحتي من خشب المهوجني << ادري انها غلط بس صار الي صار
وهنا الزبده
الكاونتر على شكل قوس اول ماتدخلين من الباب يواجهك
وفى واجه الكونتر مثل ماتشوفين علاقه حق الأكواب والكاسات مثل ماهو واضح عندك بالصوره
وفى نص الكاونتر بلون اسود غامق موجود حرف s بس معكوس حرف ابوي الله يرحمه
وعلى علاقه الكاسات حرف f بأربع اشكال حرف الوالده حفظه الله
وفى تشكلات فى الملحق كثير ماصورتها ومدري احس التصوير الله بالخير ومشي حالك اذا اعجبك
ابشري اكمل بس بكميره افضل وفى نهار وبطريقه افضل من كذا
وادري اني طولت بكلامي بس بغيت اوضح وجهت نظري للفايده اخاف ماتوصلك الصوره الى فى بالي بشكل واضح
تحياتي وتقدير
وأتمنى اكون أفدتك لو بالقليل
الروابط المفضلة