ملوخية فلسطينية من عقر دار المجادله............

**أم أيموني** · 08-11-2006, 11:07 PM

وتقدم مع الأرز ..

والسلطة ......

شو رأيكم ................. بدكم الطريقة ولا خليكم ع الصور...

**.. Rahf ..** · 09-11-2006, 02:04 AM

ماشاء الله عليك
شكلها شهي مرره
تسلم يدك
واكيد ننتظر الطريقه

**glory5** · 09-11-2006, 08:13 AM

طبقك شكله كتير كتير حلو
وحطي الطريقة للبنات بسرعة خليهم يطبخوه اليوم
ويعطيكي العافية
على فكرة أنا ستي مجدلاوية

**رندوش** · 09-11-2006, 08:55 AM

مشكوره عزيزتي ام ايموني طبق شهي صحتين على قلبكم

**أم أيموني** · 09-11-2006, 09:22 AM

الملوخية الفلسطينية

المقادير:
5 ضمم ملوخية (حجم صغير وهاد كان الموجود) مقطفة ومغسولة جيداً ومنشفة
2 باكيت صدور دجاج أو دجاجتين مسلوقين مع حبة بصلة وبهارات السلق (القرفة-ورق الغار-الهيل-المسمار-ماجي مكعب....)
نص رأس ثوم مدقوق +شوية كزبرة مفرومة (الكمية حسب الرغبة) مقلايين مع بعض
نص رأس ثوم حب مقلي
1 علبة حمص حب
صنوبر مقلي
ملح-فلفل أسمر-بهارات (حسب الرغبة)
سمنة

أرز مفلفل مع شعيرية ..

الطريقة:

في طنجرة نحط السمنة ونذبل الملوخية حتى تخلص كل الكمية ثم نصب مرق الدجاج حتى تغمرهن وتكون فوق الغمرة وتترك حتى تغلي كم غلوة .. وتطرى ورقة الملوخية ثم نضيف فصوص الثوم .. ثم الثوم والكزبرة ثم الحمص .. ونتف الدجاج (قطع كبيرة) ونحط الملح والفلفل والبهارات وخليهم يغلو شوي .. ونضيف الصنوبر المقلي ...ويقدم مع الأرز المفلفل اللي عليه شوية قرفة .. وصحن سلطة..

وصحتين على قلوبكم ..ولا تنسو عصرة الليمون عليهم ...

**أم أيموني** · 09-11-2006, 09:23 AM

كتبت بواسطة .. Rahf ..

ماشاء الله عليك
شكلها شهي مرره
تسلم يدك
واكيد ننتظر الطريقه

وإيديك يالغالية .. وهاي الطريقة صارت موجودة... وطعمها كتييييييييييييير طيب..

**أم أيموني** · 09-11-2006, 09:25 AM

كتبت بواسطة glory5

طبقك شكله كتير كتير حلو
وحطي الطريقة للبنات بسرعة خليهم يطبخوه اليوم
ويعطيكي العافية
على فكرة أنا ستي مجدلاوية

هلا بيك حبيبتي .. أنا صفدية من الشام .. زوجي مجدلاوي والأفندي يلي صورتو بتوقيعي زي أبوه مجدلاوي .. وكل الناس خير وبركة .. وتسلمي حبيبتي وشكراً ...... وهاي الطريقة إنكتبت ..

**أم أيموني** · 09-11-2006, 09:26 AM

كتبت بواسطة رندوش

مشكوره عزيزتي ام ايموني طبق شهي صحتين على قلبكم

العفو حبيبتي .. وعلى قلبك.. تسلمي يالغالية ....

**حنان(البحرين)** · 09-11-2006, 10:17 AM

تسلم ايديك حبيبتي ام ايموني على الا طباق اللذيذه يعطيك العافيه

**إنجــــــــي** · 09-11-2006, 10:27 AM

يسلمو ايديك بشهي
زمان عن الملوخية

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ملوخية فلسطينية من عقر دار المجادله............

أدوات الموضوع

العرض