يابنات القصيم تكفون ابغى طريقة الكليجه

[$ نادره $]

بنات تكفون اي وحده عندها طريقة الكليجه الاصليه تعطيني الطريقه

صراحه مره ذقتها بس جاهزه ومكتوب عليها كليجة ام صالح صراحه طعمها خياااااال

مجوووفه ومحشيه على مااعتقد قرفه وتوفي بس مره هشه ولذيذه

الله يعافيكم اي وحده عندها طريقة الكليجه تكتبها ومشكورين مقدماً

[فسحة أمل]

إن شاء الله بدور لك على الطريقة.

[$ نادره $]

تسلميلي اختي فسحة امل وانا بالإنتظار

[سماح]

عندى طريقه مضبوطه وتجنن ان شاء الله اكتبها لك

[$ نادره $]

هلا سماح يالله انا انتظرك

وياريت لو تجيبلي طريقة اللي بالتوفي ذقتها وعجبتني ونفسي اسويها بنفسي

[سماح]

ترى الطريقه هذى مميزه وكل من ذاقها عجبته يعني لاتخافين من كثره الكميه

الـــــــــــكـــليـجــه


مقادير الحشوه:

كاس ونصف سكر
ملعقه ونصف صغيره ليمون اسود
ملعقه صغيره هيل
ملعقه صغيره قرفه
فلفل اسود حسب الرغبه


مقادير العجينه:

4كاسات طحين (طحين الهريس الأماراتي)
ثلاث ارباع كاس سكر
كاس وثلث سمن نباتي ...انا احط كاس وربع
2كاس ماء للعجن ...انا احط كاس ونصف
نصف ملعقه ملح


بهارات العجينه اللى تنخلط مع العجينه نفسها:

ملعقه صغيره ليمون اسود
ملعقتين صغيرتين قرفه
ملعقه ونصف صغيره هيل
ملعقه صغيره زنجبيل
ملعقه صغيره عرق الهيل<<اذا توفر ولا مو لازم
نصف ملعقه صغيره صبغه الزعفران
ملعقه صغيره عصفر او نصف ملعقه صغيره زعفران
(كمون+شيبه او شبنه) تطحن مع بعض ويؤخذ منها ملعقه صغيره
ملعقه صغيره بهارات مخلوطه
ملعقه صغيره (مسمنه الجريش ) ان وجد



طريقه العجن:

1..تضاف جميع مقادير البهارات للسكر الجاف.
2..يضاف اليها الماء وتقلب جيدا.
3..يضاف اليها السمن النباتي ثم توضع على نار هادئه الى ان يذوب السمن فقط دون ان يسخن (حتىيكون فاتر)
4..يضاف الطحين ويعجن وهو فاتر ويمكن انا يضاف قليلا من الماء حسب شكل العجينه حتى تكون سهله التشكيل
ـــــــــــــــــــــــــــــــــــــــــــــ ــــ

طريقه العمل:
1..تشكل العجينه كرات صغيره بمقاس اصغر من فنجان القهوه
ملاحظه:تغطى العجينه اثناء العمل بسفره بلاستيك حتى لاتنشف
2..تجوف العجينه (مثل طريقه المعمول) ويوضع بداخلها مقدارملعقه صغيره من الحشوه وتقفل باليد وتدار باليدقليلا وبرفق
3..ثم تصف في صينيه على الوجه المقفل وتترك فتره تكمل جميع الكميه
4..ثم نبدا بفرد هذه الكور بلطف على لوح خشبي على ان يكون الوجه المقفل من الاعلى وتفرد بعنايه ولطف على هذا اللوح ثم تصف بالصينيه ويدهن الوجه بالبيض
5..تدخل الصينيه الفرن درجه حرارته 210 من الاسفل وتوضع بالرف الاوسط مع ملاحظه ان يكون الفرن ساخن
6..واذا انتفخ وتحمر من الاسفل يفئ الفرن ويشعل من اعلى ليتحمر على نار هادئه جدا

لااااااتنسينى من صالح دعائك لى ولأولادي وابوهم

[$ نادره $]

هلا والله سموحه
تسلمي ياعسل على الطريقه لكن بسألك ماتنفع بالدقيق الاسمر العادي لازم دقيق الهريس الإماراتي ؟

انا مره ذقت كليجه بالتوفي ونفسي اعرف طريقتها وكيف تتعمل

ويعطيك ألف ألف عافيه ياقمر ويهنيك بزوجك وأولادك ويحفظهم لك يارب

[سماح]

اعتقد تصلح بالدقيق البر
وبالنسبه للحشوه تقدرين تبدلين على كيفك حطي توفى وعلمينى كيف طلعت

[$ نادره $]

إن شاء الله بجربها بالتوفي والله يستر هههههههههه

وتسلميلي ياعسسسسسسسسسسسسل على الرد