تويت
شعار"حلى متميز" بتحبي الكنافه بالقشطه؟؟؟؟؟؟ تعالي شوفي و قولي لي رايك ايه
النهارده عملت صينية كنافه بالقشطه انما ايه كانت جميله جدا
اكيد طبعا كل البنوتات الشطورات في لك بيعرفوا يعملوها
بس انا قلت انزلها
يمكننننننننننننننننننن في واحده عايزة تتعلمها لسه
شوفوا طريقتي
المقادير:
1/2 كيلو كنافه
كوب سمن سايحه
للقشطه:
2 كوب حليب
5 ملاعق كبيره دقيق
كوب قشطه
للقطر:
1/2 1 كوب سكر
3/4 كوب ماء
عصير ليمونه
فانيليا
الطريقه:
تحضير القطر:
نخلط مكونات القطر كلها في اناء ماعدا الليمون و الفانيليا
نضع الاناء علي النار الهادئه و نتركه حوالي 10 دقائق
ثم نضيف الليمون و نتركه يغلي قليلا ثم نضيف الفانيليا و نبعد القدر عن النار
و نتركه ليبرد تماما
تحضير القشطه:
ندوب الدقيق في الحليب علي البارد
ثم نرفعهم في اناء علي النار حتي يسمك الخليط هكذا
نبعد القدر عن النار و نضيف القشطه و نقلب جيدا
حتي يتجانس الخليط تماما
و تصبح القشطه جاهزه
تحضير الكنافه:
- تفتت الكنافه و تفرك جيدا بالسمن السايح
- ندهن صينيه بالسمن
- نضع نصف مقدار الكنافه
- نضغط علي الكنافه الموجوده في الصينيه جيدا جدا باستخدام صينيه اخري اصغر منها
- نرش مقدار من السمن السايح
- نغطي الكنافه بطبقه القشطه (مع الابتعاد عن الاطراف)
- نضيف النصف الآخر من الكنافه المفروكه بالسمن و نضغط عليها مرة اخري
- نرش مقدار جيد من السمن السايح
طريقه الخبز:
ممكن تخبزيها في الفرن عادي و تحمري الوجه
لكن انا افضل اني اخبزها علي سطح البوتاجاز لأن طعمها بيبقي الذ بكتيييييييييير
يعني تحطيها علي البوتاجاز و لما تلاقيها اتحمرت من تحت تقلبيها في صينيه تانيه
و اول ما تستوي و تكون ساخنه جدا ترشي عليها القطر البارد
و لازم تسيبيها تبرد خالص قبل التقطيع علشان ما تتفتتش منك
و بالهنا و الشفا
ياريت تقولوا رايكم ايه في شكلها النهائي
و يارب تكون عجبتكم
تعليق