عاااااجل ...طريقة مندي اللحم ..في الفرن

[جزيرة الاحلام]

بسم الله الرحمن الرحيم
السلام عليكم ورحمة الله وبركاته
لو سمحتن أأبغى طريقة المندي ضروري الله يخليكم
& جزاكم الله خيرا

[عزيزة النفس]

بسم الله الرحمن الرحيم
السلام عليكم ورحمة الله وبركاته
اذا كان عندك قدر المندي (اللي له دورين اللي تحت قدر عادي واللي فوق مثل المشخله يعني مفتح)
غسلي كاس رز زين ونقعيه بعدين صفيه وحطيه في القدر اللي تحت مع كل كاس رز كاسين مويه وملح
وتجيبين اللحم وتبلينه بالفلفل الاسود واذا كان في اللحم شحم ولا حطي زبده
وفي نفس القدر اللي فوق اللي فيه اللحم حطي فنجال (او القصدير اللي نحطه في المدخنه) فيه زيت
وبعدما تجهزين كل شي وتغطين القدر بقصدير تكوني مجهزه جمره وتفتحين القصدير وتحطين الجمره في الزيت وتقصدرين القدر بسرعه (تقدرين تتكرين هالعمليه بعد ساعه من الطبخ مره ولا مرتين عشان يطلع طعم المندي صدق)
بعدين دخليه الفرن على نار عاليه بعد نص ساعه حطيه على نار متوسطه وخليه لمدة ساعه ونص تقريبا
وعساه يعجبك لانه روووووووووووووعه ويحبه زوجي مره لانه خفيف ولذيذ

[جزيرة الاحلام]

بسم الله الرحمان الرحيم
أشكرك جداً أختي عزيزة النفس
لكن بصراحه ماعندي القدر إلي تقولين

[الاصــيل]

وعليكم السلام ورحمة الله وبركاته

أنا أسويه بالقدر العادي اذا تبغي طريقته أنا حاضرة

بس طبعا بدون فرن

[جزيرة الاحلام]

بسم الله الرحمن الرحيم
السلام عليكم يا أختي الاصيل لو سمحتي أعطيني طريقة المندي

[عربه]

المندي نفس طريقة الاخت عزيزة النفس ..

مو ضروري القدر اللي قالت عليه يصلح قدر عادي وغطيه بمشخل اي مشغل يغطي الجدر ووعقب غطي المشخل با القصدير ... ولكي تحياتي

[الاصــيل]

وعليكم السلام ورحمة الله وبركاته

أول حاجه تسلقي الدجاجه أو اللحمه عادي ، بعد ماتستوي تخرجيها من القدر وتحطيها بصينيه

وتخلطي شوية صبغه مع ماء وتدهني اللحمه أو الدجاجه فيها الى ماتغطيها كامل

وتحطيها بالفرن من فوق بس الى أن تحمر

وتحطي الرز في القدر وتسلقيه بالملح عادي جدا الى أن يستوي

وتحطي شوية صبغه مع ماء وتحطيه على الرز ، وتكوني مجهزه فحمه وتجيبي صحن معدن

وتحطي في شوية زيت وتحطيه في القدر فوق الرز وتحطي الفحمه فيه

وتغطيه بسرعه بغطاية القدر وتحطي مناشف كثيره طبعا تكوني مجهزه المناشف من بدري

وتتركيه لحدة ماينتهي البخور اللي حطيتيه بعدين تقدميه وبالهناء والعافيه

بالنسبه للحمه اما انك تحطي لها فحمه وزيت زي ماحطتي للرز وتغطي الصينيه بالقصدير

أو انك تحطي الله بالقدر قبل ما تحطي الفحمه والزيت للرز

ان شاء الله تكون الفكره وصلت


أتمنى أكون أفدتك ......... وأي سؤال أنا حاضره

[جزيرة الاحلام]

السلام عليكم ورحمه الله وبركاته
أشكركم جزبل الشكر للرد علي
وتسلمي أختي الاصيل والله تعبتك معايه الله يجزاكم خير إن شاء الله أحطك من قائمة الاصدقاء فاقبليني صديقةًلك

[الاصــيل]

السلام عليكم ورحمه الله وبركاته
وتسلمي أختي الاصيل والله تعبتك معايه الله يجزاكم خير إن شاء الله أحطك من قائمة الاصدقاء فاقبليني صديقةًلك

وعليكم السلام ورحمة الله وبركاته

الله يسلمك غاليتي من النار وعذابها ... ويجزاك الجنه ........ اللهم آمين

بالعكس حبيبتي مافي تعب ولا حاجه ........ المهم تضبط معك وأي خدمه أنا حاضره

طمنيني ايش الاخبار كيف طلعت معك؟

أهلا بك صديقه وأخت