!!!!!مخلل الفلفل المحشو بالملفوف والجزر!!!!!

[وَطَن]

وعود هادى البنت رنا ما تردى عليها.. لأنى أنا اللى بعتتها بس ما عملت اللى بدى إياه وزعلانة
منها كمان ..

[وعود الخير]

خلاص يا جبل النور
سامحيها هالمرة علشانها بعدها عضو جديد
واهلا وسهلا بها معنا في ركننا الجميل الهادي..

[وعود الخير]

اهلا وسهلا بك يا رنا

بس في حدا بيزعل جبل النور.. خلاص نفذي لها طلبها

واهلا بك معنا

[lanloon]

ممممممممممممممم يا وعود اكيد بشهيييييييييييي
تسلم ايديكِ
انا بتذكر امي كانت تحشي لنا الفلفل بالبقدونس و الثوم و تكبسه بس كان طعمه روعه


تسلم ايديكِ مره ثانيه

[وعود الخير]

ربي يسلمك لانلون
والله ذكرتيني زمان ما عملت مخلل فلفل بالثوم والبقدونس بس انا باضيف معاه بندورة خضرا وفلفل حار
ويا سلام مع العدس

[moon light 2]

يسلمو هالايدين يا وعود اكيد زاكي طالما انه
من عمل ايديكي .

[معقوله!]

الله يعطيك العافيه أختي وعود الخير

تسلم الايادي

[أم الأفكار]

والله زمان عن وعود واكلاتها كل شي منك بيفتح النفس يا شيخه

كيفك وحشتيني ؟

لقيت كل الاغراض عندي فكرت اقوم اعمل مرتبان مخلل الان واجرب بس اكيد حاجه رهيبه

بعدين مالكم انت وطيف عالعدس تصدقي احلى اكله في البرد بس احنا البرد يادوب ربيع غزه

بعدين سرعة العتمه يا ستي اسرع من كل السرعات اللي عرفوها واللي ما عرفوها لانها بتغطي عالدنيا وبتغب عالقلب

ههههههههههههههههه صباحكم عسل ولو انها النفسيه مش ولابد

طالعين من رمضان الاسنان خربانه والمفاصل خربانه والله بيعين

تحياتي للجميع

انا دخلت في الاخاءء والترحيب بس الظاهر ما شفتوني


اكرر تحياتي

[رنا سند]

يا شيخه الساعه عندي هلأ 4 الصبح و انا شطت ريالتي بصراحه
يعني عدس و مخلل.... يااااااا سلااااام ...
خليني افتيلكم ليش سموها مسلوعه ... هدا يا ستي العدس و الرز بس ينطبخ و يصير يغلي بيصير يبقبق.. و بس يبقبق بيصير يطرطش .. وبس يطرطش و ييجي عليكي بيصير يلسوعك وعلشان هيك اسمها مسلوعه.. على فكره انا شكلي نعست . خليني انام بلاش افتيلي كمان فتوه اقضي عليكم ... تصبحوا على خير

[ام لومي]

السلام عليكم ورحمة الله وبركاته
ياريت والله مقادير وطريقة عمل الملسوعة
شكلها حلو
وهل تعتبر كطبق رز او طبق رئيسي والأكلة من اي بلد
جعله الله في ميزان حسناتكم