السلام عليكم ورحمة الله وبركاته
بسم الله الرحمن الرحيم
مساءاللخير يا احلى بنات بالمنتدى نورتو الموضوع
اليوم راح قدملكم تورتة طيبة طيبة وانا اكدة راح تعجبكم
بس بلاول راح احليكم القصة جيبوا ركوة قهوة واقعدو
من زمان وانا نفسي جرب كيكة الشطرنج دورت على الطريقة وقلت راح سويها اخذتالوصفة من اخت بعالم حواء بس انا ما عندي القوالب قلت راح جربها من دونها
خلط الخليط وجبت ثلاث صواني بنفس القياس وانا عم حطها بالصينية اول خليط الشوكلاتة ما بسمع غير صوت ابني عم يبكي رحت تكرت كل شي من ايدي ورحت عليه كان واقع على تمو ونازل من سنو دم الحمد مشي الحال اخدتو غسلتو والحمد الله ما صار شي بس شوي شفتو انجرحت وانا معو اتذكرت الخليط رجعت اتارني من العجلة حاطة كيس التزين في الخليط بالصينية رحت عصبت
وسكرت الدنيا بوجي
قلت معلش يابنت هدي شوي وفكري شو بدك تعملي رحت حطيت الخليط الشوكولاته بصينة والابيض بصينية تانية وخبزتهم وطلعتهم وبردو قلت لكن راح قصهم حلقات وحطهم بشكل متداخل وانا عم قص اول شي الشوكولاته انقصت بالنص يعني متل كانو عم تقلي ما تعمليني
المهم قلت راح بعد عن كل هل الكيكة واعمل شي تاني
رحت قصيت الكيكة الشوكولاته والابيض وحطيتهم على جنب
وقصيت كيكة الشوكولاته بالنص والابيض كمان يعني هيك
وعملت كريمة شانتيي وحطيت باول قرص الشوكولاته وحطيت عليه كريمة
وهيك حطيت بعدو ابيض وبعدين شوكولاته وبعدين ابيض لحتى خلص الاربع طوابق ما تواخذوني ما صورت كل الطرق لانو هون شوب والكرمة بدوب بسرعة يعني عملتهم بسرعة بس الطريقة مفهومة اكيد
واخر شي غطيت كل القالب بالكريمة وجبت جوز مبشور وحطيت على كل جوانب القلب طلع شكله روعة ومن فوق القالب ذوبت شوكولاتة وبالمعلقة بلشت اعمل خطوط بشكل عشوائي بس بصراحة طلع بجنن
بس مو هون القصة القصة اني عملتو وخلصتو وحطيتوا بالبراد منشان ضل الكريمة جامدة وطلعت من البيت قلت بس ارجع بصور رحت رجعت على ا لبيت لقت ولاد خالاتي قاصين القالب ونازلين اكل انا كان فيني عقل وطار
انا لولا حلم الله لكنت اكلتهم من غير ملح المهم
رحت صفيتهم واحد ورا واحدوكل واحد اكل بهدلة
المهم لحقت قطعة وقلتها لبنت خالتي انو تصورها قامت ما صورتها من فوق بس من الداخل انشاء الله تعجبكم يابنات سامحوني طولت عليكم بس كنت لازم اشرح كل هيدا لحتى اوصل لهون
ا
بس يلي اتضحلي من كل هيدا بنات انا دائما بعمل كيكة اسفنجية للحشي والتزين بس اتضحلي انو الكيكة اذا كان فيها زبدة اطيب بتكون ادسم وشغلة تانية انو الشوكولاتة المذوبة الواحد يحطها على الكيكة اطيب من الكاكاو هيدا كل يلي عندي يا بنات انشاء الله تكون ركوة القهوة كفيتكم
][×][ تورتة محشية ومزينة مصورة من مطبخي][×][
رد مع الاستدلال
الروابط المفضلة