العدس بالبصل و شوربه كمان بالصور

**سائله الرحمن** · 26-10-2005, 03:46 AM

السلام عليكم و رحمه الله و بركاته ده اول موضوع انزله و ان شاء الله مايكونش الاخير انا مشتركه من بدرى قوى لكن مشغوليات الحياه بقى المهم فى شوربه عدس و عدس بالبصل ازاى اقول بقى على فكره دى اول مره انزل موضوع و ايه بالصور كمان يعنى يا حملت صح يا واحده تقولى ازاى احمل يارب الصور تطلع المقادير كوب عدس اصفر - بطاطسايه صغيره - بصلايه صغيره - جزارايه صغيره او واحده كبيره نقسمها - طماطمايه متوسطه الحجم فى الصور اذا طلعت استخدمت الطماطم الشيرى 3 وحدات فص توم صغير - خبز نفطعه مربعات و نشوحه فى سمن او زبد للتزين النهائى -ملح-كمون ضرورى - ميه طبعا مش محتاجه ذكاء تحطى العدس و تقطعى البطاطس و البصل و الجزر الطماطم مكعبات و فص التوم نقسمه من النصف و تحطى الملح و الكمون و الميه حوالى 2ونصف ل3 اكواب ميه فى حله (طنجره )على النار اول ما يبدا يغلى هدى النار عليه و اشفى الغط لغايه ما تلاقى العدس اتهرى او بدا يدوب و الخضره استوت ترى مابيخدش وقت كبير بس لما يدفى شويه اضربيه فى الخلاط لغايه ما يكون سائل بالشكل اللى فى الصوره خدى بالغرفه اللى تغرفى بيها الشوربه مغرفتين و شيليهم على جنب الباقى حطيه غى الحله تانى و معاه اقل من كوب ميه و قلبى ويكون سائل شوربه كده بس مايكنش سائل قوى مش هاتحسى بطعم العدس خليه متوسط الثخانه و هدى النار عليه و قلبى باستمرار و شوفى ملحه محتاج ولا ايه هاتلاقى ريم ابيض ده من الميه اللى حاطناها قلبى و خليه يغلى لغايه ماتروح الريمه وطفى النار و اغرفيه و حطى الخبز اللى حمصناه مع سمن او زبده و يا سلام لو كان الخبز اللبنانى بيبقى تحفه بس للاسف ماكنش عندى ساعتها التانى بقى جيبى بصله صغيره و قطعيها مكعبات صغيره و حمريها فى نصف م\ك سمن او زبد حتى تحمر و تحطى عليها العدس اللى شيلناه على جنب و تقلبى يدوب دقيقه و تطفى النار عليه ياخد لون البصل وريحته هاتلاقيه تخين و ده المطلوب و اغرفيه و ده يتاكل بالخبز عادى و بالهنا حاسه انى كتبت جواب استماره 6 بارب يعجبكم علشان ماخدهاش و اروح

**طيـــف** · 26-10-2005, 10:41 AM

امممممممم شكلها فعلا رووووووعه

بس كنها شوي جامده

؟

**سائله الرحمن** · 26-10-2005, 05:06 PM

تسلمى حبيبتى هو فعلا العدس بالبصل يبقى تقيل شويه لكن شوربته خفيفه

**مصراته** · 26-10-2005, 06:49 PM

جزاك الله خيرا
انا بعملها دايما والله كثير حلوه ومفيده بس حجرب اضيف الخبز
يعطيك العافيه

**الامل الجميل** · 26-10-2005, 07:21 PM

والله انا بعملها دايما وتطلع بتشهي
بس شوربتي اعملها رخوه ما جامده كتير
وبحط مكعب ماجي
يسلم ايديك

**وعود الخير** · 26-10-2005, 08:17 PM

سائله الرحمن
اهلا وسهلا بك
شوربة طيبة وعلى فكرة اولادي بيحبوها جامدة علشان يغمسوا الخبز المقلي فيها ويطلعوا قطعة الخبز غاطسة بالعدس
سلمت يداك
واتمنى ان اجد لك مشاركات عيديدة معنا
ورمضان كريم

**ريتاج** · 30-10-2005, 06:46 AM

مشكوووووووووووووووووووره غاليتى

**karima9** · 30-10-2005, 08:38 PM

الخبز يشهي هل هو من عمل يديك ؟ان كان ذلك اعطيني الوصفة مع الصور ان امكنك.

**نـورا** · 30-10-2005, 10:19 PM

روعة يا أختي تسلم إيديك

**سائله الرحمن** · 31-10-2005, 02:05 PM

سامحونى على التأخير عندى بنتى عندها سنه و مجننانى هابقى قرعه قريب من كتر مابشد شعرى لكن ماليه عليه حياتى الحمد لله شكرا اختى مصراته مشكوره الامل الجميل وعود الخير تسلمى و ان شاء الله تشوفى موضيع ليه جديده و الله يحب كل كريم مشكوره اختى ريتاج karima9 الخبز ده شارينه جاهز اسمه بالايطالى بوليزى عندنااحنا بقى بالمصرى اسمه عيش او خبز شمسى و طريقته سهله تعملى خميره الخبز من باليل و تجيبى من الفرن تشترى قطعه عجين قد كف اليد و تعجنى كله مع بعض و تضيفى الدقيق لغايه ما تكون عجينه طريه لكن تلزق شويه بسيط بايدك و تسبيها تخمر كويس و تقطعيها كور قد البرتقاله الكبيره و تكونى حاطه رده تحت العيش و تسبيه يخمر فى الشمس و دى مهمه قوى بس و تدخليه الفرن يعنى العجين كله عباره عن دقيق و ميه و شويه ملح بس اختى عروبه مشكوره و جزاكم الله خير

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: العدس بالبصل و شوربه كمان بالصور

أدوات الموضوع

العرض